កីឡា

តារាបាល់ទះជប៉ុន៣រូបកំពុងលេងនៅក្រៅប្រទេសដ៏ជោគជ័យ

បានផុស

១ year មុន

នៅ

ថ្ងៃពុធ ៣១ មករា ២០២៤

ដោយ

ក្រុមបាល់ទះជម្រើសជាតិជប៉ុនជាក្រុមលំដាប់ជួរមុខនៅតំបន់អាស៊ី ដោយធ្លាប់ឈ្នះជើងឯកបាល់ទះទ្វីបអាស៊ី១០លើកនិងកីឡាទ្វីបអាស៊ី (Asian Games) ៨លើក ព្រមទាំងកំពុងស្ថិតនៅចំណាត់ថ្នាក់លេខ៤ពិភពលោក (FIVB Men’s Volleyball World Ranking ដែលនៅក្រោមប៉ូឡូញ អាមេរិក និងអ៉ីតាលី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លីគបាល់ទះកំពូលជប៉ុនដែលកន្លែងដ៏ល្អសម្រាប់កីឡាករបាល់ទះជប៉ុនប្រកួតប្រជែងដើម្បីក្លាយជាកីឡាករបាល់ទះអាជីពកម្រិតពិភពលោក។ ជាមួយគ្នានេះ ក៏មានកីឡាករបាល់ទះជប៉ុនមួយចំនួនចេញទៅប្រកបអាជីពនៅក្រៅប្រទេសជាច្រើនដែរ។ ថ្ងៃនេះសារព័ត៌មាន«កម្ពុជាថ្មី»សូមបង្ហាញកីឡាករបាល់ទះជប៉ុន៣រូបដែលកំពុងលេងនៅក្រៅប្រទេសដ៏លេចធ្លោ។

១. Kento Miyaura

Kento Miyaura កើតថ្ងៃទី២២ ខែកុម្ភៈ ឆ្នាំ១៩៩៩ ក្នុងទីក្រុង Kumamoto មានកម្ពស់១.៩០ម៉ែត្រ ទម្ងន់៨៧គីឡូក្រាម។ បច្ចុប្បន្នរូបគេកំពុងលេងឲ្យក្រុម Paris Volley ក្នុងលីគបាល់ទះកំពូលបារាំង LNV Ligue A Masculine។ ស្ថិតក្នុងវ័យ២៤ឆ្នាំ កីឡាកររូបនេះធ្លាប់ជាប្រធានក្រុមជម្រើសជាតិជប៉ុនអាយុ១៩ឆ្នាំ និងក្លិបសាកលវិទ្យាល័យ Waseda។ ក្នុងឆ្នាំ២០២១ Miyaura បានជាប់ជម្រើសជាតិជប៉ុនឈុតធំសម្រាប់ការចូលរួមជើងឯកបាល់ទះអាស៊ី Asian Men’s Volleyball Championship ។

Kento បានឈ្នះជើងឯក All Japan Intercollegiate Volleyball ឆ្នាំ២០២០ជាមួយក្រុម Waseda University និងជាមួយជម្រើសជាតិជប៉ុនធ្លាប់ឈ្នះជើងឯក៥ដងគឺកម្រិតអាយុ១៩ឆ្នាំ អាយុ២០ឆ្នាំ អាយុ២១ឆ្នាំ អាយុ២៣ឆ្នាំ ព្រមទាំងពានរង្វាន់ឯកជនជាច្រើន។

២. Ran Takahashi

Ran Takahashi កើតថ្ងៃទី២ ខែកញ្ញា ឆ្នាំ២០០១ មានកម្ពស់១.៨៨ម៉ែត្រ ទម្ងន់៨៤គីឡូក្រាម។ រូបគេធ្លាប់លេងឲ្យក្លិបនៅសាកលវិទ្យាល័យវិទ្យាសាស្រ្តកីឡា Nippon មុនពេលផ្លាស់ទៅលេងនៅលីគបាល់ទះកំពូលអុីតាលីជាលើកដំបូង។ ស្ថិតក្នុងវ័យ២២ឆ្នាំ រូបគេបានផ្លាស់ទៅលេងនៅប្រទេសអុីតាលីកាលពីឆ្នាំ២០២១ ជាមួយក្រុម Pallavolo Padova និងនៅឆ្នាំ២០២៣ បានផ្លាស់ទៅក្រុម Volley Milano។

Ran បានឈ្នះជើងឯកពីរដងគឺជើងឯកវិទ្យាល័យជប៉ុន All Japan High School Volleyball ឆ្នាំ២០២០ជាមួយក្រុម Higashiyama High School និងឈ្នះជើងឯក Kanto University Men’s Division 1 League នៅឆ្នាំ០២១ជាមួយក្រុម Nippon ព្រមទាំងឈ្នះជើងឯកទ្វីបអាស៊ីឆ្នាំ២០២៣ជាមួយជម្រើសជាតិជប៉ុន។

៣. Yuki Ishikawa

Yuki Ishikawa កើតថ្ងៃទី១១ ខែធ្នូ ឆ្នាំ ១៩៩៥ ទីក្រុង Okazaki ក្នុងខេត្ត Aichi មានកម្ពស់១.៩២ម៉ែត្រ ទម្ងន់៨៤គីឡូក្រាម។ រូបគេជាកីឡាករបាល់ទះជប៉ុនដែលមានបទពិសោធលេងប្រទេសអុីតាលីជាង១០ឆ្នាំឲ្យក្រុម៦ផ្សេងគ្នា។ កាលពីឆ្នាំ២០១៤ រូបគេលេងឲ្យក្រុម Modena Volley, ឆ្នាំ២០១៦ លេងឲ្យក្រុម Top Volley Latina, ឆ្នាំ២០១៨ លេងនៅក្រុម Emma Villas Volley, ឆ្នាំ២០១៩ លេងនៅ Pallavolo Padova និងបច្ចុប្បន្នកំពុងលេងឲ្យក្រុម Power Volley Milano។

បើគិតពានរង្វាន់ និងជើងឯកសរុបសម្រាប់ការលេងឲ្យក្លិបចាប់តាំងពីឆ្នាំ២០១២មក Yuki បានឈ្នះប្រហែលជា១៣គ្រឿង ខណៈនៅជម្រើសជាតិជប៉ុនក៏ទទួលបានពានរង្វាន់ជាច្រើនដែរ៕

អត្ថបទ៖ ផា រតនា

Related Topics:កីឡាបាល់ទះ