ក្រុមរមាសក្រហមធ្វើបានល្អជាងគេ សប្ដាហ៍ទី៨ជើងឯកស្វាយរៀងខាប់

ការ​ប្រកួត​ជើង​ឯក​ស្វាយរៀង​ខាប់​រដូវ​កាល​ទី​៦ ឆ្នាំ​២០២៤ ​សប្តាហ៍​ទី​៨ បានបញ្ជប់ហើយ ក្នុងនោះក្រុមរមាសក្រហម ធ្វើបានល្អជាងគេ ដោយយកឈ្នះក្រុម សាកល ស្វាយរៀង ៥-០ ។

គ្រាប់បាល់៥គ្រាប់របស់ក្រុមរមាសក្រហម រកបានដោយកីឡាករ៣រូបផ្សេងគ្នាគឺកីឡាករ ម៉ម វាសនា ស៊ុតបញ្ចូលទី២គ្រាប់ នៅនាទី២៤​, ៤៦ ហើយកីឡាករ ឌុក លីដា ស៊ុតបញ្ចូលទី២​គ្រាប់ នៅនាទី៦០, ៧៣ ខណៈមួយគ្រាប់ចុងក្រោយរកបានដោយកីឡាករ ណាក ច័ន្ទណេត នៅនាទី៨៥។ ក្រោយជ័យជម្នះនេះធ្វើឲ្យក្រុម រមាសក្រហម ឡើងទៅលេខ២ ក្នុងពូលជវិញ ខណៈក្រុម សាកល ស្វាយរៀង ធា្លក់មកលេខ៣វិញ។

លទ្ធផល​ថ្ងៃសៅរ៍ ទី​១៧ ខែ​កុម្ភៈ

• សសយកប បាទី ៣-៣ ឆ្មាបុងបុង
• ដារ៉ូពិទូសុខសាន្ត ៣-២ សសយក ស្រុកចន្រ្ទា
• យុវជនជីភូ ២-៣ នគរបាលច្រកទ្វារព្រំដែនបាវិត

លទ្ធផល​ថ្ងៃអាទិត្យ ទី​១៨ ខែ​កុម្ភៈ

• សសយក ស្រុករំដួល ១-៤ CRS SPORT
• សសយក ស្រុករំដួល ០-0 សុាំម៉ូរៃភូមិតាកឹង
• រមាសក្រហម ៥-០ សាកល ស្វាយរៀង

អត្ថបទ៖ ផា រតនា