Connect with us

កីឡា

ប្លែក! បារាំង​គ្រោងប្រើទូក១៨០​គ្រឿងបើកកីឡាអូឡាំពិក២០២៤លើទឹកទន្លេ

បានផុស

នៅ

​បារាំង​បាន​ក្លាយ​ជា​ប្រទេស​ដំបូង​គេ​បង្អស់​ក្នុង​ប្រវត្តិ​សាស្ត្រ​កីឡា​អូឡាំពិក​ដែល​គ្រោង​រៀប​ចំ​ពិធី​បើក​នៅ​លើ​ផ្ទៃទឹក​ទន្លេ​សេន​​ជា​មួយ​នឹង​ទូក​​ចំនួន​១៨០​គ្រឿង​។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រដ្ឋមន្ត្រី​ក្រសួង​មហាផ្ទៃបារាំង លោក Gérald Darmanin បាន​ប្រាប់​ថា គណៈកម្មាធិការ​រៀបចំ​ការ​ប្រកួត​គ្រោង​រៀបចំ​ទូក​ចំនួន​១៨០​សម្រាប់​ក្បួន​ដង្ហែ​​​បើក​ព្រឹត្តិការណ៍​ជា​ផ្លូវ​ការ។ ក្នុង​នោះ​ទូក​ចំនួន​៩៤​ត្រូវ​បាន​ប្រើ​ប្រាស់​សម្រាប់​ដឹក​ជញ្ជូន​អត្តពលិក និង​ប្រតិភូ ខណៈ​​៨៦​ទូក​ទៀត​ប្រើ​សម្រាប់​សន្តិសុខ និង​ក្រុម​ការងារ​បច្ចេកទេស។

តាម​ការ​គ្រោង​ទុក ​អ្នក​ចូល​រួម​ទស្សនា​ផ្ទាល់​នៅ​មាត់​ទន្លេ​សេន​​​ចំនួន​ ៣២៦ ០០០​នាក់ ក្នុង​នោះ​ ១០៤ ០០០នាក់នៅជាន់ក្រោម​​ត្រូវ​ទិញ​សំបុត្រចូល​រួម​ និង ​​២២២ ០០០​នាក់​​​ទៀត នៅ​ជាន់​លើ​​ត្រូវ​ទទួល​សំបុត្រ​ដោយ​ឥត​គិត​ថ្លៃ។ ក្រៅ​ពី​អ្នក​ចូល​រួម​ទស្សនា​ផ្ទាល់​ជាង​៣០​ម៉ឺន​នាក់​នេះ​ ក៏​មាន​អ្នក​ទស្សនា​ចេញ​ពី​អគារ​តាម​ទន្លេ​សង​ខាង​ចន្លោះ​ពី​៥០​ទៅ​៦០​ម៉ឺន​នាក់​។

តាម​ការ​កំណត់​ពិធី​បើក​ជា​ផ្លូវ​ការ​នៅ​ថ្ងៃ​ទី២៦ ខែ​កក្កដា និង​បិទ​បញ្ចប់​នៅ​ថ្ងៃ​ទី​១១ ខែ​សីហា ដែល​មាន​កីឡា​៣២​ប្រភេទ ស្មើ​នឹង​៣២៩​វិញ្ញាសា៕

ប្រែ​សម្រួល៖ វីរបុត្រ
ប្រភព៖ insidethegames

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម