កីឡា

ហ្សកដានី ឬ កូរ៉េខាងត្បូង ឡើងទៅវគ្គផ្ដាច់ព័្រត្រ Asian Cup យប់នេះ?

បានផុស

១ year មុន

នៅ

ថ្ងៃអង្គារ ៦ កុម្ភៈ ២០២៤

ដោយ

ក្រុមហ្សកដានីបានធ្វើឲ្យអ្នកគាំទ្រមានការភ្ញាក់ផ្អើលយ៉ាងខ្លាំង ក្រោយបានឡើងមកដល់វគ្គ៤ក្រុមចុងក្រោយប៉ះក្រុមខ្លាំងកូរ៉េខាងត្បូង ដើម្បីបង្កើតកំណត់ត្រាលើកដំបូងក្នុងការឡើងទៅវគ្គផ្ដាច់ព័ត្រជើងឯកអាស៊ី AFC Asian Cup 2023។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រុមជម្រើសហ្សកដានីកំពុងតែខិតជិតក្នុងការបង្កើតប្រវិត្តសាស្រ្តថ្មី ក្នុងការឡើងទៅដល់វគ្គផ្ដាច់ព័្រត្រជើងឯកអាស៊ី AFC Asian Cup ឆ្នាំ២០២៣ នៅប្រទេសកាតារ។ ហ្សកដានីធ្វើបានល្អមែនទែនតាំងពីវគ្គប្រកួតសំន្សពិន្ទុក្នុងពូល ដោយប្រកួត៣លើក ឈ្នះ១ ស្មើ១ ចាញ់១ មាន៤ពិន្ទុលេខ៣ និងបានឡើងដល់វគ្គ១៦ក្រុមចុងក្រោយក្នុងនាមជាក្រុមលេខ៣ល្អបំផុត។

ការប្រកួតវគ្គ១៦ក្រុមចុងក្រោយ ហ្សកដានីបានយកឈ្នះក្រុមខ្លាំងអុីរ៉ាក់ក្នុងលទ្ធផល ៣-២ ស្ទើមិនគួរឲ្យជឿ។ បន្ទាប់មកនៅវគ្គ៨ក្រុមចុងក្រោយ ពួកគេបានបន្តឈ្នះតាជីគីស្ថាន ១-០។ នៅវគ្គ៤ក្រុមចុងក្រោយ ហ្សកដានីត្រូវជួបជាមួយក្រុមកូរ៉េខាងត្បូងដែលជាក្រុមនៅក្នុងពូលជាមួយគ្នា។ ការប្រកួតវគ្គសំន្សពិន្ទុក្នុងពូលE កាលពីថ្ងៃទី២០ ខែមករា ឆ្នាំ២០២៤ លទ្ធផលក្រុមទាំង២បានត្រឹមស្មើគ្នា ២-២។

ការប្រកួតវេលាម៉ោង១០យប់នេះ វគ្គពាក់កណ្ដាលផ្ដាច់ព្រ័ត្រ ជាកាត់សេចក្ដីថា ក្រុមណានឹងបានឡើងទៅវគ្គផ្ដាច់ព័្រត្រ។ សម្រាប់ប្រវត្តិជួបគ្នា៦លើកទាំងការប្រកួតផ្លូវការ និងមិត្តភាពអន្តរជាតិ ក្រុមហ្សកដានីស្មើ២ ចាញ់៤ ដូច្នេះការជួបកូរ៉េខាងត្បូងជាការងារដ៏លំបាកមួយ។

បើនិយាយពីក្រមជម្រើសជាតិកូរ៉េខាងត្បូងមានបទពិសោធច្រើនក្នុងការប្រកួតវគ្គផ្ដាច់ព័្រត្រពានរង្វាន់ AFC Asian Cup។ ពួកគេធ្លាប់ឈ្នះជើងឯកអាស៊ីនេះ២លើកគឺឆ្នាំ១៩៥៦ និង១៩៦០ ហើយក៏ធ្លាប់ទទួលបានជើងឯករង៤លើកគឺឆ្នាំ១៩៧២ ១៩៨០ ១៩៨៨ និង២០១៥៕