កីឡា

ក្រុមកាំភ្លើងធំលត់ជំពាមយក្សស្វាយរៀង ១២-០ ជើងឯកស្វាយរៀងខាប់សប្តាហ៍ទី៧

បានផុស

១១ ខែ មុន

នៅ

ថ្ងៃអាទិត្យ ១១ កុម្ភៈ ២០២៤

ដោយ

ក្រុមបាល់ទាត់កាំភ្លើងធំទទួលបានជោគជ័យយ៉ាងធំធេងសម្រាប់ការប្រកួតវគ្គសន្សំពិន្ទុក្នុងពូល ជើងឯកស្វាយរៀងខាប់ លើកទី៦ សប្តាហ៍ទី៧ ដែលបញ្ចប់ទៅកាលពីថ្ងៃអាទិត្យ ទី១១ ខែកុម្ភៈ ឆ្នាំ២០២៤។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការប្រកួតសប្តាហ៍ទី៧ ចំនួន៦គូ បញ្ចប់ទៅដោយលទ្ធផល ឈ្នះ និងចាញ់ ប៉ុន្តែគ្មានគូណាមួយស្មើគ្នាឡើយ។ អ្វីដែលគួរឲ្យកត់សំគាល់ ការប្រកួតនីមួយៗសុទ្ធតែទម្លាយសំណាញ់ទីគ្នាទៅវិញទៅមកច្រើនគ្រាប់។

សម្រាប់ការប្រកួតនៅថ្ងៃសៅរ៍ ទី១០ ខែកុម្ភៈ ក្រុមសៀងហៃរីហ្សត រកបាន៣ពិន្ទុតាមរយៈជ័យជម្នះ ៥-១ លើក្រុម CFED FC នៅវេលាម៉ោង៨ព្រឹក ខណៈនៅម៉ោង១:៣០នាទីរសៀល ក្រុមភូមិហ៊ីង អេហ្វស៊ី លត់ក្រុមសេះស អេហ្វស៊ី ដោយលទ្ធផល៥-០ ហើយនៅវេលាម៉ោង៣:៣០នាទីរសៀល ក្រុមយុវជនសាមគ្គីរកបាន៣ពិន្ទុពីក្រុម គោព្រៃភូមិស្វាយធំ តាមរយៈជ័យជម្នះ ៥-១។

ចំពោះការប្រកួតនៅថ្ងៃអាទិត្យ ទី១១ ខែកុម្ភៈ វេលាម៉ោង៨ព្រឹក យុវជនគគីសោម បានយកឈ្នះលើក្រុម រាជសីហ៍ ស្វាយរំពារ ដោយលទ្ធផល ៥-២។ វេលាម៉ោង១:៣០នាទីរសៀល ក្រុមស្វាយទាប អេហ្វស៊ី បានយកឈ្នះក្រុម M.S.T. FC ដោយលទ្ធផល ៧-០ និងម៉ោង៣:៣០នាទីរសៀល ក្រុមកាំភ្លើងលត់ក្រុមជំពាមយក្សស្វាយរៀងដោយលទ្ធផលតដៃមិនរួច ១២-០។