កីឡា

Alvarez ចង់ឲ្យ Messi បន្តលេងឲ្យអាហ្សង់ទីនយូរទៀត

បានផុស

១ year មុន

នៅ

ថ្ងៃសៅរ៍ ៣ កុម្ភៈ ២០២៤

ដោយ

ខ្សែប្រយុទ្ធរបស់ក្រុម Manchester City កីឡាករ Julian Alvarez ចង់ឲ្យតារាឆ្នើម Lionel Messi បន្តលេងឲ្យក្រុមជម្រើសជាតិអាហ្សង់ទីនរយៈពេលវែងទៀត ទោះបីតារាឆ្នើមរូបនេះមានវ័យកាន់តែច្រើនដ៏ដោយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កីឡាករ Julian Alvarez បាននិយាយថា ៖«វាអាស្រ័យលើគាត់ ប៉ុន្តែខ្ញុំចង់គាត់បន្តលេងយូរទៀត។ គាត់នៅតែអាចធ្វើបានល្អ។ សូម្បីមិត្តរួមក្រុមជម្រើសជាតិទាំងអស់សុទ្ធតែសប្បាយចិត្ត និងរីករាយចង់ឃើញ Messi បន្តលេងក្រុមជម្រើសជាតិ»។

Alvarez ដែលបានធំដឹងក្តីជាអ្នកគាំទ្ររបស់កីឡាករ Messi កាល World Cup ឆ្នាំ២០២២ មានឱកាសលេងជាមួយគ្នាក្នុងក្រុមជម្រើសជាតិអាហ្សង់ទីន។

កីឡាករ Alvarez បានបន្ថែមថា ៖«ពេលខ្ញុំធំឡើង គាត់គឺជានិមិត្តរូបរបស់ខ្ញុំ។ ខ្ញុំចាំបានថា នៅពេលហ្វឹកហាត់ជាមួយក្រុមធំ ខ្ញុំបានសុំរូបថតគាត់មួយសន្លឹក។ បន្ទាប់មក ខ្ញុំបានចូលលេងក្នុងក្រុមឈុតធំជាមួយគាត់។ ខ្ញុំបានបង្កើតភាពរីករាយរាល់ពេលលេងជាមួយគាត់។ ខ្ញុំមានមោទនភាពណាស់ចំពោះអ្វីគ្រប់យ៉ាងដែលយើងសម្រេចបានជាមួយជម្រើសជាតិ»។

កីឡាករ Messi គឺជាអ្នកស៊ុតបញ្ចូលទីច្រើនជាងគេក្នុងក្រុមជម្រើសជាតិអាហ្សង់ទីន ដោយរកបាន១០៦គ្រាប់ ខណៈ Gabriel Batistuta រកចំនួន៥០គ្រាប់។ Alvarez បានឈ្នះពានរង្វាន់ធំៗចំនួន៦នៅចន្លោះខែធ្នូ ឆ្នាំ២០២២ ដល់ខែធ្នូ ឆ្នាំ២០២៣ ទាំងការឈ្នះពានជាមួយក្រុម Man City និងក្រុមជម្រើសជាតិអាហ្សង់ទីន៕

ប្រែសម្រួល៖ ផា រតនា
ប្រភព៖ Goal