កីឡា
ទើបចាញ់យប់មិញ វិសាខា ប៉ះ ភ្នំពេញក្រោន ទៀតថ្ងៃទី៦មីនានេះ
ម្ចាស់ជើងឯក៣សម័យកាល វិសាខា នឹងបើកទ្វារផ្ទះរបស់ខ្លួនទៀតដើម្បីទទួលភ្ញៀវល្អ ភ្នំពេញក្រោន វេលាម៉ោង៦ល្ងាច ថ្ងៃទី៦ ខែមីនា ការប្រកួតជើងទី១ វគ្គពាក់កណ្តាលផ្តាច់ព្រ័ត្រពានរង្វាន់សម្តេចតេជោ ហ៊ុន សែន រដូវកាលទី១៧។
កាលវគ្គ១៦ក្រុមចុងក្រោយ វិសាខា បានយកឈ្នះ ក្រុមខេត្តកំពង់ចាម ១-៣ ក្នុងជើងទី១ និងឈ្នះ ១២-០ ក្នុងជើងទី២ (សរុបពីរជើង១៥-១)។ វគ្គ៨ក្រុមចុងក្រោយ វិសាខា បានយកឈ្នះ ព្រៃវែង ០-១ ក្នុងជើងទី១ និងស្មើគ្នា ០-០ ក្នុងជើងទី២។
ដូចគ្នានេះដែរ ភ្នំពេញក្រោន បានយកឈ្នះក្រុមខេត្តត្បូងឃ្មុំ ១-២ ក្នុងជើងទី១ និងឈ្នះ ៩-០ ក្នុងជើងទី២ (សរុបពីរជើង ១១-១)។ វគ្គ៨ក្រុមចុងក្រោយ ភ្នំពេញក្រោន បានឈ្នះ គិរីវង់សុខសែនជ័យ ០-២ ក្នុងជើងទី១ និងឈ្នះ ១-០ ក្នុងជើងទី២ (សរុបពីរជើង ៣-០)។
ជួបគ្នា៤លើកក្នុងរដូវកាលនេះ វិសាខា ពិតជាពិបាកខ្លាំងមែនទែនដោយបានចាញ់ភ្នំពេញក្រោនទាំង៤លើក។ ជួបគ្នាពានរង្វាន់បើករដូវកាលពានរង្វាន់ Cambodian Super Cup ភ្នំពេញក្រោន បានយកឈ្នះ ២-១។ ៣លើកក្នុងលីគបាល់ទាត់កម្ពុជារដូវកាលនេះ វិសាខា បានចាញ់ ០-១ ក្នុងជើងទី១, ចាញ់ ៣-១ ក្នុងជើងទី២ និងជើងទី៣ចាញ់ ១-៣។
នៅថ្ងៃទី៦ ខែមីនានេះ ពួកគេត្រូវជួបគ្នាលើកទី៥ ជើងទី១ ពានរង្វាន់សម្តេចតេជោ ហ៊ុន សែន ២០២៣-២៤ វគ្គពាក់កណ្តាលផ្តាច់ព្រ័ត្រ។ វិសាខា ជាម្ចាស់ជើងឯកពានរង្វាន់សម្តេចតេជោ៣រដូវកាលជាប់គ្នាគឺឆ្នាំ២០២០ ២០២១ និង២០២២។ ឥឡូវនេះពួកគេត្រូវធ្វើការធ្ងន់មែនទែន បន្ទាប់ពីពានរង្វាន់នេះអនុញ្ញាតឲ្យប្រើប្រាស់កីឡាករបរទេសដូចការប្រកួតលីគ។
ប្រសិនបើធ្វើមិនបានល្អទៀត វិសាខា អាចប្រឈមអត់ឈ្នះពានរង្វាន់ណាមួយក្នុងរដូវកាលនេះ។ នៅលីគកំពូលកម្ពុជា ពួកគេកំពុងឈរលេខ៣ តាមពីក្រោយក្រុមលេខ១ព្រះខ័នរាជស្វាយរៀងដល់ទៅពិន្ទុ២១ពិន្ទុ ខណៈការប្រកួតជុំទី១នៅសល់៤ប្រកួត និងជុំទី៤ (ក្រុម Top 4) មាន៣ប្រកួតទៀត។ ដូច្នេះមានភាគរយតិចតូចដែលវិសាខានៅមានឱកាសប្រជែងជើងឯកលីគកំពូលកម្ពុជា។
វិសាខា ត្រូវប្រឹងប្រែងដើម្បីពានរង្វាន់សម្តេចតេជោ ហ៊ុន សែន ដែលខ្លួនជាក្រុមការពារតំណែងជើងឯកឆ្នាំចាស់ ប៉ុន្តែការប៉ះភ្នំពេញក្រោនពិតជាពិបាកសម្រាប់ពួកគេ។
ជាមួយគ្នានេះ បឹងកេត ក៏ត្រូវបើកទ្វារផ្ទះរបស់ខ្លួនទទួលក្រុមខ្លាំងព្រះខ័នរាជស្វាយរៀង វេលាម៉ោង៦ល្ងាច ថ្ងៃទី៦ ខែមីនា ឆ្នាំ២០២៤ វគ្គពាក់កណ្តាលផ្តាច់ព្រ័ត្រពានរង្វាន់មសម្តេចតេជោ ហ៊ុន សែន ដែរ៕
អត្ថបទ៖ វីរបុត្រ
រហូតដល់ពេលនេះ មីយ៉ាន់ម៉ារកឃើញអ្នកស្លាប់និងរបួសជិត៩០០នាក់ក្នុងគ្រោះរញ្ជួយដី
ក្រុមហ៊ុនបច្ចេកវិទ្យាទំនើបចិន ប្ដេជ្ញាជំរុញកម្មវិធីសិក្សា TVET កម្ពុជា ឱ្យស្របតាមស្តង់ដារសិក្សានៃប្រទេសចិន និងអាល្លឺម៉ង់
មន្ត្រីក្រសួងសេដ្ឋកិច្ច ៖ ម្ចាស់អាជីវកម្ម ដែលប្រឈមហានិភ័យ ត្រូវមានធានារ៉ាប់រងសម្រាប់អាជីវកម្មខ្លួន
តើគ្រោះរញ្ជួយដីកើតនៅមីយ៉ាន់ម៉ាប៉ះពាល់និងជះឥទ្ធិពលដល់ណាខ្លះ?
អ្នកនាំពាក្យ៖ បុគ្គលិកដែលរត់ចេញពីអគារខ្ពស់ៗ ព្រោះខ្លាចករណីរញ្ជួយដីពេលនេះត្រឡប់ចូលអគារវិញធម្មតា
-
ព័ត៌មានអន្ដរជាតិ៨ ម៉ោង agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៤ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ៣ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានជាតិ១៨ ម៉ោង agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
កីឡា១ សប្តាហ៍ agoកញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ agoតើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?