កីឡា

កីឡាករបាល់ទាត់ វៀតណាម ៥ រូប ជាប់ឈ្មោះជាប្រុសសង្ហា និងមានជីវិតរស់នៅយ៉ាងប្រណិត

បានផុស

១១ ខែ មុន

នៅ

ថ្ងៃពុធ ១៣ មីនា ២០២៤

ដោយ

គ្រូបង្វឹក Philippe Troussier ទើបតែបានប្រកាសបញ្ជីឈ្មោះកីឡាករចំនួន ៣៣ នាក់ របស់ក្រុមជម្រើសជាតិវៀតណាម ដើម្បីត្រៀមប្រកួតជាមួយក្រុមឥណ្ឌូណេស៊ី ក្នុងវគ្គជម្រុះ World Cup ឆ្នាំ ២០២៦ នៅថ្ងៃទី ២១ ខែមីនា និងថ្ងៃទី ២៦ ខែមករា។

បើយោងតាមការចុះផ្សាយពីកាសែតក្នុងប្រទេសវៀតណាម soha.vn បានគូសបញ្ចាក់ថា អ្វីដែលជាការកត់សម្គាល់ ក្នុងចំណោមបញ្ជីក្រុមកីឡាករជាច្រើន មាន៥រូបត្រូវបានគេចាត់ទុកថាជាបុរសសង្ហាបំផុតប្រចាំវិស័យកីឡាក្នុងប្រទេស ខណៈម្នាក់ៗកំពុងប្រើជីវិតយ៉ាងប្រណិត ព្រមទាំងរស់នៅក្នុងជីវិតមានទ្រព្យធនចាយមិនខ្វះនោះទេ។

១ Đỗ Duy Mạnh

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងតំណែងលេខ១ គឺគ្មាននរណាក្រៅពី Do Duy Manh ឡើយ។ ខ្សែបម្រើរូបនេះត្រូវបានអ្នកគាំទ្រស្រលាញ់តាំងពីសម័យ U19 និង U23 វៀតណាម។ Duy Manh កើតក្នុងឆ្នាំ ១៩៩៦ ហើយបច្ចុប្បន្នកំពុងលេងឲ្យក្លឹប Hanoi ។ កីឡាកររូបនេះក៏ត្រូវបានគេស្គាល់ថាមានទ្រព្យសម្បត្តិដ៏ច្រើនក្រាស់ក្រែល ដោយរស់នៅក្នុងផ្ទះវីឡាស្តកស្តម បើកឡានទំនើបៗ ហើយតែងតែធ្វើដំណើរកម្សាន្តយ៉ាងប្រណីតជាមួយគ្រួសារជារឿយៗ។

២ Bùi Hoàng Việt Anh

Bui Hoang Viet Anh ជាមុខមាត់របស់ក្រុមវៀតណាម ដែលមិនត្រឹមតែសង្ហាប៉ុណ្ណោះទេ ថែមទាំងមានកម្ពស់១ម៉ែត្រ៨៥ផងដែរ។ កីឡាករបាល់ទាត់រូបនេះ បច្ចុប្បន្នកំពុងតែលេងឲ្យក្លឹប CAHN ហើយរូបគេផ្ទាល់ តែងតែទទួលបានការចាប់អារម្មណ៍យ៉ាងខ្លាំងពីហ្វេនស្រីៗជានិច្ច។

៣ Nguyễn Thanh Bình

ខ្សែការពារ Nguyen Thanh Binh ទើបតែទទួលបានភាពល្បីល្បាញលើមុខមាត់ក្នុងប៉ុន្មានឆ្នាំថ្មីៗនេះ នៅលើក្រុមវៀតណាម។ កីឡាករដែលកើតក្នុងឆ្នាំ ២០០០ Thanh Binh កំពុងលេងឲ្យក្លឹប Viettel ។ ខ្សែការពាររូបនេះមិនត្រឹមតែមានរូបសង្ហាមួយមុខនោះទេ ដងខ្លួនដ៏ស័ក្តិសមរបស់គេបានទាក់ទាញការចាប់អារម្មណ៍យ៉ាងភ្លូកទឹកភ្លូកដីពីសំណាក់អ្នកគាំទ្រស្រីៗ។

៤ Phan Tuấn Tài

ខ្សែការពា Phan Tuan Tai បច្ចុប្បន្ននេះលោកកំពុងលេងឲ្យក្លឹប Viettel ។ បុរសសង្ហារូបនេះ មិនខុសពី Minh Trong នោះទេ លោកក៏កំពុងក្លាយជាសសរស្តម្ភរបស់ក្រុមវៀតណាម ក្រោមការបង្វឹករបស់លោក Troussier ។ លើសពីនេះ កីឡាករកើតក្នុងឆ្នាំ ២០០១ ត្រូវបានអ្នកគាំទ្រជាច្រើនដាក់រហស្សនាមថា ជាព្រះនៃបុរសសង្ហារបស់ក្រុមថែមទៀតផង។

៥ Võ Minh Trọng

ខ្សែការពារ Vo Minh Trong កើតក្នុងឆ្នាំ ២០០១ មកពីទីក្រុង Can Tho បច្ចុប្បន្នកំពុងលេងឲ្យក្លឹប Binh Duong ហើយជាមិត្តរួមក្រុមរបស់ Que Ngoc Hai, Nguyen Tien Linh, Minh Trong និងជាមុខមាត់លេចធ្លោរបស់ក្រុមវៀតណាម។ ចាប់តាំងពីគ្រូបង្វឹក Troussier ចូលកាន់តំណែង កីឡាកររូបនេះបានបង្ហាញខ្លួនក្នុងក្រុមជម្រើសជាតិជាបន្តបន្ទាប់។ អ្វីដែលជាការចាប់អារម្មណ៍ខ្លាំងមិនត្រឹមតែមានរូបរាងសង្ហាមួយមុខនោះទេ Vo Minh Trong ត្រូវស្រីៗចាត់ទុកថាជាបុរសមានទឹកមុខសុភាពនិងគួរឲ្យគោរបំផុត៕

អត្ថបទ៖ សាង ស្រីល័ក្ខ

ចុចអាន៖ទិនហ្វី យកកីឡាការិនីចាំទីចិនមួយរូប មកសម្ដែងក្នុងរឿង “បាល់ទាត់សៅលីង” វគ្គ២