កូរ៉េខាងត្បូងត្រូវធ្វើការធ្ងន់ ប៉ះអូស្រ្ដាលីយប់នេះ

ក្រុមជម្រើសជាតិកូរ៉េខាងត្បូង ត្រូវជួបជាមួយក្រុមអូស្រ្ដាលី ក្នុងវគ្គ៨ក្រុមចុងក្រោយពានរង្វាន់ AFC Asian Cup វេលាម៉ោង១០:៣០នាទីយប់ ថ្ងៃទី២ ខែកុម្ភៈ ឆ្នាំ២០២៤ នៅកីឡដ្ឋាន Al Janoub។

ក្នុងវគ្គ១៦ក្រុមចុងក្រោយ ក្រុមកូរ៉េខាងត្បូងស្ទើរតែអស់ឱកាស​ឡើងមកវគ្គបន្ត បន្ទាប់ពីបានយកឈ្នះក្រុមអារ៉ាប៊ីសាអ៊ូឌីត​វគ្គទាត់បាល់១១ម៉ែត្រកាត់សេចក្ដីក្នុងលទ្ធផល ៤-២ ក្រោយស្មើគ្នា១-១។ កូរ៉េខាងត្បូងធ្វើមិនសូវបានល្អទេក្នុងការប្រកួតពានរង្វាន់ AFC Asian Cup ដោយការប្រកួត៣លើកក្នុងវគ្គសំន្សពិន្ទុក្នុងពូលកូរ៉េខាងត្បូងឈ្នះ១ ស្មើ២ មាន​៥​ពិន្ទុ​ឈរ​​លេខ២ក្នុងពូល E។

ចំពោះក្រុមជម្រើសជាតិអូស្រ្ដាលីពិតជាធ្វើបានល្អមែនទែនក្នុងការប្រកួតពានរង្វាន់ AFC Asian Cup ក្នុងការប្រកួត៣លើក វគ្គសំន្សពិន្ទុក្នុងពូលឈ្នះ២ ស្មើ១ មានពិន្ទុ៧ ឈរលេខ១ ក្នុងពូល B។ ក្នុងវគ្គ១៦ក្រុមចុងក្រោយ អូស្រ្ដាលីបានឈ្នះក្រុមឥណ្ឌូណេស៊ី ៤-០។ ឆ្លងកាត់ការប្រកួត៤លើកក្រុមអូស្រ្ដាលីស៊ុតបញ្ចូលទីសរុបបាន៨គ្រាប់ និងរបូតគ្រាប់បាល់តែ១គ្រាប់ប៉ុណ្ណោះ។

ប្រវត្តិជួបគ្នា៨លើក កូរ៉េខាង​ត្បូង​ឈ្នះ​៣ អូស្ត្រាលីឈ្នះ​២ ស្មើ​គ្នា៣

• កូរ៉េខាងត្បូង ១-០ អូស្រ្ដាលី កាលពីថ្ងៃទី៧ ខែមិថុនា ឆ្នាំ២០១៩ ការប្រកួតមិត្តភាពអន្តរជាតិ
• អូស្រ្ដាលី ១-១ កូរ៉េខាងត្បូង កាលពីថ្ងៃទី១៧ ខែវិច្ឆិកា ឆ្នាំ២០១៨ ការប្រកួតមិត្តភាពអន្តរជាតិ
• អូស្រ្ដាលី ២-១ កូរ៉េខាងត្បូង កាលពីថ្ងៃទី៣១ ខែមករា ឆ្នាំ២០១៥ ពានរង្វាន់ Asian Cup
• អូស្រ្ដាលី ០-១ កូរ៉េខាងត្បូង កាលពីថ្ងៃទី១៧ ខែមករា ឆ្នាំ២០១៥ ពានរង្វាន់ Asian Cup
• កូរ៉េខាងត្បូង ០-០ អូស្រ្ដាលី កាលពីថ្ងៃទី២០ ខែកក្ដដា ឆ្នាំ២០១៣ ពានរង្វាន់ East Asian Cup
• កូរ៉េខាងត្បូង ១-២ អូស្រ្ដាលី កាលពីថ្ងៃទី១៤ខែវិច្ឆិកា ឆ្នាំ២០១២ ការប្រកួតមិត្តភាពអន្តរជាតិ
• អូស្រ្ដាលី ១-១ កូរ៉េខាងត្បូង កាលពីថ្ងៃទី១៤ ខែមករា ឆ្នាំ២០១១ ពានរង្វាន់ Asian Cup
• កូរ៉េខាងត្បូង ៣-១ អូស្រ្ដាលី កាលពីថ្ងៃទី៥ ខែកញ្ញា ឆ្នាំ២០០៩ ការប្រកួតមិត្តភាពអន្តរជាតិ

អត្ថបទ៖ ផា រតនា