កីឡា
ជំនួបយក្សប្រចាំសប្តាហ៍ ព្រះខ័នរាជស្វាយរៀង ប៉ះ ភ្នំពេញក្រោន
ក្រុមបាល់ទាត់ព្រះខ័នរាជស្វាយរៀង នឹងបើកទ្វារផ្ទះរបស់ខ្លួនទទួលភ្ញៀវល្អ ភ្នំពេញក្រោន វេលាម៉ោង៦ល្ងាច ថ្ងៃអាទិត្យ ទី៤ ខែកុម្ភៈ ឆ្នាំ២០២៤ ដែលបានក្លាយជាការប្រកួតធំប្រចាំសប្តាហ៍ទី២០ នៃលីគបាល់ទះកំពូលកម្ពុជា។
ការប៉ះគ្នានេះជាសមរភូមិនៅលើទីលានវាលស្មៅបៃតងដ៏កក្រើកដែលអ្នកគាំទ្រទន្ទឹងរង់ចាំ និងជាការប្រជែងគ្នាដណ្តើមចំណាត់ថ្នាក់លេខ១។ ក្រុមទាំងពីរមានខ្សែប្រយុទ្ធគ្រោះថ្នាក់ដូចគ្នាគឺ Marcus Haber របស់ព្រះខ័នរាជស្វាយរៀងជាកីឡាករកំពុងមានគ្រាប់បាល់ច្រើនជាងគេរហូតដល់២៣គ្រាប់ ខណៈ Shimizu Shintaro របស់ភ្នំពេញក្រោនស្ថិតនៅចំណាត់ថ្នាក់លេខ២ដោយរកបាន១៣គ្រាប់។
ឆ្លងកាត់១៩សប្តាហ៍កន្លងទៅ ព្រះខ័នរាជស្វាយរៀងនៅតែបន្តឈរលើកំពូលតារាង ដោយមាន៤៧ពិន្ទុ បន្ទាប់ពីឈ្នះ១៥ដង ស្មើ២ដង និងចាញ់២ដង។ ស្របពេល ភ្នំពេញក្រោន មាន៤៥ពិន្ទុ តាមពីក្រោយព្រះខ័នរាជស្វាយរៀងតែ២ពិន្ទុប៉ុណ្ណោះ ដោយកំពុងឈរចំណាត់ថ្នាក់លេខ២ បន្ទាប់ពីឈ្នះ១៤ដង ស្មើ៣ដង និងចាញ់២ដង។ ក្រុមទាំងពីរបានចាញ់២ដងដូចគ្នា ប៉ុន្តែភ្នំពេញក្រោនបានស្មើ៣ដង ខណៈព្រះខ័នរាជស្វាយរៀងស្មើ២ដងដែលធ្វើឲ្យខុសគ្នា២ពិន្ទុ។
ព្រះខ័នរាជស្វាយរៀងបានស្គាល់បរាជ័យ២ដងក្នុងរដូវកាលនេះក្រោមថ្វីជើង អាយអេសអាយ ដង្កោសែនជ័យ ដោយលទ្ធផល ១-២ នៅក្នុងផ្ទះរបស់ខ្លួន និងចាញ់ ណាហ្គាវើលដ៍ ១-០ នៅទឹកដីខេត្តកំពង់ស្ពឺ។ ចំណែកបរាជ័យ២ដងរបស់ភ្នំពេញក្រោនក្រោមថ្វីជើងគិរីវង់សុខសែនជ័យ ១-០ នៅទឹកដីខេត្តតាកែវ និងព្រះខ័នរាជស្វាយរៀង ២-១ នៅខេត្តស្វាយរៀង។
ប្រវត្តិជួបគ្នា៧លើកចុងក្រោយក្នុងខេមបូឌានព្រីមៀរលីគនៅរដូវកាល២០២២-២៣ និងរដូវកាល២០២៣-២៤ ព្រះខ័នរាជស្វាយរៀងទទួលបានជ័យជម្នះ៣លើក ភ្នំពេញក្រោនទទួលបានជ័យជម្នះ៣លើក និងស្មើគ្នា១លើក។
៥លើកចុងក្រោយរបស់ព្រះខ័នរាជស្វាយរៀងក្នុងលីគរដូវកាលនេះគឺឈ្នះ៤ និងស្មើ១ ខណៈ៥លើកចុងក្រោយរបស់ភ្នំពេញក្រោនឈ្នះទាំង៥លើក។ កាលពីជុំទី២ ភ្នំពេញក្រោនជាក្រុមតែមួយគត់ដែលមិនទាន់បរាជ័យ។ ការប្រកួតនេះ ភ្នំពេញក្រោនត្រូវមានការប្រុងប្រយ័ត្នខ្លាំងមែនដើម្បីរក្សាកីឡាករកុំឲ្យមានបញ្ហារបួស ពីព្រោះពួកគេត្រូវប៉ះក្រុមអូស្ត្រាលី Central Coast Mariners នៅថ្ងៃទី១៣ ខែកុម្ភៈ ក្នុងវគ្គពាក់កណ្តាលផ្តាច់ព្រ័ត្រប្រចាំតំបន់អាស៊ាន AFC Cup។
កីឡដ្ឋានខេត្តស្វាយរៀងបានក្លាយជាកន្លែងដែលមានអ្នកគាំទ្រចូលទស្សនាច្រើនជាងគេស្ទើរគ្រប់ការប្រកួតនៅរដូវកាលនេះ ដូច្នេះសន្ទុះការគាំទ្រនៅក្នុងផ្ទះរបស់ខ្លួននឹងក្លាយជាកម្លាំងចិត្តដ៏សំខាន់សម្រាប់ព្រះខ័នរាជស្វាយរៀងទទួលភ្នំពេញក្រោន។
ប្រសិនបើ ព្រះខ័នរាជស្វាយរៀង ទទួលបានជ័យជម្នះ ឬស្មើ ពួកគេនៅតែបន្តឈរលើកំពូលតារាងពិន្ទុ ប៉ុន្តែប្រសិនបើភ្នំពេញក្រោនទទួលបានជ័យជម្នះ នោះពួកគេនឹងឡើងទៅកាន់កំពូលតារាង៕
ប្រវត្តិជួបគ្នា៧លើកចុងក្រោយក្នុងលីគបាល់ទាត់កំពូលកម្ពុជា
- ភ្នំពេញក្រោន ០-០ ព្រះខ័នរាជស្វាយរៀង (២២ វិច្ឆិកា ២០២៣)
- ព្រះខ័នរាជស្វាយរៀង ២-១ ភ្នំពេញក្រោន (១១ កញ្ញា ២០២៣)
- ភ្នំពេញក្រោន ១-០ ព្រះខ័នរាជស្វាយរៀង (២០ វិច្ឆិកា ២០២២)
- ព្រះខ័នរាជស្វាយរៀង ២-៥ ភ្នំពេញក្រោន (១៦ វិច្ឆិកា ២០២២)
- ភ្នំពេញក្រោន ៣-០ ព្រះខ័នរាជស្វាយរៀង (២០ កញ្ញា ២០២២)
- ព្រះខ័នរាជស្វាយរៀង ១-០ ភ្នំពេញក្រោន (៥ សីហា ២០២២)
- ភ្នំពេញក្រោន ១-៣ ព្រះខ័នរាជស្វាយរៀង (១២ មីនា ២០២២)
អត្ថបទ៖ វីរបុត្រ
ពូទីន ចុះហត្ថលេខាលើច្បាប់ការពារគ្នាទៅវិញទៅមកជាផ្លូវការជាមួយបេឡារុស
រដ្ឋមន្ត្រីថាកម្ពុជាមានទឹកស្ដុកសម្រាប់ខែប្រាំងជិត៤លានម៉ែត្រគូបខណៈស្នើកសិករធ្វើស្រែតែមួយដង
អ្នកឃ្លាំមើលសង្គម៖ពលរដ្ឋខ្មែរនៅកូរ៉េ ៩៩% មិនបានចូលរួមបាតុកម្ម និងបន្តជឿជាក់រាជរដ្ឋាភិបាលលើបញ្ហាទឹកដី
អគារសិក្សាថ្មថ្មី ១ ខ្នង ៥ បន្ទប់ ជាក្តីសង្ឃឹមកុមារតំបន់ដាច់ស្រយាល ក្នុងស្រុកអូរគ្រៀងសែនជ័យ
ធនាគារកណ្តាលកម្ពុជានឹងបន្តសហការជាមួយចិនលើវិស័យហិរញ្ញវត្ថុ
រុស្ស៊ីពង្រឹងការទូតយ៉ាងខ្លាំង ក្រោយអាមេរិកផ្សះផ្សាវិញ ប៉ុន្តែដូណាល់ ត្រាំបំបែកសម្ព័ន្ធមិត្ត
អង់គ្លេស ថែមប្រាក់កម្ចីឲ្យអ៊ុយក្រែន ជិត៣ពាន់លានដុល្លារ សម្រាប់ផលិតកម្មអាវុធ
មេដឹកនាំបណ្តាប្រទេសនៅអឺរ៉ុបបង្ហាញជំហរពិតក្នុងជម្លោះត្រាំនិងហ្សេលេនស្គី
អ្នកឃ្លាំមើលសង្គម៖ពលរដ្ឋខ្មែរនៅកូរ៉េ ៩៩% មិនបានចូលរួមបាតុកម្ម និងបន្តជឿជាក់រាជរដ្ឋាភិបាលលើបញ្ហាទឹកដី
សម្ព័ន្ធមិត្តអ៊ឺរ៉ុបបង្ហាញជំហរនៅជាមួយអ៊ុយក្រែនបន្ទាប់ពីជម្លោះជាមួយដូណាល់ ត្រាំ
-
សេចក្ដីជូនដំណឹង១ សប្តាហ៍ agoរៃហ្គេត ហ្គ្រេមម័រ ស្គូល ភ្នំពេញ ដើមកំណើត៣៥០ឆ្នាំ ពីចក្រភពអង់គ្លេស
-
ព័ត៌មានអន្ដរជាតិ៤ ថ្ងៃ agoរថយន្តដឹកសិស្សចុះកម្មសិក្សានៅថៃ ក្រឡាប់ពេលចុះភ្នំ ស្លាប់១៧នាក់ របួសជាង៤០នាក់
-
ព័ត៌មានអន្ដរជាតិ១ សប្តាហ៍ agoចិន រកឃើញមេរោគស៊ីសួតថ្មី បង្កក្តីបារម្ភផ្ទុះជំងឺរាតត្បាត ដូច កូវីដ-១៩
-
ព័ត៌មានជាតិ៤ ថ្ងៃ agoកូនប្រុសអភិបាលខណ្ឌ៧មករា ស្លាប់ទាំងវ័យក្មេង ដោយសារគាំងបេះដូង
-
សន្តិសុខសង្គម៥ ថ្ងៃ agoបង្ក្រាបហាងផឹកស៊ីបង្កប់សេវាកម្មផ្លូវភេទមួយកន្លែងក្នុងមូលដ្ឋានខណ្ឌសែនសុខ ឃាត់ខ្លួននារីជាង២០នាក់
-
ព័ត៌មានអន្ដរជាតិ៦ ថ្ងៃ agoហ្សេលេនស្គី ផ្តាំទៅ ត្រាំ ថា អ៊ុយក្រែន មិនសងអាមេរិក ដាច់ខាត
-
សន្តិសុខសង្គម២ ថ្ងៃ agoUpdate៖ អគ្គិភ័យឆេះនៅជិតស្ពានជ្រោយចង្វារ មានទារកពីរនាក់បាត់បង់ជីវិត
-
ព័ត៌មានជាតិ៥ ថ្ងៃ agoឯកឧត្តម ឌី វិជ្ជា ប្រាប់ទៅលោក សម រង្ស៊ី ថា ល្មមៗបានហើយ កម្ពុជា មានច្បាប់ត្រឹមត្រូវ មិនមែនធ្វើអ្វីស្រេចលើការនឹកឃើញទេ