កីឡា
ការដាក់កីឡាករបរទេសលេងក្នុងពានសម្ដេច តេជោមានផលល្អច្រើន
ក្នុងការប្រកួតពានរង្វាន់ សម្ដេចអគ្គមហាសេនាបតីតេជោ ហ៊ុន សែន លើកទី១៧ (ថ្នាក់ជាតិ) ក្នុងរដូវកាលនេះមានកំណែទម្រង់ថ្មី ដោយអនុញ្ញាតឲ្យកីឡាករបរទេសចូលលេងដែលជាហេតុធ្វើឲ្យការប្រកួតប្រជែងខ្លាំង និងជក់ចិត្តសម្រាប់អ្នកគាំទ្រ។
![](https://www.kampucheathmey.com/wp-content/uploads/2024/01/ភា-សុភ័ត្ត្រា-កម្ពុជាថ្មី-1024x683.jpg)
គ្រូបង្វឹកក្រុមក្រសួងការពារជាតិ លោក ភា សុភ័ត្រ្តា បានមើលឃើញពីចំណុចវិជ្ជមានជាច្រើន ក្នុងការធ្វើកំណែទម្រង់ថ្មីមួយនេះ។ លោកគិតថា វាជាឱកាសថ្មីមួយទៀតសម្រាប់កីឡាករកម្ពុជាដែលអាចរកសូត្រពីកីឡាករបរទេស និងស្វែងរកចំណុចចន្លោះប្រហោងរបស់ខ្លួនដើម្បីប្រជែងឱកាសបង្ហាញខ្លួនលើទីលាន។
លោក ភា សុភ័ត្រ្តា បានប្រាប់«កម្ពុជាថ្មី»ថា ៖«នេះជាកំណែទម្រង់ដ៏ល្អបំផុត ដើម្បីឲ្យក្រុមក៏ដូចជាកីឡាកររបស់កម្ពុជាយើងទទួលបានឱកាសនៃការប្រកួតប្រជែងក្នុងព្រឹត្តការណ៍ធំៗក្នុងស្រុកបែបនេះដែលមានទាំងកីឡាករបរទេសចូលរួម។ នេះគឺដើម្បីពង្រឹងកីឡាករយើងឲ្យមានសមត្ថភាពកាន់តែខ្ពស់ ក្នុងការប្រជែងលើឆាកអន្តរជាតិ ទាំងការប្រកួតនៅក្រុមជម្រើសជាតិ និងក្លិបអាជីព»។
![](https://www.kampucheathmey.com/wp-content/uploads/2024/01/ភា-សុភ័ត្ត្រា-កម្ពុជាថ្មី.jpg1_-1024x683.jpg)
ជាក់ស្តែងបើក្រឡែកមើលការប្រកួតរវាងក្រុមកំពង់ចាមជាមួយក្រុមវិសាខាក្នុងជើងទី១កាលពីថ្ងៃទី១០ ខែមករា វិសាខាបានដាក់កីឡាករបរទេស២រូបគឺកីឡាករ Ezzejjari ជម្រើសដំបូង និងត្រូវបានប្តូរជំនួយដោយកីឡាករ Jonata នៅនាទី៦២ ប៉ុន្តែលទ្ធផល វិសាខា យកឈ្នះក្រុមខេត្តកំពង់ចាមត្រឹម ៣-១ ទាំងក្រុមខេត្តមួយនេះមិនមានកីឡាករបរទេស។
![](https://www.kampucheathmey.com/wp-content/uploads/2024/01/1hun-sen-cup-2024-1-1024x587.jpg)
ទោះបីមិនទទួលបានលទ្ធផលមិនល្អមែន ប៉ុន្តែកីឡាកររបស់ក្រុមកំពង់ចាម អាចមានឱកាសបង្ហាញសមត្ថភាពនៅលើទីលានប្រកួតប្រជែងជាមួយកីឡាករបរទេស និងជាបទពិសោធថ្មីមួយសម្រាប់កីឡាករតាមបណ្តាខេត្ត។ សរុបមកការដាក់កីឡាករបរទេសឲ្យចូលរួមក្នុងការប្រកួតថ្នាក់ជាតិគឺជារឿងល្អ ជាការផ្ដល់ឱកាសឲ្យកីឡាករដែលកំពុងលេងលីគទី២និងលេងតាមខេត្តបានអភិវឌ្ឍខ្លួន៕
![](https://www.kampucheathmey.com/wp-content/uploads/2024/01/2hun-sen-cup-2024-1.jpg)
អត្ថបទ៖ ផា រតនា
![](https://kampucheathmey.com/wp-content/uploads/2020/12/1-01-2-01-1.png)
-
សន្តិសុខសង្គម១៤ ម៉ោង ago
Breaking News៖ អគ្គិភ័យកំពុងឆេះក្លឹបមួយកន្លែងនៅជិតវត្តឬស្សីសាញ់(មានវីដេអូ)
-
ព័ត៌មានជាតិ១៣ ម៉ោង ago
ព័ត៌មានបន្ថែម៖ មានមនុស្ស៣នាក់រងរបួសក្នុងហេតុការណ៍ឆេះក្លឹប
-
ព័ត៌មានអន្ដរជាតិ៥ ថ្ងៃ ago
ការស្លាប់របស់ពិធីការនី កូរ៉េ ដោយសារតែទ្រាំទ្រសម្ពាធ និងការធ្វើបាបពីមិត្តរួមការងារលែងបាន
-
ព័ត៌មានជាតិ៦ ថ្ងៃ ago
ជនជាតិខ្មែរជិត២ពាន់នាក់ស្ថិតក្នុងបញ្ជីអ្នកត្រូវបណ្ដេញចេញពីអាមេរិក
-
សន្តិសុខសង្គម៥ ថ្ងៃ ago
Update! ដុំដែក៣ដុំដែលធ្លាក់បុកទម្លុះប្លង់សេផ្ទះប្រជាពលរដ្ឋ គឺកើតចេញពីផ្ទុះម៉ូទ័រស្តុកប្រេងរបស់ឧកញ៉ាម្នាក់
-
ព័ត៌មានជាតិ៥ ថ្ងៃ ago
សម្ដេចតេជោ ស្នើឱ្យតុលាការចាត់ការលើសំណុំរឿង Mr Seth អ្នករៀបចំធ្វើបាតុកម្ម ១៨ សីហា ក្រោយបុគ្គលនេះក្បត់សន្យា
-
ព័ត៌មានអន្ដរជាតិ១ សប្តាហ៍ ago
Breaking News! រត់ជាន់គ្នាក្នុងពិធីបុណ្យសាសនាហិណ្ឌូ ដែលមានមនុស្សចូលរួម ១០០លាននាក់ នៅឥណ្ឌា
-
ជីវិតកម្សាន្ដ៤ ថ្ងៃ ago
បានឱកាសចូលសម្តែងជាថ្មី តាចេក ស៊ូកើយអង្រឹងនៅចេតីយ៍រង់ចាំថតរឿងខ្មោច