កីឡា

បឹងកេតបានត្រឹមស្មើ ១-១ សៀមរាបអេហ្វស៊ី ពានសម្តេចតេជោថ្នាក់ជាតិ

បានផុស

១០ ខែ មុន

នៅ

ថ្ងៃពុធ ១៧ មករា ២០២៤

ដោយ

ការប្រកួតបាល់ទាត់ពានរង្វាន់សម្តេចតេជោ ហ៊ុន សែន ថ្នាក់ជាតិ លើកទី១៧ ជើងទី១បានបញ្ចប់ដោយក្រុមក្រសួងមហាផ្ទៃ ក្រសួងការពារជាតិ និងណាហ្គាវើលដ៍ទទួលបានជ័យជម្នះ ខណៈក្រុមបឹងកេតបានត្រឹមស្មើជាមួយក្រុមសៀមរាប អេហ្វស៊ី។

ការប្រកួតម៉ោងដំណាលគ្នានារសៀលទាំង៤គូសម្រាប់ថ្ងៃទី១៧ ខែមករានេះ។ នៅទឹកដីខេត្តសៀមរាប ក្រុមភ្ញៀវបឹងកេត បានត្រឹមស្មើ ១-១ ជាមួយម្ចាស់ផ្ទះ សៀមរាប អេហ្វស៊ី។ គ្រាប់បាល់រកបានដោយកីឡាករ ហ៊ន សីហា នៅនាទីទី១៤ សម្រាប់ម្ចាស់ផ្ទះ ខណៈកីឡាករ ចាន់ វឌ្ឍនាកា នៅនាទី៦សម្រាប់ក្រុមភ្ញៀវ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅទឹកដីខេត្តកណ្តាល ក្រុមខេត្តព្រៃវែងបានចាញ់ម្ចាស់ផ្ទះសមាគមបាល់ទាត់ក្រសួងមហាផ្ទៃដោយលទ្ធផល១-០។ គ្រាប់បាល់ជ័យជម្នះរបស់ក្រសួងមហាផ្ទៃរកបានដោយកីឡាករ មុំ សុធាវ៉ាន់ នៅនាទី៧២។

នៅទឹកដីខេត្តតាកែវ ម្ចាស់ផ្ទះគិរីវង់សុខសែនជ័យបានចាញ់ក្រុមភ្ញៀវក្រសួងការពារជាតិដោយលទ្ធផល ២-៣។ ២គ្រាប់របស់ម្ចាស់ផ្ទះរកបានដោយកីឡាករ ឃាន់ សុប៉ិន នៅនាទី៤៤ និងកីឡាករ Nobiraki នៅនាទីទី៨៣ ខណៈគ្រាប់បាល់របស់ក្រុមភ្ញៀវរកបានដោយកីឡាករថៃ Srayut នៅនាទី២ កីឡាករ Josemar នៅនាទី៦ និងកីឡាករ Kinoshita នៅនាទីទី៨៩។

ចំណែកក្រុមណាហ្គាវើលដ៍បានយកឈ្នះលើក្រុមអង្គរថាយហ្គឺរដោយលទ្ធផល ១-៥ នៅទឹកដីខេត្តសៀមរាបដែលបានក្លាយជាក្រុមរកបានគ្រាប់ច្រើនជាងគេសម្រាប់ការប្រកួតថ្ងៃទី១៧ ខែមករា។ កីឡាករ Huko Kametani រកបាន៣គ្រាប់ម្នាក់ឯងនៅនាទី៥០ ៥២ និង៨៧ ហើយ សុះ ស៊ូហាណា នៅនាទី៦ និង ជា ច័ន្ទដារ៉ា នៅនាទី៩០+១០។ ១គ្រាប់របស់អង្គរថាយហ្គឺររកបានដោយលីឡាករ សុវណ្ណ ដូណា នៅនាទី៦៤។

លទ្ធផលជើងទី១ ថ្ងៃទី១៧ ខែមករា ឆ្នាំ២០២៤