កីឡា

យុវជន ផានសុវណ្ណអារុន ប្រកួត៤វិញ្ញាសាកីឡាហែលទឹកជើងឯកអាស៊ី

បានផុស

៧ ខែ មុន

នៅ

ថ្ងៃចន្ទ ២៦ កុម្ភៈ ២០២៤

ដោយ

កីឡាករហែលទឹកជម្រើសជាតិកម្ពុជា មនត្រស ផានសុវណ្ណអារុន ចូលរួមប្រកួតកីឡាហែលទឹកជើងឯកយុវជនអាស៊ី លើកទី១១ (Asian Age Group Swimming Championships) នៅប្រទេសហ្វីលីពីនចាប់ពីថ្ងៃទី២៦ដល់២៩ ខែកុម្ភៈ ឆ្នាំ២០២៤។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមការឲ្យដឹងពីសហព័ន្ធខ្មែរកីឡាហែលទឹកថា កីឡាករ មនត្រស ផានសុវណ្ណអារុន នឹងប្រកួត៤វិញ្ញាសាគឺ របៀបហែលសេរីចម្ងាយ៥០ម៉ែត្រ របៀបហែលមេអំបៅចម្ងាយ៥០ម៉ែត្រ របៀបហែលសេរីចម្ងាយ១០០ម៉ែត្រ និងរបៀបហែលមេអំបៅចម្ងាយ១០០ម៉ែត្រ។

ការប្រកួតកីឡាហែលទឹកជើងឯកយុវជនអាស៊ី លើកទី១១មានប្រទេសមកពីទូទាំងទ្វីបអាស៊ីដែលកីឡាករ កីឡាការិនីអាយុចាប់ពី១១ដល់១៨ឆ្នាំត្រូវបានកំណត់ឲ្យចូលរួមប្រកួត។

សម្រាប់ការប្រកួតនេះ កីឡាករ កីឡាការិនីដែលបានឈ្នះមេដាយមាសនឹងមានសិទ្ធិចូលរួមប្រកួតកីឡាអូឡាំពិករដូវក្តៅ ឆ្នាំ២០២៤ នៅទីក្រុងបារីស ប្រទេសបារាំង។

សូមរម្លឹកថា ការប្រកួតកីឡាហែលទឹកជើងឯកយុវជនអាស៊ី កាលពីឆ្នាំ២០១៩ មានកីឡាករ កីឡាការិនីចំនួន១៣២២នាក់មកពី៣២ប្រទេសចូលរួមប្រកួតនៅប្រទេសឥណ្ឌា។

យុវជន មនត្រស ផានសុវណ្ណអារុន ធ្លាប់ទទួលបានមេដាយសំរិទ្ធ១ ក្នុងព្រឹត្តិការណ៍ប្រកួតកីឡាហែលទឹក Thailand Short Course Swimming Championships(TSCSC) កាលពីថ្ងៃទី២១ ខែតុលា នៅប្រទេសថៃកាលពីឆ្នាំ២០២២៕

អត្ថបទ៖ វីរបុត្រ

Related Topics:កីឡាហែលទឹក