កីឡា
ព្រឹកនេះ ក្រុមបាល់បោះរទេះនារីកម្ពុជាទៅប្រកួតជម្រុះប៉ារ៉ាឡាំពិកនៅថៃ
ក្រុមកីឡាបាល់បោះរទេះនារីជម្រើសជាតិកម្ពុជាត្រូវធ្វើដំណើរទៅប្រកួតជើងឯកតំបន់អាស៊ី-អូសេអានី IWBF AOZ Championship និងជម្រុះព្រឹត្តិការណ៍កីឡាប៉ារ៉ាឡាំពិក ឆ្នាំ២០២៤។
![](https://www.kampucheathmey.com/wp-content/uploads/2024/01/Cambodian-wheelchair-bastkeball-team-1024x682.jpg)
ជើងឯកតំបន់អាស៊ី-អូសេអានី IWBF AOZ និងជម្រុះព្រឹត្តិការណ៍កីឡាប៉ារ៉ាឡាំពិកនេះមានក្រុមជម្រើសជាតិនារីចំនួន៩ចូលរួមប្រកួតដែលត្រូវបានបែងចែកជា២ពូលគឺពូល A មានក្រុមខ្លាំងៗ អូស្ត្រាលី ចិន និង ជប៉ុន ខណៈពូល B មាន កម្ពុជា ឥណ្ឌា ឡាវ ហ្វីលីពីន ថៃ និងក្រុមតំណាងអាស៊ី-អូសេអានី។
តាមរូបមន្តនៃការប្រកួត ក្រុមខ្លាំងពូល A ប្រកួតវិលជុំសន្សំពិន្ទុក្នុងពូលប៉ះគ្នាពីរដង ខណៈនៅពូល B ប្រកួតវិលជុំសន្សំពិន្ទុប៉ះគ្នាតែម្តងប៉ុណ្ណោះ។ ក្រោយចប់ការប្រកួតសន្សំពិន្ទុ ក្រុមចំណាត់ថ្នាក់លេខ១ក្នុងពូល B ត្រូវចូលទៅចំណាត់ថ្នាក់លេខ៤ក្នុងពូល A ដោយសារពូល A មានតែ៣ក្រុមដោយទទូលបានកៅអីវគ្គពាក់កណ្តាលផ្តាច់ព្រ័ត្រសម្រាប់ប្រជែងជើងឯក IWBF AOZ Championship។
![](https://www.kampucheathmey.com/wp-content/uploads/2024/01/cambodian-wheelchair-baskeball.jpg)
ចំពោះសម្រាប់ការជម្រុះប៉ារ៉ាឡាំពិកវិញ ក្រុមទទួលបានចំណាត់ថ្នាក់លេខ១ (ជើងឯក) នឹងទទួលបានកៅអីទៅព្រឹត្តិការណ៍ប៉ារ៉ាឡាំពិក ឆ្នាំ២០២៤ (Paris 2024 Paralympics Games) នៅទីក្រុងបារីស ប្រទេសបារាំង។
សម្រាប់ក្រុមចំណាត់ថ្នាក់លេខ២ និងលេខ៣ នឹងទទួលបានកៅអីទៅប្រកួតជើងឯក 2024 IWBF Women’s Repechage នៅទីក្រុង Osaka ប្រទេសជប៉ុន។
ការប្រកួតធ្វើនៅទីក្រុងបាំងកក ប្រទេសថៃ ចាប់ពីថ្ងៃទី៩ ដល់ទី២១ ខែមករា ឆ្នាំ២០២៤។
- ពូល A៖ អូស្ត្រាលី ចិន ជប៉ុន
- ពូល B៖ កម្ពុជា ឥណ្ឌា ឡាវ ហ្វីលីពីន ថៃ និងអាស៊ី-អូសេអានី
![](https://www.kampucheathmey.com/wp-content/uploads/2024/01/Female-Cambodian-Wheelchair-Basketball-KPT-Sport-News-1024x683.jpg)
ព្រឹត្តិការណ៍ប៉ារ៉ាឡាំពិក ឆ្នាំ២០២៤ នៅទីក្រុងបារីស នឹងចាប់ពីថ្ងៃទី២៨ ខែសីហា ដល់ថ្ងៃទី៨ ខែកញ្ញា សម្រាប់វិញ្ញាសាកីឡាបាល់បោះរទេះនារីមានតែ៨ក្រុមប៉ុណ្ណោះដែលត្រូវបានកំណត់ឲ្យចូលរួមប្រកួត៕
អត្ថបទ៖ វីរបុត្រ
![](https://kampucheathmey.com/wp-content/uploads/2020/12/1-01-2-01-1.png)
-
សន្តិសុខសង្គម២៣ ម៉ោង ago
Breaking News៖ អគ្គិភ័យកំពុងឆេះក្លឹបមួយកន្លែងនៅជិតវត្តឬស្សីសាញ់(មានវីដេអូ)
-
ព័ត៌មានជាតិ២២ ម៉ោង ago
ព័ត៌មានបន្ថែម៖ មានមនុស្ស៣នាក់រងរបួសក្នុងហេតុការណ៍ឆេះក្លឹប
-
ព័ត៌មានអន្ដរជាតិ៥ ថ្ងៃ ago
ការស្លាប់របស់ពិធីការនី កូរ៉េ ដោយសារតែទ្រាំទ្រសម្ពាធ និងការធ្វើបាបពីមិត្តរួមការងារលែងបាន
-
ព័ត៌មានជាតិ៧ ថ្ងៃ ago
ជនជាតិខ្មែរជិត២ពាន់នាក់ស្ថិតក្នុងបញ្ជីអ្នកត្រូវបណ្ដេញចេញពីអាមេរិក
-
សន្តិសុខសង្គម៥ ថ្ងៃ ago
Update! ដុំដែក៣ដុំដែលធ្លាក់បុកទម្លុះប្លង់សេផ្ទះប្រជាពលរដ្ឋ គឺកើតចេញពីផ្ទុះម៉ូទ័រស្តុកប្រេងរបស់ឧកញ៉ាម្នាក់
-
ព័ត៌មានជាតិ៦ ថ្ងៃ ago
សម្ដេចតេជោ ស្នើឱ្យតុលាការចាត់ការលើសំណុំរឿង Mr Seth អ្នករៀបចំធ្វើបាតុកម្ម ១៨ សីហា ក្រោយបុគ្គលនេះក្បត់សន្យា
-
ជីវិតកម្សាន្ដ៥ ថ្ងៃ ago
បានឱកាសចូលសម្តែងជាថ្មី តាចេក ស៊ូកើយអង្រឹងនៅចេតីយ៍រង់ចាំថតរឿងខ្មោច
-
បច្ចេកវិទ្យា៥ ថ្ងៃ ago
ធ្វើម៉េច ទើបធ្វើឱ្យទូរស័ព្ទដៃ នៅតែកាន់ថ្មបានល្អ ទោះប្រើយូរក៏ដោយ?