កីឡា

អបអរសាទរ! ប៉េណាល់ទី៣ដងជួយកាតារឈ្នះជើងឯក Asian Cup ជាលើកទី២

បានផុស

១ year មុន

នៅ

ថ្ងៃអាទិត្យ ១១ កុម្ភៈ ២០២៤

ដោយ

ក្រុមបាល់ទាត់ជម្រើសជាតិកាតារបានគ្រងជើងឯក AFC Asian Cup ឆ្នាំ២០២៤៣ (លើកមកឆ្នាំ២០២៤) បន្ទាប់ពីយកឈ្នះជម្រើសជាតិហ្សកដានីដោយលទ្ធផល ៣-១ យប់ថ្ងៃទី១០ ខែកុម្ភៈ នៅក្នុងដីរបស់ខ្លួនតែម្តង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការប្រកួតបាន២២នាទីនៅវគ្គទី១ម្ចាស់ផ្ទះកាតារទទួលបានបាល់ពិន័យ១១ម៉ែត្រដែលជាការស៊ុតបានសម្រេចដោយកីឡាករ Akram Afif ដើម្បីនាំមុខ ១-០ ប៉ុន្តែហ្សកដានីបានតាមស្មើ ១-១ នៅនាទី៦៧ដោយកីឡាករ Naimat។ ហ្សកដានីតាមស្មើមិនទាន់ប៉ុន្មាននាទីផង កាតារទទួលបានបាល់ពិន័យ១១ម៉ែត្រជាលើកទី២ ហើយកីឡាករ Akram Afif ស៊ុតបានសម្រេចទៀតដើម្បីនាំមុខជាថ្មី ២-១ នៅនាទី៧២។ នៅនាទីបន្ថែម ៩០+៥ កាតារទទួលបានបាល់ពិន័យ១១ម៉ែត្រជាលើកទី៣ ហើយកីឡាករ Akram Afif ស៊ុតបានសម្រេចទៀតដើម្បីទទួលបានជ័យជម្នះ ៣-១។ នេះជាប្រវត្តិសាស្ត្រថ្មីហើយដែលកើតមានគ្រាប់បាល់ប៉េណាល់ទីដល់ទៅ៣ដងក្នុងវគ្គផ្តាច់ព្រ័ត្រ។

កីឡាករកាតារ Akram Afif ដែលរកបាន៣គ្រាប់ម្នាក់ឯងនៅវគ្គផ្តាច់ព្រ័ត្របានក្លាយជាម្ចាស់ស្បែកជើងមាសដោយរកបាន៨គ្រាប់ច្រើនជាងគេក្នុងព្រឹត្តិការណ៍នេះ។

នេះជាការការពារតំណែងជើងឯកឆ្នាំចាស់បានជោគជ័យ និងជាការឈ្នះជើងឯកលើកទី២ក្នុងប្រវត្តិសាស្ត្ររបស់ខ្លួន បន្ទាប់ពីលើកទី១កាលពីឆ្នាំ២០១៩បានឈ្នះនៅប្រទេសអារ៉ាប់រួម។ ការឈ្នះជើងឯកពីរដងនេះស្មើនឹងកំណត់ត្រារបស់កូរ៉េខាងត្បូងដែលបានឈ្នះ២ដងកាលពីឆ្នាំ១៩៥៦ និង១៩៦០។

ក្រុមដែលឈ្នះពានរង្វាន់ AFC Asian Cup ច្រើនជាងគឺក្រុមជប៉ុន៤លើក, អ៉ីរ៉ង់និងអារ៉ាប៊ីសាអ៊ូឌីត បានឈ្នះជើងឯក៣លើកដូចគ្នា ខណៈគុយវ៉ែត អូស្រ្ដាលី និងអុីរ៉ាក់ ធ្លាប់ឈ្នះម្តងដូចគ្នា៕