Connect with us

កីឡា

ជយលាភី១០រូបជាម្ចាស់ពានរង្វាន់ល្អបំផុតរបស់ FIFA ឆ្នាំ ២០២៣

បានផុស

នៅ

កាលយប់ថ្ងៃទី១៦ ខែមករា​ ឆ្នាំ២០២៣ សហព័ន្ធបាល់ទាត់ពិភពលោក FIFA បានប្រកាសជយលាភី​ទាំង១០រូប ដែលឈ្នះម្ចាស់ពានរង្វាន់បាល់ទាត់ល្អបំផុតប្រចាំក្រោយពួកគេសម្រេចសមិទ្ធផលបានជាច្រើនទាំង​ជាតិ និង​ក្លិប។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

១.លោក Pep Guardiola

លោក Pep Guardiola បានជាប់ជាគ្រូបង្វឹកល្អប្រចាំឆ្នាំ២០២៣ ក្រោយដឹកនាំក្លិបមេឃខៀវ Manchester City ទទួលបានជោគជ័យបំផុតដោយឈ្នះពានរង្វាន់ Premier League, FA Cup, UEFA Champion League, UEFA Super Cup និង FIFA Club World Cup។ ក្នុងវគ្គបោះឆ្នោតក្នុងជុំចុងក្រោយ Pep ទទួលបាន២៨ពិន្ទុ​​ ខណៈលោក Luciano Spalletti មាន១៨ពិន្ទុ និងលោក Simone Inzaghi មាន១១ពិន្ទុ។

២.លោកស្រី Sarina Wiegman

លោកស្រី Sarina Wiegman វ័យ៥៤ឆ្នាំបានឈ្នះពានរង្វាន់ជាគ្រូបង្វឹកបាល់ទាត់នារីល្អបំផុតប្រចាំ២០២៣ ក្រោយលោកស្រីដឹកនាំក្រុមបាល់ទាត់នារីអង់គ្លេសឈ្នះពានរង្វាន់ Women’s Finalissima ឆ្នាំ២០២៣, ពានរង្វាន់ Arnold Clark Cup ឆ្នាំ២០២៣ និងជាម្ចាស់ជើងឯករងក្នុងពានរង្វាន់ FIFA Women’s World Cup ឆ្នាំ២០២៣។

៣. កីឡាការិនី Mary Earps

កីឡាការិនី Mary Earps បានឈ្នះពានរង្វាន់ជាអ្នកចាំទីល្អប្រចាំបំផុតប្រចាំឆ្នាំ២០២៣ ក្រោយជួយឲ្យក្លិប Manchester United ក្លាយជាម្ចាស់ជើងឯករង Women’s FA Cup ឆ្នាំ២០២៣, ពានរង្វាន់ Women’s Finalissima ឆ្នាំ២០២៣, ពានរង្វាន់ Arnold Clark Cup ឆ្នាំ២០២៣ និងជាម្ចាស់ជើងឯករងក្នុងពានរង្វាន់ FIFA Women’s World Cup ឆ្នាំ២០២៣។

៤. កីឡាករ Ederson

កីឡាករ Ederson បានឈ្នះពានរង្វាន់អ្នកចាំទីល្អបំផុតប្រចាំឆ្នាំ២០២៣ ក្រោយជួយឲ្យក្លិប Manchester City ឈ្នះពានរង្វាន់ Premier League, FA Cup, UEFA Champion League, UEFA Super Cup និង FIFA Club World Cup។

៥. ក្រុមបាល់ទាត់ជម្រើសជាតិប្រេស៊ីល

ក្រុមសាំបាប្រេស៊ីលបានឈ្នះពានរង្វាន់ជាក្រុមមួយលេងប្រកប​ដោយ​យុត្តិធម៌ (Fair Play)។ នេះជាលើកទី៣ហើយក្រុម នៅតំបន់អាមេរិកឡាទីន​បានឈ្នះពានរង្វាន់នេះ។ គួររម្លឹក​ផងដែរថា ពានរង្វាន់លេងប្រកប​ដោយ​យុត្តិធម៌ (Fair Play) ត្រូវបានបង្កើតឡើងតាំងពីឆ្នាំ១៩៨៧។

៦. កីឡាករ Guilherme Madruga

Guilherme Madruga បានឈ្នះពាន​រង្វាន់​ជាកីឡាករដែលស៊ុតបញ្ចូលទីល្អបំផុតប្រចាំ២០២៣ ដោយក្បាច់ bicycle kick ក្នុងជំនួបរវាងក្រុម Novorizontino និង Botafogo FC-SP ក្នុងលីគទី២ របស់ប្រទេសប្រេស៊ីល។

៧. ក្លិប Club Atletico Colon

រុម Club Atletico Colon ដែលមានមូលដ្ឋាន​ក្នុងប្រទេសអាហ្សង់ទីនបានឈ្នះពានរង្វាន់ជាក្លិបដែលមានអ្នកគាំទ្រល្អបំផុតប្រចាំឆ្នាំ២០២៣។

៨. កីឡាការិនី Marta

Marta ឈ្នះពានរង្វាន់ពិសេស (Special Award) ក្រោយកីឡាការិនីរូបសម្រេចសមិទ្ធផលបានយ៉ាងច្រើនជាក្លិបអាជីព និង​ជម្រើសជាតិប្រេស៊ីលក្នុងអាជីពជាកីឡាការិនីបាល់ទាត់។

៩. កីឡាករ Lionel Messi

Lionel Messi បានឈ្នះពានរង្វាន់ជាកីឡាករល្អបំផុតប្រចាំឆ្នាំ២០២៣ បន្ទាប់ផ្តួលកីឡាករ Haaland និង Mbappe នៅជុំចុងក្រោយ។ នេះគឺជាលើកទី៣ ដែលតារាឆ្នើមអាហ្សង់ទីនរូបឈ្នះ។

១០. កីឡាការិនី Aitana Bonmatí

Aitana Bonmatí បានឈ្នះពានរង្វាន់កីឡាការិនីល្អបំផុតប្រចាំឆ្នាំ២០២៣ ក្រោយជួយឲ្យក្លិប FC Barcelona ឈ្នះពានរង្វាន់ Laliga, UEFA Women’s Champion League, Supercopa de España Femenina និងជួយឲ្យក្រុមជម្រើសជាតិអេស្ប៉ាញឈ្នះពានរង្វាន់ FIFA Women’s World Cup៕

អត្ថបទ៖ ផា រតនា

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ១ ម៉ោង មុន

​រូប​ភាព​រលំបាក់​អគារ​គួររន្ធត់​នៅថៃ ប៉ុន្តែ​​អាជ្ញាធរ​​បញ្ជាក់ថា​ ចំនួន​អ្នកស្លាប់​មាន៩នាក់​ដល់​ពេលនេះ​

ព័ត៌មានអន្ដរជាតិ២ ម៉ោង មុន

​​រហូត​ដល់​ពេល​នេះ មីយ៉ាន់​ម៉ារកឃើញ​អ្នក​ស្លាប់​​​និងរបួស​ជិត​៩០០​នាក់​ក្នុងគ្រោះរញ្ជួយដី​

ព័ត៌មានជាតិ៣ ម៉ោង មុន

ក្រុមហ៊ុន​បច្ចេកវិទ្យា​ទំនើប​​ចិន ប្ដេជ្ញា​ជំរុញ​កម្មវិធី​សិក្សា TVET កម្ពុជា ឱ្យ​ស្រប​តាមស្តង់ដារ​សិក្សា​នៃ​ប្រទេសចិន និងអាល្លឺម៉ង់

ព័ត៌មានជាតិ៥ ម៉ោង មុន

មន្ត្រីក្រសួងសេដ្ឋកិច្ច ៖ ម្ចាស់​អាជីវកម្ម ដែលប្រឈមហានិភ័យ ត្រូវ​មាន​ធានារ៉ាប់រង​សម្រាប់​អាជីវកម្ម​ខ្លួន

ព័ត៌មានអន្ដរជាតិ៧ ម៉ោង មុន

​​តើគ្រោះ​​រញ្ជួយដី​កើត​នៅ​មីយ៉ាន់​ម៉ា​​​ប៉ះពាល់​និង​ជះឥទ្ធិពលដល់​ណាខ្លះ?​

Sokha Hotels

ព័ត៌មានពេញនិយម