កីឡា
ឈ្នះការប្រកួតយប់មិញក្រុមបាល់ទាត់ថៃទទួលបានជាង១១ម៉ឺនដុល្លារ
ក្រុមបាល់ទាត់ជម្រើសជាតិថៃធ្វើបានយ៉ាងល្អសម្រាប់ការប្រកួតដំបូងវគ្គសន្សំពិន្ទុក្នុងពូល AFC Asian Cup ដោយយកឈ្នះក្រុមជម្រើសជាតិកៀហ្ស៊ីស៊ីស្ថាន ក្នុងលទ្ធផល ២-០ កាលពីយប់មិញ។

បន្ទាប់ពីរកបានជ័យជម្នះកាលពីយប់ លោកស្រី Nuanphan Lamsam បានប្រកាសផ្ដល់ប្រាក់រង្វាន់ដល់ ក្រុមកីឡាករ និងក្រុមគ្រូបង្វឹក ១លានបាត (ជិត៣ម៉ឺនដុល្លារ) សម្រាប់១ពិន្ទុដែលរកបានវគ្គចែកពូល។ ជាមួយគ្នានេះ ប្រាក់រង្វាន់ទី២គឺទទួលបាន៣លានបាត (ជាង៨ម៉ឺនដុល្លារ)បន្ថែមសម្រាប់៣ពិន្ទុយប់មិញ។ សរុបទឹកប្រាក់ ក្រុមថៃទទួលបានជាង១១មុឺនដុល្លារអាមេរិក។ ការប្រកួតយប់ក្រុមថៃមិនធ្វើឲ្យថ្នាក់ដឹកនាំ និងអ្នកគាំទ្ររបស់ខ្លួនខកចិត្តឡើយ។ កីឡាករថៃបានបង្ហាញទម្រង់លេងយ៉ាងល្អក្នុងវគ្គទីពីរដោយកីឡាករ Supachai បានស៊ុតគ្រាប់ទី២គ្រាប់សម្រាប់ជ័យជម្នះ ២-០។

លោកស្រី Pang បាននិយាយថា ៖«ក្នុងពិភពបាល់ទាត់ ខ្ញុំយល់ថា ការប្រកួតដំបូងតែងតែជាការប្រកួតដែលពិបាក។ ព្រោះវាពោរពេញទៅដោយការរំពឹងទុក និងសម្ពាធ ប៉ុន្តែថ្ងៃនេះគ្រប់គ្នាបានបង្ហាញឲ្យឃើញហើយថា អ្វីៗក៏អាចទៅរួចដែរ។ ខ្ញុំសូមសរសើរគ្រូបង្វឹកលោក Ishii»។
«គាត់មានកលល្បិចដ៏ល្អ ហើយកីឡាករក៏ធ្វើបានយ៉ាងអស្ចារ្យ។ ទោះបីជាចំណាត់ថ្នាក់ពិភពលោករបស់យើងនៅពីក្រោមប្រទេសកៀហ្ស៊ីស៊ីស្ថាន តែយើងនៅតែធ្វើបានល្អ។ ៣ពិន្ទុនេះពិតជាសំខាន់ដែលធ្វើឲ្យប្រជាជនថៃសប្បាយចិត្ត និងជួយយើងឲ្យមានឱកាសកាន់តែប្រសើរក្នុងការឈានទៅវគ្គបន្ត»។

បច្ចុប្បន្នក្រុមជម្រើសជាតិថៃកំពុងឈរលេខ១ ក្នុងពូល F បន្ទាប់ពីយកឈ្នះក្រុមជម្រើសជាតិកៀហ្ស៊ីស៊ីស្ថាន កាលពីយប់មិញ ហើយការប្រកួតបន្ទាប់ថៃត្រូវជួបជាមួយអូម៉ង់ នៅថ្ងៃអាទិត្យទី២១ ខែមករា ឆ្នាំ២០២៣៕
ប្រែសម្រួល៖ ផា រតនា
ប្រភព៖ Vietnam.vn

-
ព័ត៌មានអន្ដរជាតិ៩ ម៉ោង ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម២ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៤ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ១៩ ម៉ោង ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
កីឡា១ សប្តាហ៍ ago
កញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៥ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ ago
តើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?