កីឡា

ហេតុអ្វីបានជាក្រុមបាល់ទះជម្រើស ជាតិប៉ូឡូញលេខ១លើលោក?

បានផុស

១១ ខែ មុន

នៅ

ថ្ងៃព្រហស្បតិ៍ ៨ កុម្ភៈ ២០២៤

ដោយ

បច្ចុប្បន្នក្រុមបាល់ទះជម្រើសជាតិប៉ូឡូញស្ថិតនៅចំណាត់ថ្នាក់លេខ១ ក្នុងតារាងចំណាត់ថ្នាក់បាល់ទះពិភពលោក FIVB នាំមុខក្រុមលេខ២ សហរដ្ឋអាមេរិកដល់ទៅ៣០.២៣ពិន្ទុ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទោះបីខកខានឈ្នះមេដាយមាសអូឡាំពិកអស់រយៈ៤៨ឆ្នាំ ប៉ុន្តែប៉ូឡូញនៅតែជាប់ឈ្មោះជាក្រុមកំពូលលើលោក។ ប្រទេសប៉ូឡូញមានប្រវត្តិជោគជ័យខ្លាំងលើឆាកអន្តរជាតិសម្រាប់កីឡាបាល់ទះដែលជាកីឡាដ៏ពេញនិយមបំផុតមួយ។

សមិទ្ធផលដ៏អស្ចារ្យបំផុតរបស់ប្រទេសប៉ូឡូញគិតមកដល់ពេលបច្ចុប្បន្នគឺការឈ្នះមេដាយមាសអូឡាំពិករដូវក្តៅឆ្នាំ១៩៦៧, ឈ្នះជើងឯកពិភពលោកចំនួន៣លើក (១៩៧៤ ២០១៤ និង២០១៨), ឈ្នះជើងឯកអឺរ៉ុប២លើក(២០០៩ និង២០២៣) ឈ្នះពានរង្វាន់បាល់ទះលីគពិភពលោក ឆ្នាំ២០១២ និងឈ្នះពានរង្វាន់ Nations League ឆ្នាំ២០២៣។

ជោគជ័យធំបំផុតរបស់ប៉ូឡូញគឺការឈ្នះពានរង្វាន់ Memorial of Hubert Jerzy Wagner ១០លើក និងជាក្រុមដែលឈ្នះពានរង្វាន់នេះច្រើនជាងគេបំផុតគិតតាំងពីឆ្នាំ២០០៣ជាពេលដែលពានរង្វាន់នេះត្រូវបានបង្កើតឡើង។ ពានរង្វាន់ Memorial of Hubert Jerzy Wagner គឺជាការប្រកួតកីឡាបាល់ទះមិត្តភាពអន្ដរជាតិ សម្រាប់ក្រុមជម្រើសជាតិ ធ្វើឡើងជារៀងរាល់ឆ្នាំ និងរៀបចំដោយមូលនិធិ Hubert Wagner។

គិតត្រឹមឆ្នាំ២០២៤ ប៉ូឡូញគឺជាក្រុមបាល់ទះខ្លាំងបំផុតក្នុងពិភពលោក ខណៈកម្រិតក្លិបនៅលីគកំពូល PlusLiga សុទ្ធតែអាជីព និងសំបូរធន់ធានដែលទាក់ទាញកីឡាករមានទេពកោសល្យកំពូលៗទូទាំងពិភពលោកទៅលេងនៅទីនោះ។

ឆ្នាំ២០២១ ZAKSA Kędzierzyn-Koźle បានក្លាយជាក្លិបបាល់ទះប៉ូឡូញដំបូងគេបានឈ្នះជើងឯក CEV Champions League។ ក្រៅពីសមិទ្ធផលដែលបានរៀបរាប់ខាងលើក ប៉ូឡូញក៏បានឈ្នះមេដាយប្រាក់ និងសំរិទ្ធជាច្រើនទៀតក្នុងព្រឹត្តិការណ៍ធំៗជាកត្តារុញច្រានឲ្យពួកគេក្លាយជាក្រុមកំពូលលើលោក។ ជាពិសេសក្រុមជម្រើសជាតិប៉ូឡូញរកបានពិន្ទុសរុប ៥៣.៧៧ពិន្ទុ ក្នុងការប្រកួត២៤លើកដោយលទ្ធផលឈ្នះទាំង២៤លើក គិតចាប់តាំងពីថ្ងៃទី២៥ ខែមិថុនា ឆ្នាំ២០២៣៕