កីឡា

កម្មវិធីប្រកួតជើងឯកស្វាយរៀងខាប់សប្តាហ៍ទី១០

បានផុស

១ year មុន

នៅ

ថ្ងៃសុក្រ ១ មីនា ២០២៤

ដោយ

ការប្រកួតជើងឯកស្វាយរៀងខាប់រដូវកាលទី៦ ឈានដល់វគ្គសន្សំពិន្ទុក្នុងពូលសប្តាហ៍ទី១០ហើយដោយ៦គូធ្វើការប្រកួតនៅចុងសប្តាហ៍នេះ។

ការប្រកួតទាំង៦គូធ្វើនៅលើទីលានវិទ្យាល័យស្វាយរំពារ វេលាម៉ោង៨ព្រឹក ថ្ងៃសៅរ៍ ទី២ ខែមីនា ឆ្នាំ២០២៤ ក្រុមគោព្រៃភូមិស្វាយធំ ប្រកួតជាមួយ ក្រុមយុវជន គគីសោម។ វេលាម៉ោង១:៣០នាទី រសៀល ក្រុមយុវជនសាមគ្គី ប្រកួតជាមួយក្រុម ហង្ស សំណាង ខណៈម៉ោង៤រសៀល ក្រុម M.S.T FC ប្រកួតជាមួយក្រុម ជំពាមយក្សអង្គស្វាយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅថ្ងៃអាទិត្យ ទី៣ ខែមីនា ឆ្នាំ២០២៤ ក្រុមស្វាយទាប អេហ្វស៊ី ប្រកួតជាមួយ សសយក ស្រុករមាសហែក វេលាម៉ោង៨ព្រឹក ខណៈក្រុម ឆ្មាបុងបុង ប្រកួតជាមួយ ក្រុមដារ៉ូពិទូ សុខសាន្ត វេលាម៉ោង១:៣០នាទីរសៀល និងក្រុម សសយក បាទី ប្រកួតជាមួយក្រុម ស្នងការដ្ឋាននគរបាលខេត្តស្វាយរៀង វេលាម៉ោង៤រសៀល។

ឆ្លងកាត់៩សប្តាហ៍កន្លងទៅ មានក្រុមជាច្រើនទទួលបានពិន្ទុខ្ពស់ជាងគេ និងបានកក់កៅអីឡើងវគ្គ១៦ក្រុមចុងក្រោយ ហើយក៏មានក្រុមជាច្រើនទៀតកំពុងប្រជែងគ្នាក្នុងចំណោមក្រុមទាំង៤០ដែលត្រូវបានបែងចែកជា៨ពូល។ ព្រឹត្តិការណ៍បាល់ទាត់ពានរង្វាន់ស្វាយរៀងខាប់ លើកទី៦ បានចាប់ផ្តើមកាលពីថ្ងៃទី២៣ ខែធ្នូ ឆ្នាំ២០២៣៕