កីឡា

តារាបាល់ទះឆ្នើម Doni ជម្រើសជាតិឥណ្ឌូណេស៊ីមកលេងតេជោលីគ

បានផុស

១ year មុន

នៅ

ថ្ងៃអង្គារ ១៦ មករា ២០២៤

ដោយ

កីឡាករបាល់ទះជម្រើសជាតិឥណ្ឌូណេស៊ី Doni Haryono អាយុ២៤ឆ្នាំមកលេងក្នុងការប្រកួតបាល់ទះតេជោលីគ បន្ទាប់ពីមានកីឡាករឥណ្ឌូណេស៊ី៣នាក់បានចូលរួមជាមួយក្លិបបញ្ជាការដ្ឋានអង្គរក្ស។

មិនទាន់មានការប្រកាសផ្លូវការពីក្លិបណាមួយនៅលីគបាល់ទះកំពូលកម្ពុជាទេ ប៉ុន្តែបើតាមផេក ASEAN Volley Gossips បានបង្ហាញថា Doni Haryono បានចូលរួមជាមួយក្លិបបញ្ជាការដ្ឋានអង្គរក្ស។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមលក្ខខណ្ឌកំណត់ ក្លិបនីមួយៗអាចចុះបញ្ជីកីឡាករបរទេសបាន៣នាក់ ដូច្នេះនៅពេលនាំចូល Doni ម្នាក់ទៀតមានន័យថា ក្លិបបញ្ជាការដ្ឋានមានកីឡាករបរទេស៤នាក់ ដូច្នេះប្រហែលជាត្រូវបញ្ចេញសមាជិកបរទេសណាម្នាក់ក្នុងចំណោមកីឡាករទាំង៤នាក់គឺ Dio Zulfikri, Luvi Febrian Nugraha និង Gede Wira Yudh។

ការប្រកួត២លើកក្នុងតេជោលីគមួយសប្តាហ៍កន្លងទៅនេះ បញ្ជាការដ្ឋានអង្គរក្សបានដាក់កីឡាករ Dio Zulfikri លេងភាគច្រើនបំផុត ហើយរូបគេបានជួយក្រុមច្រើនមែនទែនដោយទទួលបានជ័យជម្នះទាំង២លើក។

កីឡាករកម្ពស់១.៩១ម៉ែត្រ Doni Haryono មានបទពិសោធច្រើនខ្លាំងមែនទែនដោយឆ្លងកាត់៥ក្លិបទាំងនៅប្រទេសបារ៉ែន និងប្រទេសជប៉ុន ហើយរូបគេបានជួយក្រុមជម្រើសជាតិឥណ្ឌូណេស៊ីឈ្នះមេដាយមាសស៊ីហ្គេម៣លើកជាប់គ្នាចុងក្រោយ៕