Connect with us

កីឡា

អ្នកចាត់ការព្រះខ័នរាជស្វាយរៀងប្រាប់មូលហេតុបន្តកុងត្រាលោកគ្រូ Muñoz 

បានផុស

នៅ

លោក Christopher Grant អ្នកចាត់ការ​ទូទៅ​ក្លិប​ព្រះខ័នរាជស្វាយរៀង បានបង្ហាញពីការសប្បាយចិត្ត ក្រោយលោក Pep Muñoz ជា​គ្រូ​បង្វឹក​បាន​​សម្រេចបន្ដកុងត្រាថ្មីជាមួយក្លិប ដោយមិនមានភាពស្ទាក់ស្ទើរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បន្ទាប់ពីចូលរួមជាមួយក្រុមព្រះខ័នរាជស្វាយរៀងអស់រយៈពេលជាង១០ខែ លោក Pep Muñoz បាន​ធ្វើ​ឲ្យអ្នក​គាំទ្រ​និង​ថ្នាក់ដឹកនាំពេញចិត្តយ៉ាងខ្លាំង​ចំពោះ​សមត្ថភាពដឹកនាំក្រុមរបស់លោក។ សម្រាប់រដូវកាលដំបូង លោក​គ្រូបង្វឹកសញ្ជាតិអេស្ប៉ាញវ័យ៤៤ឆ្នាំ ទទួល​បានសេចក្ដីទុកពី​ថ្នាក់ដឹកនាំ​ក្លិបឲ្យចូលកាន់តំណាងក្នុងនាមជាគ្រូបង្វឹក បន្ទាប់ពីលោក Conor Nestor អតីតគ្រូបង្វឹក​បានផ្លាស់ទៅដឹកនាំក្រុមនៅក្នុងប្រទេសឥណ្ឌា។

លោក Christopher Grant បានលើក​ឡើង​ថា ៖«យើងរីករាយណាស់​ដែល Pep បន្តកិច្ចសន្យាជាមួយក្លិប។ ចាប់តាំងពីលោក Pep បានមកដល់កាលពី១០ខែមុនគឺ​មាន​ការផ្លាស់ប្តូរ​យ៉ាង​រលូន។ ជាលទ្ធផលនៃការរួមបញ្ចូលគ្នានៃគុណភាព បទពិសោធន៍ និងបុគ្គលិកលក្ខណៈរបស់ Pep ក៏ដូចជារចនាសម្ព័ន្ធក្លិប​ ការគ្រប់គ្រង និងបរិយាកាសជុំវិញខ្លួន យើងពិតជាធ្វើបានល្អ»។

បច្ចុប្បន្ន កីឡាករ និង​ថ្នាក់​ដឹក​​ក្លិបព្រះខ័នរាជស្វាយរៀង​កំពុងពេញចិត្តពី​របៀបដឹក​នាំរបស់លោក Pep Muñoz ដោយសារ​លោក​មាន​បទពិសោធ​​ជិត​២០​ឆ្នាំ​​ទាំង​​នៅតំបន់អឺរ៉ុប និង​អាស៊ី​ដូច​ជា​នៅ​ប្រទេស​ចិន​មុន​ពេល​មក​កម្ពុជា។

លោក Christopher Grant បានបន្ថែមថា ៖«វាច្បាស់ណាស់ក្នុងការមើលឃើញពីលទ្ធផល និងការបង្ហាញទម្រង់លេងដ៏ល្អ រហូតមកដល់ពេលនេះ។ កីឡាករកំពុងរីករាយ​ជាមួយគាត់ ហើយក្លិបពិតជារីករាយ​។ យើងនៅតែឆ្ពោះទៅរកគោលដៅ​​ក្នុង​រដូវកាលនេះ។ លោក Pep បន្ត​ដឹក​នាំ​សម្រាប់​រដូវកាល ២០២៤/២០២៥ យើងទន្ទឹងរង់ចាំដើម្បីបន្តអភិវឌ្ឍលើទីលាន និងទទួលបាន​ជោគជ័យបន្ថែមទៀត»៕


អត្ថបទ៖ ផា រតនា

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ២៤ វិនាទី មុន

​​រហូត​ដល់​ពេល​នេះ មីយ៉ាន់​ម៉ារកឃើញ​អ្នក​ស្លាប់​​​និងរបួស​ជិត​៩០០​នាក់​ក្នុងគ្រោះរញ្ជួយដី​

ព័ត៌មានជាតិ២ ម៉ោង មុន

ក្រុមហ៊ុន​បច្ចេកវិទ្យា​ទំនើប​​ចិន ប្ដេជ្ញា​ជំរុញ​កម្មវិធី​សិក្សា TVET កម្ពុជា ឱ្យ​ស្រប​តាមស្តង់ដារ​សិក្សា​នៃ​ប្រទេសចិន និងអាល្លឺម៉ង់

ព័ត៌មានជាតិ៣ ម៉ោង មុន

មន្ត្រីក្រសួងសេដ្ឋកិច្ច ៖ ម្ចាស់​អាជីវកម្ម ដែលប្រឈមហានិភ័យ ត្រូវ​មាន​ធានារ៉ាប់រង​សម្រាប់​អាជីវកម្ម​ខ្លួន

ព័ត៌មានអន្ដរជាតិ៥ ម៉ោង មុន

​​តើគ្រោះ​​រញ្ជួយដី​កើត​នៅ​មីយ៉ាន់​ម៉ា​​​ប៉ះពាល់​និង​ជះឥទ្ធិពលដល់​ណាខ្លះ?​

ព័ត៌មានជាតិ៥ ម៉ោង មុន

អ្នកនាំពាក្យ៖ បុគ្គលិកដែលរត់ចេញពីអគារខ្ពស់ៗ ព្រោះខ្លាចករណីរញ្ជួយដីពេលនេះត្រឡប់ចូលអគារវិញធម្មតា

Sokha Hotels

ព័ត៌មានពេញនិយម