កីឡា
ទីបំផុតប៉ូលិសបារីសបានប្រាក់បន្ថែម ក្រោយតវ៉ាក្នុងកីឡាអូឡាំពិក២០២៤
ប៉ូលិសបារាំងដែលត្រូវបានចាត់តាំងឱ្យការពារសន្តិសុខព្រឹត្តិការណ៍កីឡាអូឡាំពិក ឆ្នាំ២០២៤ នៅទីក្រុងប៉ារីស ទីបំផុតត្រូវបានធានាការបង់ប្រាក់បន្ថែមសម្រាប់ការងាររបស់ពួកគាត់ ចំពេលមានការតវ៉ារីករាលដាល និងការប្រមូលផ្តុំពីសហជីពដែលស្វែងរកលក្ខខណ្ឌប្រាក់ខែកាន់តែប្រសើរ។
ប៉ូលិសបារាំងដែលធ្វើការនៅកីឡាអូឡាំពិកទីក្រុងប៉ារីស នឹងទទួលបានប្រាក់ទូទាត់មួយដងចាប់ពី ១,៩០០អឺរ៉ូ ដូចដែលបានប្រកាសដោយក្រសួងមហាផ្ទៃកាលពីថ្ងៃអង្គារ៍ ជាផ្នែកនៃកិច្ចព្រមព្រៀងប្រាក់បៀវត្សរ៍សាធារណៈ។
បុគ្គលិកផ្នែកសាធារណៈជាច្រើននៅក្នុងប្រទេសបារាំង រួមទាំងកងកម្លាំងសន្តិសុខ គិលានុបដ្ឋាយិកា និងអ្នកបើកបររថភ្លើង ក៏កំពុងជំរុញឱ្យមានការបង់ប្រាក់បន្ថែមសម្រាប់ការបោះបង់ការឈប់សម្រាករបស់ពួកគេក្នុងខែកក្កដា និងសីហា ដើម្បីបម្រើដល់ការប្រកួតកីឡាក្នុងសកម្មភាពទទួលភ្ញៀវទេសចរណ៍ និងអ្នកគាំទ្ររាប់លាននាក់ដែលរំពឹងទុកចូលមកប្រទេសបារាំង ជាពិសេសនៅទីក្រុងប៉ារីស និងតំបន់ជុំវិញ។
នៅក្នុងបរិបទនេះ សហជីព “Confédération Générale du Travail” តំណាងឱ្យបុគ្គលិករថភ្លើងក្រោមដីនៅទីក្រុងប៉ារីស បានប្រកាសកាលពីថ្ងៃចន្ទថា ខ្លួនបានជូនដំណឹងអំពីកូដកម្មដែលអាចកើតមាន សូម្បីតែក្នុងរដូវក្តៅ ដែលជាផ្នែកនៃយុទ្ធសាស្រ្តរបស់ពួកគេ ដើម្បីទទួលបានការដំឡើងប្រាក់ខែ និងប្រាក់រង្វាន់។
ប្រាក់ឈ្នួលអតិបរមាចំនួន ១,៩០០អឺរ៉ូបានយល់ព្រមជាមួយប៉ូលិស បន្ទាប់ពីការតវ៉ារយៈពេលពីរថ្ងៃក្នុងខែមករា និងខ្ពស់ជាងការស្នើរសុំដំបូងដោយក្រសួងមហាផ្ទៃ។ ទោះបីជាយ៉ាងណា មន្ត្រីទាំងអស់មិនត្រូវបានគេរំពឹងថា នឹងទទួលតាមចំនួនគ្រប់គ្នានោះទេ ដោយអាចទទួលបានតិចជាងនេះ។
រដ្ឋមន្ត្រីក្រសួងមហាផ្ទៃ លោក Gérald Darmanin បាននិយាយក្នុងលិខិតមួយទៅមន្រ្តីដែលបានផ្តល់ដំណឹងទៅសារព័ត៌មាន AFP ថា ៖«ប្រាក់លើកទឹកចិត្តនឹងប្រែប្រួលទៅតាមស្ថានភាពរបស់បុគ្គលម្នាក់ៗ»។
ប្រទេសបារាំងនឹងរៀបចំការប្រកួតកីឡាអូឡាំពិក ជាលើកទី៣ ចាប់តាំងពីការប្រកួតកីឡាអូឡាំពិកឆ្នាំ១៩០០ ដែលអ្នកប្រវត្តិសាស្ត្រចាត់ទុកថាជាការបរាជ័យរបស់អង្គការ។ បារាំងបានជោគជ័យនៅក្នុងការរៀបចំកាលពីឆ្នាំ១៩២៤។
កងកម្លាំងសន្តិសុខប្រហែល ៣៥,០០០នាក់ នឹងមិនត្រូវបានអនុញ្ញាតឲ្យឈប់នៅថ្ងៃវិស្សមកាលឡើយ ហើយពួកគេត្រូវបំពេញកាតព្វកិច្ចជារៀងរាល់ថ្ងៃក្នុងព្រឹត្តិការណ៍កីឡាអូឡាំពិកពី ថ្ងៃទី២៦ ខែកក្កដា រហូតដល់បិទថ្ងៃទី១១ ខែសីហា ឆ្នាំ២០២៤៕
ប្រែសម្រួល៖ មន្នីរ័ត្ន
ប្រភព៖ Inside The Games
៧មករាជាជីវិតទី២ ដែលជួយគ្រួសារខ្មែរ និងប្រទេសជាតិទាំងមូលឱ្យតាំងនៅដល់សព្វថ្ងៃ
សមត្ថកិច្ចចេញបទបញ្ជា និងចុះណែនាំអ្នកលក់ អ្នកលេងផាវ កាំជ្រួច នាឱកាសចូលឆ្នាំប្រពៃណីចិនខាងមុខ
មកដឹងចំណុចពិសេសនៃទេពកោសល្យច្រៀងរបស់ ព្រាប សុវត្ថិ
សហជីព កម្មករ និងពលរដ្ឋ ៖ បើគ្មានថ្ងៃជ័យជម្នះ៧មករា ពួកគាត់គ្មានឱកាសទទួលបានការងារសមរម្យឡើយ
រុស្ស៊ីផ្ដល់អាហារូបករណ៍៣កន្លែងសម្រាប់ជំនាញទាក់ទងនឹងនុយក្លេអ៊ែរស៊ីវិលដល់និស្សិតកម្ពុជា
សមត្ថកិច្ច បានឃាត់ខ្លួនអ្នកបើករថយន្តបុកតារារ៉េបម្នាក់ យកទៅសួរនាំអនុវត្តតាមនីតិវិធី
បិទចរាចរណ៍នៅកំពង់ចម្លងជ្រោយចង្វារ កំពង់ចម្លងអរិយក្សត្រ និងកំណាត់ផ្លូវមួយចំនួន ជុំវិញមហោស្រពកោះពេជ្រ ស្អែកនេះ
មកដឹងពីជីវិតសិល្បៈត្រួសៗរបស់ Rapper ល្បីឈ្មោះ Ruthko
ស្ពានឆ្លងទន្លេភ្ជាប់ទៅផ្លូវល្បឿនលឿន ដីឥដ្ឋ-ថ្មគរ ឈានទៅខួងគ្រឹះ ខណៈមានការសង់ស្ពានដែកបណ្តោះអាសន្នសម្រួលការងារសាងសង់
គោលការណ៍ការងារ, អ្នកនាំពាក្យ ប្រាប់លោក ហេង សិទ្ធី ឱ្យដាក់បណ្ដឹងមកក្រសួងយុត្តិធម៌ផ្ទាល់
-
ព័ត៌មានជាតិ៥ ថ្ងៃ agoលទ្ធផលកំណាយ៖ តំបន់អង្គរមានមនុស្សមកតាំងភូមិករតាំងពីជាង ៣ ០០០ ឆ្នាំមកម្ល៉េះ
-
ចរាចរណ៍១ ថ្ងៃ agoតារា Rap ម្នាក់ស្លាប់ភ្លាមៗនៅកន្លែងកើតហេតុ ក្រោយរថយន្ដពាក់ស្លាកលេខ ខ.ម បើកបញ្ច្រាសឆ្លងផ្លូវ បុកមួយទំហឹង
-
ព័ត៌មានជាតិ៥ ថ្ងៃ agoសំណង់ព្រះពុទ្ធប្បដិមាកម្ពស់ជាង ៨០ ម៉ែត្រ នឹងលេចរូបរាងក្នុងតំបន់អភិវឌ្ឍឆ្នេររាមខេត្តព្រះសីហនុ
-
ព័ត៌មានជាតិ៥ ថ្ងៃ agoអ្នកឧកញ៉ា សំ សុខនឿន ព្យាករថា កម្ពុជា ត្រូវការពេលប្រហែល៥ឆ្នាំទៀត ដើម្បីឱ្យវិស័យអចលនទ្រព្យវិលរកសភាពដើមវិញ
-
សេដ្ឋកិច្ច៥ ថ្ងៃ agoទិន្នផលគ្រាប់ស្វាយចន្ទីអាចធ្លាក់ចុះពី ១០-៣០% ដោយសារអាកាសធាតុ ប្រសិនបើគ្មានវិធានការឆ្លើយតបទាន់ពេល
-
សេដ្ឋកិច្ច៥ ថ្ងៃ agoធនាគារជាតិ ប្រកាសឱ្យសាធារណជនប្រុងប្រយ័ត្នប្រាក់ដុល្លារក្លែងក្លាយ កំពុងចរាចរណ៍នៅកម្ពុជា
-
ព័ត៌មានជាតិ៤ ថ្ងៃ agoមហាជនផ្ទុះការរិះគន់លោកបណ្ឌិត សុខ ទូច ដែលនិយាយជំរុញ«ក្មេងៗឱ្យខំរៀនសូត្រ និងធ្វើការ ជាជាងទៅធ្វើសមាធិ»
-
កីឡា៤ ថ្ងៃ agoគ្រួសារលោកគ្រូ អេ ភូថង ជួបទុក្ខធំផ្ទួនៗ