កីឡា

លោក Oliver Glasner ត្រូវបានតែងតាំងជាគ្រូបង្វឹកថ្មីក្រុម Crystal Palace

បានផុស

១ year មុន

នៅ

ថ្ងៃអង្គារ ២០ កុម្ភៈ ២០២៤

ដោយ

ក្លិប Crystal Palace បានប្រកាសជាផ្លូវការក្នុងការតែងតាំងលោក Oliver Glasner ជាគ្រូបង្វឹកថ្មី បន្ទាប់ពីលោក Roy Hodgson អតីតគ្រូបង្វឹកដឹកនាំក្រុមមិនបានល្អក្នុងរដូវកាលនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បច្ចុប្បន្ន Crystal Palace ឈរនៅលេខ១៥ ក្នុងតារាងពិន្ទុក្របខណ្ឌ Premier League ក្រោយប្រកួត២៥លើក ឈ្នះ៦ ស្មើ៧ ចាញ់១២ មាន២៥ពិន្ទុ។ លោក Glasner បានចុះកិច្ចសន្យារហូតដល់ខែមិថុនា ឆ្នាំ២០២៦ ហើយនឹងទទួលបន្ទុកសម្រាប់ការប្រកួតក្នុងផ្ទះថ្ងៃសៅរ៍នេះទល់នឹងក្រុម Burnley។

លោក Oliver Glasner បាននិយាយថា៖ «ខ្ញុំរីករាយក្នុងការចូលរួមជាមួយ Crystal Palace។ ខ្ញុំទន្ទឹងរង់ចាំធ្វើការជាមួយកូនក្រុមដែលមានទេពកោសល្យ ជួបជាមួយអ្នកគាំទ្រ និងបទពិសោធថ្មីនៅកីឡដ្ឋាន Selhurst Park។ វាពិតជារីករាយដែលបានជួបលោក Steve Parish ម្ចាស់ភាគហ៊ុន និងលោក Dougie Freedman ជានាយកប្រត្តិបិត្តកីឡា»។

លោក Steve Parish បាននិយាយថា៖«ខ្ញុំរីករាយដែលបានស្វាគមន៍ Oliver មកកាន់ក្លិប។ គាត់មានកំណត់ត្រាដ៏អស្ចារ្យមួយ ហើយយើងជឿថាគាត់គឺជាអ្នកគ្រប់គ្រងដ៏ត្រឹមត្រូវក្នុងការដឹកនាំក្លិបឆ្ពោះទៅរកពេលវេលាដ៏អស្ចារ្យ»។

«យើងជឿថា មហិច្ឆតារបស់គាត់ ក៏ដូចជាវិធីសាស្រ្តដ៏គួរឲ្យចាប់អារម្មណ៍ ការប្រើយុទ្ធសាស្រ្តវាយសម្រុករបស់គាត់គឺសមឥតខ្ចោះសម្រាប់ក្រុមកីឡាករក្មេងៗ»។

នៅឆ្នាំ២០២២ លោក Glasner បានដឹកនាំក្រុម Frankfurt និងបានឈ្នះពានរង្វាន់ Europa League ក្នុងអំឡុងពេលរដូវកាលដំបូងរបស់លោកនៅពេលយកឈ្នះក្រុម Rangers របស់ស្កុតឡេនវគ្គផ្តាច់ព្រ័ត្រ៕