កីឡា
កម្ពុជាគ្រោងធ្វើម្ចាស់ផ្ទះជើងឯកបាល់ទះ Tri-Nation Cup បង្កើនដល់៥ឬ៦ក្រុម
សហព័ន្ធកីឡាបាល់ទះកម្ពុជាគ្រោងរៀបចំការប្រកួតបាល់ទះពានរង្វាន់មិត្តភាព Tri Nations Cup ឆ្នាំ២០២៤ ដើម្បីក្រុមបាល់ទះជម្រើសជាតិកម្ពុជាបញ្ចេញសមត្ថភាពដើម្បីកីឡាស៊ីហ្គេម លើកទី៣៣ ឆ្នាំ២០២៥ នៅប្រទេសថៃ។
លោក អាំង សិរីពិសិដ្ឋ អនុប្រធាន និងជាអគ្គលេខាធិការសហព័ន្ធកីឡាបាល់ទះកម្ពុជាបានឲ្យដឹងថា សហព័ន្ធបានត្រៀមផែនការសកម្មភាពជាច្រើនសម្រាប់ក្រុមបាល់ទះជម្រើសជាតិកម្ពុជា ក្នុងនោះក៏មានពានរង្វាន់មិត្តភាព Tri Nation Cup ជាដើម។ ពានរង្វាន់នេះកន្លងមកមានតែ៣ប្រទេសប៉ុណ្ណោះចូលរួមប្រកួត ប៉ុន្តែនៅសហព័ន្ធបាល់ទះកម្ពុជាបង្កើនឲ្យមាន៤ ឬ៥ក្រុមចូលរួម។
តំណាងសហព័ន្ធកីឡាបាល់ទះរូបនេះបានលើកឡើងថា ៖«ពានរង្វាន់ Tri Nations Cup កន្លងមករៀបចំនៅប្រទេសម៉ាឡេស៊ី ដោយមានតែ៣ប្រទេសគឺម៉ាឡេស៊ី សិង្ហបុរី និងកម្ពុជា ប៉ុន្តែឆ្នាំនេះ ខ្ញុំសុំយក Tri Nation Cup មកធ្វើនៅកម្ពុជា»។
លោកបានបន្តថា ៖«នៅពេលកម្ពុជាធ្វើជាម្ចាស់ផ្ទះ យើងគ្រោងបន្ថែមក្រុមឲ្យដល់៤ ឬ៥ ឬក៏៦ក្រុម (Four, Five or Six Nation Cup)។ ក្នុងនោះអាចមានក្រុមជម្រើសជាតិឡាវ វៀតណាម ឬហ្វីលីពីនចូលរួមដែរ»។
លោក អាំង សិរីពិសិដ្ឋ បញ្ជាក់ថា ពានរង្វាន់នេះមិនមែនជាការរៀបចំរបស់សហព័ន្ធកីឡាបាល់ទះអាស៊ាន អាស៊ី ឬពិភពលោកឡើយ ប៉ុន្តែការព្រមព្រៀងគ្នារបស់ប្រទេសនៅក្នុងតំបន់អាស៊ាន ដោយប្រទេសជាម្ចាស់ផ្ទះជាអ្នកអញ្ជើញប្រទេសផ្សេងឲ្យចូលរួមដើម្បីបង្កើនសកម្មភាពបាល់ទះ។
កាលពីឆ្នាំ២០២៣ ពានរង្វាន់ Tri Nation Cup ធ្វើពីថ្ងៃទី២៩ ខែមីនា ដល់ទី១ ខែមេសា នៅទីក្រុងកូឡាឡាំពួរ ការប្រកួតទី១ ក្រុមកម្ពុជាបានចាញ់ម៉ាឡេស៊ី (A) ដោយលទ្ធផល ៣-១, ការប្រកួតទី២កម្ពុជាបានឈ្នះសិង្ហបុរីដោយលទ្ធផល ៣-១ និងការប្រកួតទី៣បានឈ្នះម៉ាឡេស៊ី (B) ដោយលទ្ធផល ៣-០ ដើម្បីបានឡើងវគ្គផ្តាច់ព្រ័ត្រ។
ចុងបញ្ចប់ ក្រុមបាល់ទះជម្រើសជាតិកម្ពុជាទទួលបានចំណាត់ថ្នាក់លេខ២ក្នុងពានរង្វាន់ Tri Nation Cup បន្ទាប់ពីបានចាញ់ក្រុមម្ចាស់ផ្ទះម៉ាឡេស៊ីដោយលទ្ធផល ៣-១។ នៅសិតទី១ ក្រុមកម្ពុជាបានយកឈ្នះដោយលទ្ធផល ២៥-១៩ ប៉ុន្តែនៅសិតទី២ ទី៣ និងទី៤ ម៉ាឡេស៊ីបានយកឈ្នះដោយលទ្ធផល ២៥-១៨, ២៥-២១ និង ២៥-២៣៕
អត្ថបទ៖ វីរបុត្រ
សម្ដេចតេជោ ជំរុញឱ្យធ្វើច្បាប់ដាក់ក្រុមជ្រុលនិយមចង់ផ្ដួលរំលំរដ្ឋាភិបាលជា «ពួកភេរវករ»
Luvi ប្រាប់ថា មកលេងនៅកម្ពុជាលើកទី២ ពិសេសលើសពីការប្រកួតបាល់ទះ
ហេតុផលម្យ៉ាងគត់ ដែលលោក Trudeau សុខចិត្តចុះចេញពីតំណែង
អ្នកឧកញ៉ា ឃុន សៀ គោរពជូនពរ សម្ដេចទាំង ៧ ក្នុងឱកាសអបអរសាទរខួបអនុស្សាវរីយ៍លើកទី ៤៦ ទិវាជ័យជម្នះ ៧ មករា
បទអត្ថាធិប្បាយ៖ ជ័យជម្នះ ៧ មករា ១៩៧៩ គឺជាព្រឹត្តិការណ៍ប្រវត្តិសាស្ត្រនៃទំនាក់ទំនងកម្ពុជា និងវៀតណាម
សមត្ថកិច្ច បានឃាត់ខ្លួនអ្នកបើករថយន្តបុកតារារ៉េបម្នាក់ យកទៅសួរនាំអនុវត្តតាមនីតិវិធី
បិទចរាចរណ៍នៅកំពង់ចម្លងជ្រោយចង្វារ កំពង់ចម្លងអរិយក្សត្រ និងកំណាត់ផ្លូវមួយចំនួន ជុំវិញមហោស្រពកោះពេជ្រ ស្អែកនេះ
មកដឹងពីជីវិតសិល្បៈត្រួសៗរបស់ Rapper ល្បីឈ្មោះ Ruthko
ស្ពានឆ្លងទន្លេភ្ជាប់ទៅផ្លូវល្បឿនលឿន ដីឥដ្ឋ-ថ្មគរ ឈានទៅខួងគ្រឹះ ខណៈមានការសង់ស្ពានដែកបណ្តោះអាសន្នសម្រួលការងារសាងសង់
គោលការណ៍ការងារ, អ្នកនាំពាក្យ ប្រាប់លោក ហេង សិទ្ធី ឱ្យដាក់បណ្ដឹងមកក្រសួងយុត្តិធម៌ផ្ទាល់
-
ព័ត៌មានជាតិ៥ ថ្ងៃ agoលទ្ធផលកំណាយ៖ តំបន់អង្គរមានមនុស្សមកតាំងភូមិករតាំងពីជាង ៣ ០០០ ឆ្នាំមកម្ល៉េះ
-
ចរាចរណ៍១ ថ្ងៃ agoតារា Rap ម្នាក់ស្លាប់ភ្លាមៗនៅកន្លែងកើតហេតុ ក្រោយរថយន្ដពាក់ស្លាកលេខ ខ.ម បើកបញ្ច្រាសឆ្លងផ្លូវ បុកមួយទំហឹង
-
ព័ត៌មានជាតិ៥ ថ្ងៃ agoសំណង់ព្រះពុទ្ធប្បដិមាកម្ពស់ជាង ៨០ ម៉ែត្រ នឹងលេចរូបរាងក្នុងតំបន់អភិវឌ្ឍឆ្នេររាមខេត្តព្រះសីហនុ
-
ព័ត៌មានជាតិ៥ ថ្ងៃ agoអ្នកឧកញ៉ា សំ សុខនឿន ព្យាករថា កម្ពុជា ត្រូវការពេលប្រហែល៥ឆ្នាំទៀត ដើម្បីឱ្យវិស័យអចលនទ្រព្យវិលរកសភាពដើមវិញ
-
សេដ្ឋកិច្ច៥ ថ្ងៃ agoទិន្នផលគ្រាប់ស្វាយចន្ទីអាចធ្លាក់ចុះពី ១០-៣០% ដោយសារអាកាសធាតុ ប្រសិនបើគ្មានវិធានការឆ្លើយតបទាន់ពេល
-
សេដ្ឋកិច្ច៥ ថ្ងៃ agoធនាគារជាតិ ប្រកាសឱ្យសាធារណជនប្រុងប្រយ័ត្នប្រាក់ដុល្លារក្លែងក្លាយ កំពុងចរាចរណ៍នៅកម្ពុជា
-
ព័ត៌មានជាតិ៤ ថ្ងៃ agoមហាជនផ្ទុះការរិះគន់លោកបណ្ឌិត សុខ ទូច ដែលនិយាយជំរុញ«ក្មេងៗឱ្យខំរៀនសូត្រ និងធ្វើការ ជាជាងទៅធ្វើសមាធិ»
-
កីឡា៤ ថ្ងៃ agoគ្រួសារលោកគ្រូ អេ ភូថង ជួបទុក្ខធំផ្ទួនៗ