កីឡា

ទោះជាប់បម្រាម សមិទ្ធផលរបស់ក្រុមបាល់ទះរុស្សីនៅតែដក់ក្នុងចិត្តអ្នកគាំទ្រ

បានផុស

១១ ខែ មុន

នៅ

ថ្ងៃចន្ទ ១១ មីនា ២០២៤

ដោយ

ក្រុមបាល់ទះជម្រើសជាតិរុស្សីបានជាប់បម្រាមចូលរួមប្រកួតព្រឹត្តិការណ៍ធំៗ និងត្រូវបានដកពីតារាងចំណាត់ថ្នាក់បាល់ទះពិភពលោកពាក់ព័ន្ធនឹងសង្គ្រាមនៅអ៊ុយក្រែន ខណៈពិន្ទុនិងចំណាត់ថ្នាក់របស់ពួកគេបានជាប់គាំងចាប់តាំងពីខែតុលា ឆ្នាំ២០២២។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គណៈកម្មាធិការអូឡាំពិកអន្តរជាតិ បានសម្រេចកាលពីខែមីនាថា អត្តពលិកមកពីប្រទេសរុស្ស៊ី គួរតែត្រូវបានអនុញ្ញាតឱ្យត្រឡប់មកចូលរួមការប្រកួតវិញក្នុងនាមជាអត្តពលិកអព្យាក្រិត ប្រសិនបើពួកគេមិនគាំទ្រសង្គ្រាមក្នុងប្រទេសអ៊ុយក្រែន និងមិនមានទំនាក់ទំនងជាមួយក្រុមយោធា។

រុស្ស៊ីត្រូវបានផ្អាកពីការប្រកួតអន្តរជាតិដោយសហព័ន្ធកីឡាបាល់ទះពិភពលោក (FIVB) ចាប់តាំងពីខែមីនា។ ពួកគេស្ថិតនៅលេខ៥ ក្នុងចំណាត់ថ្នាក់ពិភពលោក FIVB មុនត្រូវបានដកឈ្មោះចេញ។ រឿងគួរឲ្យសោកស្តាយក្នុងការប្រកួតព្រឹត្តការណ៍ការអូឡាំពិកវគ្គជម្រុះនៅទីក្រុងប៉ារីសឆ្នាំ២០២៤ ក្រុមបាល់ទះរុស្ស៊ីមិនមានសិទ្ធិចូលរួមទេ។ ទោះបីជាប់បម្រាម ប៉ុន្តែអ្នកគាំទ្របាល់ទះនៅតែកោតសរសើរដល់សមិទ្ធផលរបស់ក្រុមបាល់ទះរុស្ស៊ី ដែលសម្រេចបានក្នុងប្រវត្តិសាស្ត្រ។

ក្រុមបាល់ទះជម្រើសជាតិរុស្ស៊ីជាប្រទេសឈានមុខគេដែលសម្រេចបានសមិទ្ធផលច្រើន។ ពួកគេបានឈ្នះមេដាយសរុបចំនួន៨៦គ្រឿង ពីការចូលរួមប្រកួតព្រឹត្តិការណ៍អន្តរជាតិធំៗ១១ផ្សេងគ្នា។ អ្នកគាំទ្របាល់ទះពិតជាកោតសរសើរ ចំពោះសមត្ថភាពរបស់កីឡាករបាល់ទះរុស្ស៊ី គ្រប់ជំនាន់ដែលសំបូរធនធានបាល់ទះ។ ដូច្នេះហើយបានជាសហព័ន្ធកីឡាបាល់ទះអន្តរជាតិបានចាត់ទុករុស្ស៊ីជាអ្នកបន្តកេរ្តិ៍មរតកនៃកំណត់ត្រាសហភាពស៊ូវៀត (១៩៤៨-១៩៩១) និងរដ្ឋឯករាជ្យ Commonwealth (១៩៩២)។