កីឡា

របួសបាក់ម្រាមដៃ Son Heung-min ទទួលការចាប់អារម្មណ៍ ក្រោយជម្លោះជាមួយ Lee Kang-in

បានផុស

១ year មុន

នៅ

ថ្ងៃព្រហស្បតិ៍ ២២ កុម្ភៈ ២០២៤

ដោយ

ប្រធានក្រុមបាល់ទាត់ជម្រើសជាតិកូរ៉េខាងត្បូង Son Heung-min បានទាក់ទាញចំណាប់អារម្មណ៍នៅក្នុងកម្មវិធីបង្ហាញម៉ូដ Burberry នៅទីក្រុងឡុងដ៍ ខណៈដែលគាត់បានពាក់គ្រឿងការពារនៅលើម្រាមដៃដែលរងរបួស បន្ទាប់ពីមានជម្លោះជាមួយខ្សែបម្រើ Lee Kang-in ។

របាយការណ៍ពីប្រព័ន្ធផ្សព្វផ្សាយកូរ៉េខាងត្បូង alkpop បានគូសបញ្ជាក់ពីការចូលរួមរបស់កីឡាករបាល់ទាត់របស់ក្លឹបមាន់ខ្នាយមាស Tottenham Hotspur គឺ Son Heung-min នៅក្នុងព្រឹត្តិការណ៍កាលពីថ្ងៃច័ន្ទសម្រាប់ម៉ាក់យីហោក្នុងនាមជាទូតសុឆន្ទៈ។ អ្នកសង្កេតការណ៍បានកត់សម្គាល់ថា គាត់បានពាក់គ្រឿងប្រាក់បន្ថែមដែលសន្មតថាដើម្បីការពារម្រាមដៃរបស់គាត់ដែលរងរបួសលើកមុន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទោះយ៉ាងណាក៏ដោយ ដូចដែលរាយការណ៍ដោយ The Sun បានគុសបញ្ចាក់ប្រាប់ថា ជម្លោះបានកើតឡើងមុនពេលការប្រកួតវគ្គពាក់កណ្តាលផ្តាច់ព្រ័ត្រ Asian Cup របស់កូរ៉េខាងត្បូង ជាមួយនឹងក្រុម Jordan នៅពេលដែល Lee Kang-in និងមិត្តរួមក្រុមវ័យក្មេងមួយចំនួនបានបញ្ចប់អាហារពេលល្ងាចរបស់ពួកគេយ៉ាងលឿនដើម្បីលេងកីឡាវាយកូនបាល់លើតុ។ ទង្វើនេះបានធ្វើឲ្យ Son Heung-min និងសមាជិកក្រុមចាស់ៗជាច្រើននាក់មានខឹងសម្បារ ដែលធ្វើឲ្យឈានដល់ជម្លោះលើរាងកាយកើតឡើងរវាងគូបដិបក្ខកើតឡើង។

ក្រោយកើតហេតុ Lee Kang-in បានចេញមុខសុំទោសជាសាធារណៈ ប៉ុន្តែមេធាវីរបស់លោកបានបដិសេធចំពោះការអះអាងពីអំពើហិង្សាលើប្រធានក្រុម Son Heung-min។ ប៉ុន្តែ ជម្លោះនៃការចោទប្រកាន់នេះបានប៉ះពាល់យ៉ាងធ្ងន់ធ្ងរដល់មុខមាត់សាធារណៈរបស់ Lee និងការងារផ្ទាល់ខ្លួន ដោយសារតែម៉ាកយីហោកូរ៉េខាងត្បូងដែលពាក់ព័ន្ធជាមួយរូបលោកបានប្រឈមមុខនឹងការអំពាវនាវពីសាធារណជន ឲ្យបញ្ចប់ភាពជាដៃគូជាមួយលោកជាបន្ទាន់៕