កីឡា
ហុកគី រៀបចំការប្រកួតជើងឯកថ្នាក់ជាតិជាលើកដំបូង
សហព័ន្ធកីឡាហុកគីកម្ពុជា នឹងរៀបចំការប្រកួតជើងឯកថ្នាក់ជាតិប្រចាំឆ្នាំ ២០២០ ដែលតាមការគ្រោងទុក ការប្រកួតនឹងធ្វើនៅថ្ងៃទី២៨ ខែកុម្ភៈ ឆ្នាំ២០២១ នៅពហុកីឡដ្ឋានជាតិមរតកតេជោ ស្ថិតនៅខណ្ឌជ្រោយចង្វារ រាជធានីភ្នំពេញ។
លោក វ៉ាត់ ចំរើន ប្រធានសហព័ន្ធកីឡាហុកគីកម្ពុជា បានឲ្យដឹងថា ការប្រកួតកីឡាហុកគីជ្រើសរើសជើងឯកថ្នាក់ជាតិប្រចាំឆ្នាំ២០២០នេះ ត្រូវបានធ្វើឡើងស្របតាមផែនការសកម្មភាពការងារប្រចាំឆ្នាំ២០២០ របស់សហព័ន្ធដោយការទទួលចុះឈ្មោះចូលរួមប្រកួតប្រជែងមេដាយរបស់ក្លិប សមាគម ក្រសួងស្ថាប័នរាជធានីខេត្ត នៅតែបន្តទទួលរហូតដល់ថ្ងៃទី២០ ខែកុម្ភៈ ឆ្នាំ២០២១នៅទីស្នាក់ការសហព័ន្ធ នៃទីស្នាក់ការគណៈកម្មាធិការជាតិអូឡាំពិកកម្ពុជា(NO CC)។ ចំពោះការចំណាយលើការស្នាក់នៅ ហូបចុក និង ការធ្វើដំណើរ ជាបន្ទុករបស់សាមីក្លិប-សមាគម ។
លោក កាំង សុធា អគ្គលេខាធិការសហព័ន្ធកីឡាហុកគីកម្ពុជាបានអះអាងថា ការប្រកួតជើងឯកថ្នាក់ជាតិនេះ ទើបតែបានរៀបចំជាលើកដំបូងទេទោះបីជាប្រភេទកីឡាហុកគីនេះ ធ្លាប់បានរៀបចំការប្រកួតក្នុងស្រុក និងធ្លាប់បានចេញទៅប្រកួតលើឆាកអន្តរជាតិនានា នាពេលកន្លងមកក្តី ។
លោកបញ្ជាក់ថា ការប្រកួតជើងឯកថ្នាក់ជាតិលើកទី១នេះ សហព័ន្ធប្រើប្រាស់ថវិកាខ្លួនឯងផ្ទាល់ ព្រោះសហព័ន្ធមិនធ្លាប់ទទួលបានកញ្ចប់ថវិកាគាំទ្រពីក្រសួងអប់រំយុវជន និង កីឡាដូចសហព័ន្ធនានានោះទេ។ ការប្រកួតនេះ មាន៥ក្រុមចូលរួម ដែលមកពី៣រាជធានី-ខេត្ត ដោយ៣ក្លិបស្ថិតនៅរាជធានីភ្នំពេញ និង២ក្លិបទៀតមកពីខេត្តកំពង់ធំ និងខេត្តកំពង់ចាម ។ លោកសុធាបន្ថែមថា សហព័ន្ធជំនាញមួយនេះ មិនបានរៀបចំវិញ្ញាសាច្រើនឲ្យបានទូលំទូលាយពេកទេ ដោយសារតែលទ្ធភាពរបស់ខ្លួននៅមានកម្រិត ដោយរៀបចំតែលើវិញ្ញាសាហុកគីក្នុងសាលបុរស ៥នាក់ទល់៥នាក់ ហើយក្រុមទាំង៥នឹងត្រូវប្រកួតលក្ខណៈវិលជុំ។
ទោះយ៉ាងនេះក្តី នៅឆ្នាំក្រោយៗ សហព័ន្ធនឹងខិតខំរៀបចំឲ្យបានច្រើនវិញ្ញាសាទាំងបុរស-នារី ប្រភេទអាយុ និងបង្កើនក្រុមចូលរួមប្រកួតឲ្យបានច្រើនជាងនេះសម្រាប់ប្រជែងគ្នា ។ កាលណាការប្រកួតកាន់តែច្រើននោះ សិទ្ធផលកីឡាករ កីឡាការិនី កាន់តែល្អប្រសើរទៅតាមនោះដែរ។
ជាមួយគ្នានេះដែរ សហព័ន្ធបានដាក់ចេញនូវគោលការណ៍រៀបចំការប្រកួតជើងឯក ការប្រកួតពានរង្វាន់ផ្សេងៗទៀតនាពេលខាងមុខ ដើម្បីបង្កើតបាននូវធនធានបន្ថែមនិងពង្រឹងគុណភាពកាន់តែប្រសើរដែលតាមរយៈការប្រកួតជើងឯកថ្នាក់ជាតិ ដែលជាការប្រកួតប្រជែងក្នុងកម្រិតជំនាញខ្ពស់ជាងគេ នឹងអាចស្វែងរកធនធានប្រកបដោយសមត្ថភាពផងដែរ ដើម្បីជ្រើសរើសប្រមូលផ្តុំក្នុងក្រុមជម្រើសជាតិ ។ ទន្ទឹមនឹងនេះ តាមរយៈការប្រកួតនេះ ក៏ជាការបង្កើនសិទ្ធផលរបស់កីឡាករ កីឡាការិនីរបស់ខ្លួន ត្រៀមឆ្ពោះទៅប្រកួតលក្ខណៈអន្តរជាតិនានា នាពេលខាងមុខ ជាពិសេសគឺការត្រៀមឆ្ពោះទៅទទួលរៀបចំធ្វើជាម្ចាស់ផ្ទះ ស៊ីហ្គេម លើកទី៣២ ឆ្នាំ២០២៣ នៅកម្ពុជា៕
អត្ថបទ៖ វិសិទ្ធ
សូមចុចអាន៖ លោក សំហេង បុរស ជួបសំណេះសំណាលសមាជិកប្រតិបត្តិសហព័ន្ធខ្មែរ អត្តពលកម្មស្ម័គ្រចិត្ត
អាល្លឺម៉ង់ ជំរុញឲ្យចិនឈប់គាំទ្ររុស្ស៊ី ហើយងាកទៅជួយរកសន្តិភាពឲ្យអ៊ុយក្រែន
សម្បត្តិវប្បធម៌ខ្មែរចំនួន៥ ត្រូវបានចុះបញ្ជីបេតិកភណ្ឌអរូបីនៃមនុស្សជាតិក្នុងខែវិច្ឆិកា
សេវា ប.ស.ស ឬ ការព្យាបាល និងថែទាំវេជ្ជសាស្ត្រ ១៤ ប្រភេទ មិនរាប់បញ្ចូលក្នុងរបបសន្តិសុខសង្គមផ្នែកថែទាំសុខភាពទេ
គម្រោងពង្រីកកំណាត់ផ្លូវជាតិលេខ ៧ ចំណាយថវិកាជាង ១០០ លានដុល្លារ សម្រេចបានការសាងសង់ជិត ៣០ ភាគរយ
សកម្មភាពក្រុមក្មេងទំនើងមានភាពស្ងប់ស្ងាត់បន្ទាប់ពីអាជ្ញាធរប្រតិបត្តិការបង្ក្រាបជាប្រចាំ
រឿងអស្ចារ្យមួយទៀត! ក្រុមនារីកម្ពុជា ទទួលបានកៅអី ASEAN Women’s Championship 2025
នាយ តាក់ស៊ី មានសង្ឃឹមខ្លះហើយ ខណ:ថ្នាក់ដឹកនាំនិងសប្បុរសជន ឧបត្ថម្ភថវិកាសង្គ្រោះជីវិត
ត្រាំ ព្រមានក្រុមហាម៉ាស ថា នឹងជួបអាសន្នធំ បើមិនដោះលែងចំណាប់ខ្មាំង មុនគាត់ចូលកាន់តំណែង
Royal Group Funds នឹងកៀរគរទុន២០០លានដុល្លារតាមរយៈគម្រោងវិនិយោគរួម
ថៃព្រមានពីភ្លៀងធ្លាក់ខ្លាំងថែមទៀត ខណៈអ្នកស្លាប់ព្រោះទឹកជំនន់កើនដល់ ២២នាក់
-
ព័ត៌មានជាតិ៣ ថ្ងៃ agoស្ពានដីឥដ្ឋ-ថ្មគរ នៅកៀនស្វាយឆ្លងទន្លេភ្ជាប់ទៅផ្លូវល្បឿនលឿនភ្នំពេញបាវិត ចាប់ផ្តើមចុះគ្រឿងចក្របើកការដ្ឋានសាងសង់
-
សន្តិសុខសង្គម៥ ថ្ងៃ agoផ្អើលទូងស្គរកណ្ដាលយប់នៅវត្តពោធិ៍ញ្ញាណ ខណៈមានសង្ឃ ២ អង្គ ឆាន់ស្រាក្នុងកុដិ
-
សេដ្ឋកិច្ច៥ ថ្ងៃ agoព្រលានយន្តហោះអន្តរជាតិតេជោសាងសង់បាន ៩២% ចំណាយថវិកាអស់ជាង ១,៣ ពាន់លានដុល្លារ
-
ជីវិតកម្សាន្ដ៣ ថ្ងៃ agoសុខោទ័យ អ្នកនិពន្ធបទ«សែកមន្ដ» ចេញបញ្ជាក់ពីការសហការប្រគល់សិទ្ធិ ក្នុងការផលិតបទ”សែកមន្ត”ជាមួយGalaxy Navatra
-
ជីវិតកម្សាន្ដ១ សប្តាហ៍ agoL-D-A ចេញបទចម្រៀង « អូសវ៉ាលី » មិនបានប៉ុន្មានផងមានអ្នកល្បីៗយកទៅ Reaction ទូទាំងប្រទេស !
-
សេដ្ឋកិច្ច២ ថ្ងៃ agoក្រុមហ៊ុន Royal Railway បញ្ជាទិញទូរថភ្លើងដឹកទំនិញ ៦០ គ្រឿងបន្ថែមទៀតពីប្រទេសចិន
-
ព័ត៌មានជាតិ១ ថ្ងៃ agoឃ្លាំងស្តុកដំឡូងមី ដែលប្រមូលទិញពីកសិករក្នុងស្រុកកែវសីមា ត្រូវបង្ខំចិត្តបិទទ្វារ ដោយសារបញ្ហាដឹកជញ្ជូន
-
បច្ចេកវិទ្យា១ សប្តាហ៍ agoស្មាតហ្វូនដែលបំពាក់កាមេរ៉ាល្អដាច់គេ OPPO Find X8 Series ដាក់សម្ពោធហើយនៅប្រទេសកម្ពុជា