Connect with us

កីឡា

ឆ្នាំនេះ កម្ពុជាត្រៀមប្រកួតព្រឹត្តិការណ៍កីឡាធំ៣

បានផុស

នៅ

គណៈកម្មាធិការជាតិ​អូឡាំពិក​កម្ពុជា និង​ក្រសួង​អប់រំ យុវជន និង​កីឡាត្រៀម​ខ្លួន​រៀបចំ ក៏ដូច​ជា​ចូល​រួម​ប្រកួត​ព្រឹត្តិការណ៍​សំខាន់​៣​នៅ​ក្នុង​ឆ្នាំ២០២៤​​​​ជា​ឆ្នាំ​ចន្លោះ​គ្មាន​ព្រឹត្តិការណ៍​កីឡា​ស៊ីហ្គេម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កីឡាអូឡាំពិករដូវ​ក្តៅ នៅ​ប្រទេស​បារាំង

តាម​សេចក្តីថ្លែង​ការណ៍​របស់​គណៈកម្មាធិការ​ជាតិ​អូឡាំពិក​កម្ពុជា​កាល​ពីថ្ងៃ​ទី​២ ខែ​មីនា ឆ្នាំ​២០២៤​ បាន​បង្ហាញ​ថា កម្ពុជា​​​នឹង​បញ្ជូន​ប្រតិភូ​​កីឡា​ទៅ​ចូល​រួម​ប្រកួត​កីឡាអូឡាំពិក រដូវ​ក្តៅ នៅ​ទី​ក្រុង​ប៉ារីស ប្រទេស​បារាំង ចាប់ពី​ថ្ងៃ​ទី​២៦ ខែ​កក្កដា ដល់​ថ្ងៃទី​១១ ខែ​សីហា ឆ្នាំ​២០២៤។ ទោះ​បី​ជា​យ៉ាង​ណា នៅ​មិន​ទាន់​ច្បាស់​ថា ​កម្ពុជា​នឹង​បញ្ជូន​កីឡា​ប៉ុន្មាន​ប្រភេទ​ទៅ​ចូល​រួម ពី​ព្រោះ​កីឡាអូឡាំពិក ទាល់​តែ​តែជាប់​ជម្រុះ ឬ​ឈ្នះ​មេដាយ​កីឡា​ទ្វីប​អាស៊ី​​ទើប​​មាន​សិទ្ធិ​​ចូល​រួម​ប្រកួត​បាន។

ប្រសិន​បើ​មិន​ជាប់​វគ្គ​ជម្រុះ ឬ​ឈ្នះ​មេដាយមាស​កីឡា​ទ្វីប​អាស៊ី កម្ពុជា​អាច​ចូល​រូម​​ប្រកួត​២​ប្រភេទ​កីឡា​គឺ ហែល​ទឹក និង​អត្តពលកម្ម ក្នុង​នាម​ជា​សមាជិក​បំពេញ​កាតព្វកិច្ច ពី​ព្រោះ​កីឡា​២​ប្រភេទ​ត្រូវ​ចូល​រួម​ដាច់ខាត។

កីឡា​ក្នុង​សាល និង​យុទ្ធគុន​ចម្រុះអាស៊ី​ លើក​ទី​៦

កម្ពុជា​​ត្រៀម​ខ្លួន​បញ្ជូន​ប្រតិភូ​កីឡា​ទៅ​ចូល​រួម​ប្រកួត​កីឡា​ក្នុង​សាល និង​យុទ្ធគុន​ចម្រុះអាស៊ី​ លើក​ទី​៦ (6th Asian Indoor & Martial Games 2024) ចាប់​ពី​ថ្ងៃទី២១ ដល់​ទី​៣០ ខែ​វិច្ឆិកា ឆ្នាំ​២០២៤ នៅ​ទី​ក្រុងបាំងកក ប្រទេស​ថៃ។ សម្រាប់​កីឡា​នេះ កម្ពុជា​អាច​នឹង​បញ្ជូន​ច្រើន​ប្រភេទ​កីឡា​ដើម្បី​ចូល​រួម​ប្រកួត។

ទិដ្ឋភាពពិធីបើកកីឡា​ក្នុង​សាល និង​យុទ្ធគុន​ចម្រុះអាស៊ី​ លើក​ទី​៥ នៅប្រទេសតួកមេនីស្ថាន

កីឡា​ជាតិ​លើក​ទី៤ និង​កីឡា​ជាតិ​ជន​ពិការ​លើក​ទី២

ក្រសួង​អប់រំ យុវជន និង​កីឡា និង​គណៈកម្មាធិការ​ជាតិ​អូឡាំពិក​កម្ពុជា​នឹង​រៀបចំ​ព្រឹត្តិការណ៍​ប្រកួត​ពហុកីឡា​គឺ«កីឡា​ជាតិ»​លើក​ទី​៤ និង​«កីឡា​ជាតិ​ជន​ពិការ» លើក​ទី​២ ឆ្នាំ​២០២៤ តាម​រយៈ​ចំណារអនុញ្ញាតពីសម្តេចមហាបវរធិបតី ហ៊ុន ម៉ាណែត នាយក​រដ្ឋមន្រ្តី​ នៃ​ព្រះរាជាណាចក្រ​កម្ពុជា ចុះ​ថ្ងៃ​ទី២​ ខែ​វិច្ឆិកា​ ឆ្នាំ២០២៣ ​យោងតាមលិខិតលេខ៦៥៦៥ អយក.រពកឡ ចុះថ្ងៃទី២៣ ខែតុលា ឆ្នាំ២០២៣។

គោលបំណង​នៃ​ការ​រៀបចំ​ព្រឹត្តិការណ៍​ពហុកីឡា​​នេះ​តាំង​ពី​ដំបូង​មក​គឺ​ដើម្បី​ឲ្យ​​មន្ត្រី​បច្ចេកទេស និង​ភាគី​ពាក់​ព័ន្ធ​មាន​បទ​ពិសោធ ចំណេះ​ដឹង ចំណេះ​ធ្វើ​ពី​ការ​រៀប​ចំ​ព្រឹត្តិការណ៍​កីឡា​ធំ​ៗ​ដើម្បី​រៀបចំ​ធ្វើ​ម្ចាស់​ផ្ទះ​កីឡា​ស៊ីហ្គេម​កាល​ពី​ឆ្នាំ​២០២៣។ បន្ទាប់​ពី​កីឡា​ស៊ីហ្គេម​ ឆ្នាំ​២០២៣បាន​បញ្ចប់​ កម្ពុជា​នៅ​តែ​បន្ត​រៀបចំ​ព្រឹត្តិការណ៍​កីឡា​ជាតិ​​​​​ដើម្បី​បង្កើន​បច្ចេកទេស ​បទ​ពិសោធ ចំណេះ​ដឹង ចំណេះ​ធ្វើ​​បន្ថែម​ទៀត។ ជា​ពិសេស​ដើម្បី​ត្រៀម​ខ្លួន​ធ្វើ​ម្ចាស់​ផ្ទះ​កីឡា​យុវជន​អាស៊ី ឆ្នាំ​២០២៩ នៅ​ប្រទេស​កម្ពុជា។

កម្ពុជា​ធ្លាប់​បាន​រៀបចំ​កីឡាជាតិ លើក​ទី១ ឆ្នាំ​២០១៦ លើកទី២ ឆ្នាំ​២០១៨ និង​លើក​ទី​៣ ឆ្នាំ​២០២២ ខណៈកីឡាជាតិ​ជន​ពិការ លើក​ទី​១ ឆ្នាំ​២០២២៕

អត្ថបទ៖ វីរបុត្រ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សន្តិសុខសង្គម១ ម៉ោង មុន

អាជ្ញាធរ​ខណ្ឌពោធិ៍សែនជ័យ​ ចុះ​អប់រំ​ណែនាំ​អាជីវកម្ម​ភោជនីយដ្ឋាន យីហោ​ នីរ៉ា ផាប់ បង្កសំឡេងរំខានប៉ះពាល់​ដល់​អ្នក​ជិតខាង

ព័ត៌មានជាតិ៣ ម៉ោង មុន

ក្រសួងបរិស្ថាន និងរាជបណ្ឌិត្យសភាចាប់ដៃគ្នាបណ្តុះការអនុវត្តភាពបៃតងឈានឆ្ពោះទៅជាប្រទេសអព្យាក្រឹតកាបូននៅឆ្នាំ២០៥០

ព័ត៌មានជាតិ៣ ម៉ោង មុន

កម្មករ​និយោជិត​ប្តេជ្ញា​ចិត្ត​ចូល​រួម​យុទ្ធនាការ​ផ្សព្វផ្សាយ ដើម្បី​ទប់ស្កាត់ជំងឺ​មិន​ឆ្លង​ជូន​ដល់​បង​ប្អូន​កម្មករ​និយោជិត​នៅ​តាម​សហគ្រាស គ្រឹះស្ថាន

សន្តិសុខសង្គម៣ ម៉ោង មុន

បុរស​ម្នាក់​យក​កាំភ្លើង AK បាញ់​សម្លាប់​ឪក្មេក និងម៉ែក្មេក រួចបាញ់សម្លាប់ខ្លួនឯង

ព័ត៌មានជាតិ៦ ម៉ោង មុន

អភិបាលរាជធានី ៖ ផ្លូវថ្មើជើង(Walk street) ជំហររបស់រដ្ឋបាលរាជធានី គឺបន្តធ្វើឱ្យកាន់តែល្អ ដើម្បីទាក់ទាញភ្ញៀវជាតិ-អន្តរជាតិកាន់តែច្រើន

Sokha Hotels

ព័ត៌មានពេញនិយម