កីឡា

ក្រុមបាល់បោះរទេះនារីកម្ពុជាឈ្នះឡាវ ១៤-៤ ឡើងវគ្គ៤ក្រុមជម្រុះប៉ារ៉ាឡាំពិក

បានផុស

១ year មុន

នៅ

ថ្ងៃព្រហស្បតិ៍ ១១ មករា ២០២៤

ដោយ

ក្រុមបាល់បោះរទេះនារីកម្ពុជាបានយកឈ្នះក្រុមនារីឡាវ ដោយលទ្ធផល ១៤-៤ នៅវគ្គ៨ក្រុម សម្រាប់វិញ្ញាសា៣ទល់៣ ដើម្បីបានឡើងទៅកាន់វគ្គពាក់កណ្តាលផ្តាច់ព្រ័ត្រ ក្នុងព្រឹត្តិការណ៍ប្រកួតជើងឯក តំបន់អាស៊ី-អូសេអានី IWBF AOZ Championship និងជម្រុះព្រឹត្តិការណ៍កីឡាប៉ារ៉ាឡាំពិក ឆ្នាំ២០២៤ នៅប្រទេសថៃ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រុមនារីកម្ពុជាធ្វើបានល្អឥតខ្ចោះសម្រាប់ការប្រកួតវគ្គសន្សំពិន្ទុក្នុងពូល។ ដោយឆ្លងកាត់៣ប្រកួត ក្រុមនារីកម្ពុជាបានយកឈ្នះទាំងអស់គឺប្រកួតលើកទី១ ឈ្នះក្រុមនារីអូស្ត្រាលី ១៣-៣, ប្រកួតលើកទី២ ឈ្នះក្រុមនារីឥណ្ឌា ១៤-០ និងប្រកួតលើកទី៣ឈ្នះក្រុមនារីម្ចាស់ផ្ទះថៃ ៩-២។

នៅវគ្គពាក់កណ្តាលផ្តាច់ព្រ័ត្រ ក្រុមនារីកម្ពុជាប៉ះនារីម្ចាស់ផ្ទះថៃ ខណៈក្រុមនារីប៉ះនារីអូស្ត្រាលីយប់នេះ។

ក្រុមដែលទទួលបានឈ្នះជើងឯកតំបន់អាស៊ី-អូសេអានី IWBF AOZ Champions នឹងទទួលបានកៅអីទៅចូលរួមប្រកួតព្រឹត្តិការណ៍កីឡាប៉ារ៉ាឡាំពិក ឆ្នាំ២០២៤ (Paris 2024 Paralympics Games) នៅទីក្រុងបារីស ប្រទេសបារាំង។ សម្រាប់ក្រុមចំណាត់ថ្នាក់លេខ២ និងលេខ៣ នឹងទទួលបានកៅអីចូលរួមប្រកួតជើងឯក 2024 IWBF Women’s Repechage នៅទីក្រុង Osaka ប្រទេសជប៉ុន។