កីឡា

វ័យទើប១៨ឆ្នាំ Jobe Bellingham កំពុងធ្វើឲ្យក្លិបធំៗចាប់អារម្មណ៍

បានផុស

១ year មុន

នៅ

ថ្ងៃព្រហស្បតិ៍ ១៥ កុម្ភៈ ២០២៤

ដោយ

យុវជន Jobe Bellingham ប្អូនប្រុសបង្កើតរបស់កីឡាករ Jube Bellingham ត្រូវបានក្លិបធំៗចាប់អារម្មណ៍យ៉ាងខ្លាំង បន្ទាប់ពីរូបគេបង្ហាញសមត្ថភាពយ៉ាងល្អនៅលីគទី២ប្រទេសអង់គ្លេស។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

Jobe Bellingham កើតថ្ងៃទី២៣ ខែកញ្ញា ឆ្នាំ២០០៥ សញ្ជាតិអង់គ្លេសកំពុងលេងឲ្យក្លិប Sunderland ក្នុងលីគទី២ ប្រទេសអង់គ្លេស។ រូបគេចេញពីថ្នាលយុវជន Birmingham City ហើយបានបង្ហាញខ្លួនលើកដំបូងជាមួយក្រុមក្នុងវ័យ១៦ឆ្នាំ។ ការបង្ហាញខ្លួនលើទីលាន២៤ប្រកួត មុនពេលរូបគេចូលរួម Sunderland ក្នុងឆ្នាំ២០២៣។ បច្ចុប្បន្ន Jobe កំពុងធ្វើបានល្អយ៉ាងល្អឲ្យ Sunderland ក្រោយបង្ហាញខ្លួនបាន៣០លើក ស៊ុតបញ្ចូលទី៥គ្រាប់ ជួយឲ្យក្រុមឈរលេខ៩។ រូបគេបានជាប់ក្នុងយុវជនជម្រើសជាតិអង់គ្លេស U16, U17, U18 និង U19។

Jobe Bellingham ត្រូវបានក្លិបជាច្រើនចាប់អារម្មណ៍ ដោយសារការបង្ហាញសមត្ថភាពយ៉ាងល្អនៅលើទីលាន។ ស្ថិតក្នុងវ័យ១៨ឆ្នាំ ខ្សែបម្រើវ័យក្មេងរូបនេះត្រូវការពេលវេលាបន្ថែមទៀត ដើម្បីអភិវឌ្ឍខ្លួនឲ្យល្អដូចបងប្រុសរបស់ខ្លួនដែរ។

កាលពីចុងឆ្នាំ២០២៣ ក្លិបតោខៀវ Chelsea និង Real Madrid បានសម្លឹងឃើញសមត្ថភាពរបស់យុវជនរូបនេះ។ លោក Florentino Perez ប្រធានក្លិប Real Madrid ត្រូវបានគេជឿថា មានបំណងចង់នាំយក Jobe ទៅចូលរួមជាមួយបងប្រុស Jude ដែលកំពុងចាប់ផ្តើមរដូវកាលដ៏អស្ចារ្យជាមួយក្រុម Real Madrid។ បងប្រុសបានជួយឲ្យក្រុមឈ្នះពានរង្វាន់ Spanish Super Cup និងកំពុងឈរនៅកំពូលលីគ LaLiga៕

អត្ថបទ៖ ផា រតនា