កីឡា

Arda Guler ប្រាប់មូលហេតុជ្រើសរើស Real Madrid បដិសេដ Barcelona

បានផុស

១ year មុន

នៅ

ថ្ងៃសុក្រ ១២ មករា ២០២៤

ដោយ

កីឡាករ Arda Guler បានសម្រេចចូលរួមជាមួយក្រុមអធិរាជស Real Madrid ជំនួស Barcelona ដោយសារស្ថានភាពហិរញ្ញវត្ថុមិនល្អប្រសើររបស់ក្លិបអ្នកបុណ្យក្នុងរយៈពេលប៉ុន្មានឆ្នាំចុងក្រោយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដើមឡើយ Barcelona ជាអ្នកនាំមុខក្នុងការចុះហត្ថលេខាយកកីឡាករវ័យក្មេងរូបនេះ។ ពួកគេបានកែប្រែលក្ខខណ្ឌមួយចំនួនក្នុងកិច្ចព្រមព្រៀងជាមួយក្លិប Fenerbahce ដោយបានបន្ថែមបូកបន្ថែមប្រាក់ផ្សេងៗ ហើយភាគីតួកគីបានទទួលយកលក្ខខណ្ឌរបស់ Barca ក្នុងការបញ្ជូនកីឡាករ Guler ក្នុងលក្ខខណ្ឌខ្ចីជើងរដូវកាលក្រោយ។

ទោះបីជាយ៉ាងណា Guler ចង់ចូលរួមជាមួយក្លិបមួយដែលរូបគេអាចចូលលេងភ្លាមៗ។ ទីបំផុតរូបគេបានសម្រេចដកខ្លួនចេញពី Barcelona។ តាមពិតទៅ ក្លិបអ្នកមានបុណ្យ អាចចំណាយត្រឹមតែ ៣.៤លានអឺរ៉ូលើតម្លៃផ្ទេររដូវក្តៅនេះ។ ពួកគេពិបាកក្នុងការចុះឈ្មោះនាំយកកីឡាករណាស់ ស្របតាមការរឹតបន្តឹងប្រាក់ខែរបស់លីគ La Liga ប៉ុន្មានឆ្នាំចុងក្រោយ ដែលជាហេតុធ្វើឲ្យតារាឆ្នើមកីឡាករ Lionel Messi ចាកចេញកាលពីឆ្នាំ២០២១។

ក្លិប Real Madrid បានពិគ្រោះជាមួយអ្នកចាត់ការលោក Carlo Ancelotti បានយល់ព្រមយកកីឡាករ Guler មកចូលរួមជាក្រុម បន្ទាប់ពីបានទំនាក់ទំនងជាមួយកីឡាករផ្ទាល់។ ការនាំយកកីឡាករវ័យក្មេងរូបនេះក្នុងតម្លៃផ្ទេរ ១៧.៥ លានអឺរ៉ូ ប៉ុន្តែ Real Madrid បានយល់ព្រមបង់ថ្លៃដើម២០លានអឺរ៉ូ ជាការបូកបន្ថែមទៀត ស្របតាមការទាមទាររបស់ឪពុក Guler ដែលចង់បានជិត៣០លានអឺរ៉ូ៕

ប្រែសម្រួល៖ ផា រតនា
ប្រភព៖ 90min