កីឡា
ផ្ទុះការតវ៉ាខ្លាំង អតីតអ្នកប្រដាល់ ឡោ សំណាង ស្រែកអយុត្តិធម៌សម្រាប់ រិន ដេវិត យប់មិញ
អតីតកីឡាករប្រដាល់ល្បីឈ្មោះ ឡោ សំណាង បានចាត់ទុកអយុត្តិធម៌សម្រាប់កីឡាករ រិន ដេវិត នៅពេលត្រូវបានចៅក្រមកាត់ក្តីឲ្យចាញ់ពិន្ទុកីឡាករ ធន់ អៀឡៃ សម្រាប់ការប្រកួតដណ្តើមខ្សែក្រវាត់នៅសង្វៀនថោនកាលពីយប់មិញ។
លោក ឡោ សំណាង បានឡើងទៅលើសង្វៀនក្រោយពេលលទ្ធផលត្រូវបានប្រកាស ហើយក៏មានអ្នកនៅខាងកីឡាករ រិន ដេវិត ពីរបីនាក់ទៀតបានឡើងទៅកាន់សង្វៀនដែរ។ ពួកគាត់បានបង្ហាញកាយវិការ និងស្រែកពីការមិនទទួលយកលទ្ធផល។ ជាពិសេសលោក ឡោក សំណាង បានដោះអាវបង្ហាញកាយវិការមិនពេញចិត្តយ៉ាងខ្លាំងមែនទែន។
លោក ឡោ សំណាង បាននិយាយថា តាមបទពិសោធធ្លាប់ជាកីឡាករ និងរៀនសូត្រចំណេះជំនាញ លោកបានកត់សំគាល់ឃើញពីការប្រកួតគឺ រិន ដេវិត ឈ្នះពិន្ទុទឹកទី១ និងទី២ ខណៈទឹកដីទី៣មិនសូវលើសខ្វះគ្នាប៉ុន្មានទេ។ រឿងហេតុអ្វីបានជាកាត់ក្តីឲ្យ ធន់ អៀឡៃ ឈ្នះដោយពិន្ទុ ៣-២ លើកីឡាករ រិន ដេវិត គឺជាការសម្រេចចិត្តដ៏អយុត្តិធម៌។
មិនត្រឹមតែប៉ុណ្ណោះនៅលើបណ្តាញទំនាក់ទំនងសង្គម អ្នកគាំទ្រជាច្រើនក៏មើលឃើញ រិន ដេវីត ជាអ្នកឈ្នះដែរ។ ដូចអ្វីដែលលោក ឡោ សំណាង លើកឡើងដែរ អ្នកគាំទ្របានបញ្ចេញមតិថា ទឹកទី១ និងទី២ រិន ដេវិត នាំមុខ ខណៈទឹកទី៣ប្រហាក់ប្រហែលគ្នា។
កាលពីយប់មិញនេះ អ្នកគាំទ្រមួយចំនួនក៏មើលឃើញពីការសេចក្តីមិនសមរម្យមួយគូទៀតរវាងកីឡាករអ៊ូបេគីស្ថាន រក្សា អាសាដ ជាកូនសិស្សរបស់ក្លិប អេ ភូថង ត្រូវបានកាត់ក្តីឲ្យចាញ់កីឡាករកម្ពុជា ធី វ៉ារិទ្ធ ៤-១ សម្រាប់ការប្រកួតវគ្គផ្តាច់ព្រ័ត្រដណ្តើមពានរង្វាន់។ អ្នកគាំទ្របានលើកឡើងថា រក្សា អាសាដ វ៉ៃកណ្តាប់ដៃចូលច្រើនដែលមានប្រៀប ខណ ធី វ៉ារិទ្ធ វាយជង្គង់បានច្រើន។
ទាំងកណ្តាលយប់ ឧកញ៉ា ស្រី ចាន់ថន អនុប្រធានសហព័ន្ធកីឡាប្រដាល់គុនខ្មែរ ក៏បានបង្ហោះសារទាំងយប់ជុំវិញលទ្ធផលនេះ។ លោកបាននិយាយថា ៖«ត្រូវនិយាយគ្នាទាំងយប់ហើយ រិន ដេវិត បងគេងអត់លក់»។
លោកបានឆ្លើយតបនឹងអ្នកគាំទ្រថា ៖«អរគុណបងប្អូនទាំងអស់គ្នា ខ្ញុំនឹងដោះស្រាយរឿងនេះដើម្បីរកយុត្តិធម៌ដោយកីឡាករដែលឈ្នះពិតប្រាកដ»។
នៅព្រឹកនេះ កីឡាករ រឿង សុភ័ណ្ឌ បានសំណូមពរឲ្យលោក ឡោ សំណាង និងក្រុមការងាររបស់កីឡាករ រិន ដេវិត ធ្វើការតវ៉ាដោយនីតិវិធីគឺដាក់ពាក្យទៅគណវិនិច្ឆ័យត្រឹមត្រូវ។ សូមកុំបង្ហាញកាយវិការនៅលើសង្វៀន វាអាក្រក់មើលដល់មហាជន និងបរទេស។
រឿង សុភ័ណ្ឌ បានបន្ថែមថា ដោយសារមានរឿងចម្រូងចម្រាសបែបនេះ គណៈកម្មការរបស់សហព័ន្ធគួររៀបចំពិនិត្យសាថ្មី ហើយរក្សាទុកខ្សែក្រវាត់ និងប្រាក់រង្វាន់ឲ្យបានច្បាស់លាស់ មុនធ្វើការសម្រេចចិត្តម្តងទៀតដើម្បីឲ្យយុត្ថិធម៌។
កាលពីយប់មិញនេះ ចៅក្រម៣រូបគឺលោក ណុប វ៉ាន់ថេត, កែវ ពៅ និងលោក ប៉ាន់ ស៊ីថៃ ផ្តល់ពិន្ទុ ៥៩-៥៨ ដូចគ្នាឲ្យ ធន់ អៀឡៃ ខណៈចៅក្រម២រូបគឺលោក បឹត សំខាន់ និង ឌៀន វិបុល ផ្តល់ពិន្ទុ ៥៩-៥៨ ដូចគ្នាឲ្យ រិន ដេវិត។
ការផ្ទុះរិះគន់ខ្លាំងបែបនេះបានកើតឡើងជាថ្មី បន្ទាប់ពីការរិះគន់ចំពោះការរៀបចំប្រកួតរវាង ធន់ រិទ្ធី និងកីឡាករថៃ សៃយុគ កាលពីថ្ងៃអាទិត្យកន្លងទៅនេះដែលលទ្ធផលស្មើគ្នា។ អ្នករៀបចំកម្មវិធីគឺរៀបចំការប្រកួតស្ម័គ្រចិត្ត ប៉ុន្តែកីឡាករទាំងពីរបានដាក់ខ្សែក្រវាត់ដែលមើលទៅរូបភាពដណ្តើមខ្សែក្រវាត់បណ្តាលឲ្យអ្នកគាំទ្រមានការយល់ច្រឡំ។ សហព័ន្ធកីឡាប្រដាល់គុនខ្មែរក៏បានធ្វើសន្និសីទបកស្រាយពន្យល់ដល់មហាជន៕
អត្ថបទ៖ វីរបុត្រ
ឯកឧត្ដម ហ៊ុន ម៉ានី៖ សុខសន្តិភាព បានផ្តល់ឱកាសនៃការជួបជុំ និងផ្សារភ្ជាប់ជាមួយជីវភាពប្រចាំថ្ងៃរបស់ប្រជាពលរដ្ឋ
សង្រ្គាមពាណិជ្ជកម្មអាមេរិកខាងជើងផ្ទុះជាថ្មី ក្រោយពន្ធ ត្រាំ លើកាណាដា និងម៉ិកស៊ិក ចូលជាធរមាន
គ្រូប្រដាល់ល្បីឈ្មោះលើវិថីគុនខ្មែរ លោក ធន់ សុភា ខ្ចីធនាគារខ្ទង់ ៤ម៉ឺនដុល្លារបង្គ្រប់ថ្លៃសាងសង់ក្លឹប
ប្រទេសមួយទៀតចេញមុខ គាំទ្រអង់គ្លេស ហើយចង់បញ្ជូនទ័ពទៅអ៊ុយក្រែន ធ្វើជាកងរក្សាសន្តិភាពដែរ
រយៈពេល២សប្ដាហ៍ អាជ្ញាធរសង្កាត់ស្ទឹងមានជ័យទី១ ឃាត់ម៉ូតូអ្នកជិះបញ្ច្រាសជាង១០០គ្រឿង
ភ្លៀងមួយមេធំ លាយឡំនឹងខ្យល់កន្ត្រាក់ បណ្ដាលឱ្យរលំដើមឈើសង្កត់លើរថយន្តមួយគ្រឿង
តារាប្រុសល្បីឈ្មោះក្នុងវិស័យថតស្ពតពាណិជ្ជកម្ម ប៉ែន ចាន់សិទ្ធ ទទួលមរណភាពដោយរាគាពាធ
Model ដែលរងសម្តីមិនសមរម្យពី MC កីឡាម្នាក់ ចេញមកតបថា ការសុំទោសនោះមិនពេញលេញ
បុរសម្នាក់ ស្លាប់ភ្លាមៗ ខណៈជិះម៉ូតូឆ្លងផ្លូវត្រូវរថយន្ត ១ គ្រឿង បុកពេញទំហឹង
អាមេរិក ចង់ឲ្យ Zelensky ចេញវីដេអូសុំទោស Trump ជាសាធារណៈ ទើបសុខចិត្ត
-
ព័ត៌មានអន្ដរជាតិ៦ ថ្ងៃ agoរថយន្តដឹកសិស្សចុះកម្មសិក្សានៅថៃ ក្រឡាប់ពេលចុះភ្នំ ស្លាប់១៧នាក់ របួសជាង៤០នាក់
-
សន្តិសុខសង្គម១៨ ម៉ោង agoភ្លៀងមួយមេធំ លាយឡំនឹងខ្យល់កន្ត្រាក់ បណ្ដាលឱ្យរលំដើមឈើសង្កត់លើរថយន្តមួយគ្រឿង
-
ព័ត៌មានជាតិ៦ ថ្ងៃ agoកូនប្រុសអភិបាលខណ្ឌ៧មករា ស្លាប់ទាំងវ័យក្មេង ដោយសារគាំងបេះដូង
-
សន្តិសុខសង្គម១ សប្តាហ៍ agoបង្ក្រាបហាងផឹកស៊ីបង្កប់សេវាកម្មផ្លូវភេទមួយកន្លែងក្នុងមូលដ្ឋានខណ្ឌសែនសុខ ឃាត់ខ្លួននារីជាង២០នាក់
-
ជីវិតកម្សាន្ដ២៤ ម៉ោង agoតារាប្រុសល្បីឈ្មោះក្នុងវិស័យថតស្ពតពាណិជ្ជកម្ម ប៉ែន ចាន់សិទ្ធ ទទួលមរណភាពដោយរាគាពាធ
-
សន្តិសុខសង្គម៤ ថ្ងៃ agoUpdate៖ អគ្គិភ័យឆេះនៅជិតស្ពានជ្រោយចង្វារ មានទារកពីរនាក់បាត់បង់ជីវិត
-
ជីវិតកម្សាន្ដ៨ ម៉ោង agoModel ដែលរងសម្តីមិនសមរម្យពី MC កីឡាម្នាក់ ចេញមកតបថា ការសុំទោសនោះមិនពេញលេញ
-
ព័ត៌មានជាតិ១ សប្តាហ៍ agoឯកឧត្តម ឌី វិជ្ជា ប្រាប់ទៅលោក សម រង្ស៊ី ថា ល្មមៗបានហើយ កម្ពុជា មានច្បាប់ត្រឹមត្រូវ មិនមែនធ្វើអ្វីស្រេចលើការនឹកឃើញទេ