កីឡា
Ouyang Feng ជាកីឡាករចិនទី៣ឈ្នះខ្សែក្រវាត់ K-1ក្នុងប្រវត្តិសាស្ត្រ
K-1 គឺជាស្ថាប័នប្រដាល់ឃីកបុកស៊ីងកំពូលរបស់ប្រទេសជប៉ុនប្រមូលផ្តុំដោយកីឡាករប្រដាល់ចម្រុះជាតិសាសន៍ចូលរួមប្រកួត ក្នុងនោះម្ចាស់ខ្សែក្រវាត់ភាគច្រើនក៏ជាកីឡាករជប៉ុនដែរ ប៉ុន្តែក៏មានកីឡាករប្រទេសផ្សេងខ្លះបានគ្រងខ្សែក្រវាត់នៅស្ថាប័ននេះ។ ជាស្តែង Ouyang Feng ជាកីឡាករចិនទី៣ បានក្លាយម្ចាស់ខ្សែក្រវាត់នៅ K-1។
Ouyang Feng ដែលជាកីឡាករប្រដាល់ឆ្នើមមួយរូបរបស់ចិន កំពុងគ្រងខ្សែក្រវាត់កម្មវិធី Wu Lin Feng និងជាម្ចាស់ខ្សែក្រវាត់ K-1 ទម្ងន់៧០គីឡូក្រាម។ គិតត្រឹមដើមឆ្នាំ២០២៤ រូបគេធ្លាប់ប្រកួតបានចំនួន៤០លើក ឈ្នះ៣៦ ចាញ់៣ និងមិនប្រកាសលទ្ធផល១លើក។ ក្នុងចំណោមជ័យជម្នះ រូបគេបានផ្ដួលដៃគូឲ្យបោះបង់កាប្រកួតចំនួន២០លើក។ កីឡាករវ័យ២៦ឆ្នាំរូបនេះ បានចាប់ផ្តើមចូលរួមប្រកួតក្នុងកម្មវិធី Kunlun Fight ឆ្នាំ២០១៨។ ចំពោះការប្រកួតចំនួន៦លើកដំបូងរបស់រូបគេគឺសុទ្ធតែផ្តួលឲ្យសន្លប់ទាំងអស់ រាប់ទាំងជ័យជម្នះលើកីឡាករ Guan Yirui នៅថ្ងៃទី៥ ខែវិច្ឆិកា ឆ្នាំ២០១៨។
ថ្ងៃទី១៥ ខែឧសភា ឆ្នាំ២០២០ Ouyang បានចូលប្រកួត Super Rookie Cup ក្នុងកម្មវិធី Wu Lin Feng ក្នុងប្រភេទទម្ងន់៧០គីឡូក្រាម ប៉ុន្តែដំណើរឆ្ពោះទៅកាន់ជាម្ចាស់ខ្សែក្រវាត់របស់រូបគេត្រូវបានខកខាន ដោយសារការរាតត្បាតជំងឺកូវីដ-១៩។ ការប្រកួតវគ្គជុំដំបូងរូបគេបានយកឈ្នះកីឡាករ Song Shaoqiu ដោយពិន្ទុឯកច្ឆ័ន្ទ។
ថ្ងៃទី៦ ខែឧសភា ឆ្នាំ២០២៣ កីឡាករ Ouyang បានយកឈ្នះកីឡាករ Arman មកពីប្រទេសអាមេនី ដោយអាជ្ញាកណ្ដាលបញ្ចប់នៅក្នុងទី១ ក្នុងកម្មវិធី Huya Kung Fu Carnival។ នៅថ្ងៃទី២៩ ខែកក្កដា ឆ្នាំ២០២៣ រូបគេបានប្រកួតកីឡាករ Anatoly Moiseev ដណ្តើមខ្សែក្រវាត់ក្នុងកម្មវិធី Wu Lin Feng ទម្ងន់៧០គីឡូក្រាម រូបគេបានឈ្នះការប្រកួតដោយការផ្ដួលឲ្យសន្លប់ក្នុងទឹកទី១។
កាលថ្ងៃទី៩ ខែធ្នូ ឆ្នាំ២០២៣ កីឡាករ Ouyang បានចូលរួមប្រកួតដណ្តើមខ្សែក្រវាត់ K-1 Super Welterweight ជាមួយកីឡាករជប៉ុន Hiromi Wajima ដោយបានផ្ដួលឲ្យសន្លប់ក្នុងទឹកទី២ និងបានក្លាយជាកីឡាករចិនទី៣ឈ្នះខ្សែក្រវាត់របស់ K-1។
ដើមឆ្នាំ២០២៤ Ouyang នឹងត្រូវជាមួយអតីតជើងឯក Glory Lightweight Davit Kiria នៅកម្មវីធី Wu Lin Feng នៅមហោស្រពកុងហ្វូពិភពលោក លើកទី១២ នៅថ្ងៃទី២៧ ខែមករា។
ស្ថិតក្នុងវ័យ២៦ឆ្នាំ កីឡាករ Ouyang សម្រេចបានសមិទ្ធផលជាច្រើនដូចជា៖
- ឈ្នះខ្សែក្រវាត់ K-1 Super Welterweight ឆ្នាំ២០២៣
- ឈ្នះខ្សែក្រវាត់ Wu Lin Feng ឆ្នាំ២០២២
- ជាប់ជាកីឡាករដែលធ្វើបានល្អក្នុងកម្មវិធី Wu Lin Feng ឆ្នាំ២០២១
- ឈ្នះខ្សែក្រវាត់ពិភពលោក Wu Lin Feng ឆ្នាំ២០២៣
- ឈ្នះខ្សែក្រវាត់ IPCC ក្នុងប្រទេសចិនឆ្នាំ២០២២
- ជាម្ចាស់មេដាយមាសក្នុងការប្រកួតបែបស្ម័គ្រចិត្ត Anhui Provincial Sanda Championship
អត្ថបទ៖ ផា រតនា
-
សន្តិសុខសង្គម២ ថ្ងៃ ago
Breaking News៖ អគ្គិភ័យកំពុងឆេះក្លឹបមួយកន្លែងនៅជិតវត្តឬស្សីសាញ់(មានវីដេអូ)
-
ព័ត៌មានជាតិ២ ថ្ងៃ ago
ព័ត៌មានបន្ថែម៖ មានមនុស្ស៣នាក់រងរបួសក្នុងហេតុការណ៍ឆេះក្លឹប
-
ព័ត៌មានអន្ដរជាតិ៦ ថ្ងៃ ago
ការស្លាប់របស់ពិធីការនី កូរ៉េ ដោយសារតែទ្រាំទ្រសម្ពាធ និងការធ្វើបាបពីមិត្តរួមការងារលែងបាន
-
សន្តិសុខសង្គម៧ ថ្ងៃ ago
Update! ដុំដែក៣ដុំដែលធ្លាក់បុកទម្លុះប្លង់សេផ្ទះប្រជាពលរដ្ឋ គឺកើតចេញពីផ្ទុះម៉ូទ័រស្តុកប្រេងរបស់ឧកញ៉ាម្នាក់
-
ព័ត៌មានជាតិ៧ ថ្ងៃ ago
សម្ដេចតេជោ ស្នើឱ្យតុលាការចាត់ការលើសំណុំរឿង Mr Seth អ្នករៀបចំធ្វើបាតុកម្ម ១៨ សីហា ក្រោយបុគ្គលនេះក្បត់សន្យា
-
ជីវិតកម្សាន្ដ៦ ថ្ងៃ ago
បានឱកាសចូលសម្តែងជាថ្មី តាចេក ស៊ូកើយអង្រឹងនៅចេតីយ៍រង់ចាំថតរឿងខ្មោច
-
បច្ចេកវិទ្យា៦ ថ្ងៃ ago
ធ្វើម៉េច ទើបធ្វើឱ្យទូរស័ព្ទដៃ នៅតែកាន់ថ្មបានល្អ ទោះប្រើយូរក៏ដោយ?
-
ព័ត៌មានអន្ដរជាតិ៣ ថ្ងៃ ago
ត្រាំ តម្រូវឲ្យអ៊ុយក្រែន យកធនធានរ៉ែកម្រមកដោះដូរ បើចង់បានជំនួយអាមេរិក តទៀត