កីឡា

តំណាងច្បាប់បញ្ចាក់ថា Lee Kang In ដាល់មុខ Son Heung Min គឺខុសពីការពិតទាំងស្រុង

បានផុស

១២ ខែ មុន

នៅ

ថ្ងៃសុក្រ ១៦ កុម្ភៈ ២០២៤

ដោយ

កាលពីថ្ងៃទី ១៥ ខែកុម្ភៈ អ្នកនាំពាក្យក្រុមហ៊ុនច្បាប់ Seo On តំណាងឲ្យខ្សែបម្រើ Lee Kang In បានចេញសេចក្តីថ្លែងការណ៍ផ្លូវការមួយទៅកាន់សារព័ត៌មាន ទាក់ទងនឹងការចោទប្រកាន់ផ្សេងៗនៃជម្លោះផ្ទៃក្នុងរវាងកីឡាករក្នុងក្រុមបាល់ទាត់ជម្រើសជាតិកូរ៉េខាងត្បូង។

យោងតាមសារព័ត៌មានកូរ៉េ Allkop បានដកស្រង់នូវសេចក្តីថ្លែងការណ៍របស់តំណាងផ្នែកច្បាប់របស់កីឡាករវ័យ២២ឆ្នាំនេះថា Lee Kang In មានការសោកស្ដាយជាខ្លាំង និងបានសារភាពពីទោសកំហុសរបស់គាត់ ជាថ្មីម្តងទៀត គាត់សូមអភ័យទោសចំពោះការបង្កភាពមិនស្រួល និងកង្វល់ដល់អ្នកគាំទ្របាល់ទាត់ជាច្រើន។ ដោយពិចារណាថាគាត់ជាចំណុចកណ្តាលនៃជម្លោះ Lee Kang In ជឿថាការសុំទោស ជាជាងផ្តល់ព័ត៌មានលម្អិតជាក់លាក់នៃឧប្បត្តិហេតុនោះ គឺជាសកម្មភាពសមស្របបំផុត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទោះជាយ៉ាងណាក៏ដោយ អត្ថបទថ្មីៗ រួមទាំងអត្ថបទពី Dispatch ជាព័ត៌មានមិនពិត ដែលត្រូវបានបំផ្លើស និងផលិតឡើងវិញដូចជាការពិត។ អាស្រ័យហេតុនេះ យើងខ្ញុំចាំបាច់ត្រូវកែតម្រូវរាល់ព័ត៌មានមិនពិតនិងការចោទប្រកាន់ទាំងស្រុងមកលើកីឡាករបាល់ទាត់ Lee Kang In ។

១) អត្ថបទដែលសរសេរថា Lee Kang In បានប្រលែងកណ្តាប់ដៃចំមុខ Son Heung Min ពេល Son Heung Min ចាប់កអាវគឺខុសពីការពិត។

២) ក្នុងអំឡុងពេលឧប្បត្តិហេតុវាយកូនឃ្លីលើតុ ក៏មានកីឡាករវ័យចំណាស់មានវត្តមានដែរ ហើយកីឡាវាយកូនឃ្លីលើតុគឺជាសកម្មភាពទូទៅមុនថ្ងៃនោះតែប៉ុណ្ណោះ។

ជាថ្មីម្តងទៀត សូមអភ័យទោសដោយស្មោះចំពោះអ្នករាល់គ្នាដែល Lee Kang In ធ្វើឲ្យខកចិត្ត។ យើងខ្ញុំនឹងបញ្ជាក់ និងដោះស្រាយបញ្ហាដែលនៅសេសសល់នៅពេលក្រោយ។

ទន្ទឹមនោះទៀតសោត យោងតាមរបាយការណ៍របស់ Dispatch ក៏បានចេញផ្សាយពីឧប្បត្តិហេតុដែលបានកើតឡើងក្នុងថ្ងៃទទួលទានអាហារពេលល្ងាចនៅ Asian Cup ថា Son Heung Min ត្រូវបានដាល់ចំមុខដោយ Lee Kang In ដោយគ្មានឱកាសដើម្បីគេច ហើយការប៉ះទង្គិចគ្នាបន្ថែមទៀតបានកើតឡើងក្នុងចំណោមអ្នកលេងឃ្លីលើតុ ។ ក្នុងអំឡុងពេលវាយគ្នា ម្រាមដៃរបស់កីឡាករបាល់ទាត់របស់ក្លឹបមាន់ខ្នាយមាស Tottenham Hotspur បានជាប់ក្នុងសំលៀកបំពាក់របស់អ្នកដទៃ រហូតភ្លាត់បាក់ឆ្អឹងម្រាមដៃរបស់គាត់។

ក្រោយមក ទើបខ្សែបម្រើវ័យ២២ឆ្នាំ Lee Kang In បានបង្ហោះសារសុំទោសទាក់ទងនឹងជម្លោះរបស់គាត់ជាមួយ Son Heung Min តាមរយៈបណ្ដាញសង្គម Instagram ផ្ទាល់ខ្លួន។ ថ្វីដ្បិតតែមានការបកស្រាយនូវកំហុសរបស់ លោកជាសាធារណៈយ៉ាងណាក៏ដោយ ប៉ុន្តែមិនបានធ្វើឲ្យអ្នកគាំទ្របាល់ទាត់ស្រាកស្រាន្តនូវកំហឹងដែលរូបគេមានវ័យក្មេងជាង បែរជាធ្វើទង្វើមិនសមរម្យលើប្រធានក្រុមមានវ័យចាស់ជាងនោះទេ។

លើសពីនេះទៀតសោត បច្ចុប្បន្ននេះអ្នកលេងអ៊ីនធឺណិតកូរ៉េជាច្រើនកំពុងទាមទារឲ្យសមាគមកីឡាបាល់ទាត់កូរ៉េលុបចោលការលើកលែងកាតព្វកិច្ចយោធាជាកាតព្វកិច្ចរបស់ Lee Kang In ដែលគាត់ទទួលបានបន្ទាប់ពីក្រុមជម្រើសជាតិកូរ៉េខាងត្បូងឈ្នះមេដាយមាសផ្នែកបាល់ទាត់បុរសក្នុងព្រឹត្តិការណ៍ 2022 Hangzhou Asian Games ផងដែរ៕