កីឡា

វ័យទើប២៣ឆ្នាំ Kuroda គ្រងខ្សែក្រវាត់ K-1 ៣គ្រឿង

បានផុស

១១ ខែ មុន

នៅ

ថ្ងៃចន្ទ ១៨ មីនា ២០២៤

ដោយ

ក្នុងវ័យទើប២៣ឆ្នាំ ប៉ុន្តែសមត្ថភាពមិនធម្មតា កីឡាករប្រដាល់ឃីកបុកសុីងជប៉ុន Toma Kuroda កំពុងគ្រងខ្សែក្រវាត់៣គ្រឿងនៅស្ថាប័នឃីកបុកស៊ីងពិភពលោក K-1។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កីឡាករ Toma កើតនៅថ្ងៃទី៣១ ខែធ្នូ ឆ្នាំ២០០០ ជាអ្នកប្រដាល់សេរីជប៉ុនដែលបច្ចុប្បន្នកំពុងប្រកួតនៅស្ថាប័ន K-1។ រូបគេជាម្ចាស់ខ្សែក្រវាត់៣គ្រឿងគឺ K-1 Bantamweight, K-1 Japan Bantamweight Grand Prix ឆ្នាំ២០២១ និង K-1 World Bantamweight Grand Prix ឆ្នាំ២០២២។

កីឡាករ Kuroda បានបង្ហាញខ្លួនជាអាជីពដំបូងជាមួយកីឡាករ Yuta Kuwata នៅក្នុងកម្មវិធី KHOS 4។ ពេលនោះរូបគេបានឈ្នះការប្រកួតដោយការផ្តួលដៃគូក្នុងទឹកទី១។ បន្ទាប់មករូបគេត្រូវបានរៀបចំឲ្យប្រកួតជាមួយកីឡាករ KING Tsubasa នៅក្នុងកម្មវិធី DEEP KICK 38 ជាលទ្ធផលរូបគេបន្ដឈ្នះការប្រកួត។

ចូលឆ្នាំ២០២០ Kuroda ត្រូវបានរៀបចំឲ្យចូលរួមប្រកួតក្នុងព្រឹត្តិការណ៍ Krush Bantamweight។ ពេលនោះរូបគេត្រូវជួបកីឡាករ Kazuma Takuda នៅកម្មវិធី Krush 118 ប៉ុន្តែរូបគេបានចាញ់ការប្រកួតដោយពិន្ទុ។

ឆ្នាំ២០២១ នៅក្នុងការប្រកួតវគ្គផ្តាច់ព្រ័ត្រដណ្ដើមខ្សែក្រវាត់ K-1 Bantamweight រូបគេបានធ្វើឲ្យអ្នកគាំទ្រភ្ញាក់ផ្អើលតាមរយៈការផ្ដួល Kazuki Miburo ជាម្ចាស់ខ្សែក្រវាត់ Krush Banatamweight ដោយប្រើពេលត្រឹមតែ៣១វិនាទី ហើយបានក្លាយជាម្ចាស់ខ្សែក្រវាត់ K-1 Bantamweight។ នៅខែធ្នូ ឆ្នាំ២០២១ Kuroda ត្រូវបានរៀបចំឲ្យជាមួយកីឡាករ Miburo ម្ដងទៀតដើម្បីសងសឹក ក្នុងកម្មវិធី K-1 World GP Japan ប៉ុន្តែរូបគេនៅតែរក្សាបានជ័យជម្នះ។

នៅថ្ងៃទី៣ ខែធ្នូ ឆ្នាំ២០២២ កីឡាករ Kuroda បានឈានទៅវគ្គផ្តាច់ព្រ័ត្រខ្សែក្រវាត់ K-1 World GP ហើយត្រូវប៉ះ Issei Ishii សម្រាប់ទម្ងន់៥៣គីឡូក្រាមជាលើកដំបូង។ រូបគេបានឈ្នះការប្រកួត និងបានក្លាយជាម្ចាស់ខ្សែក្រវាត់។ នៅក្នុងសន្និសីទសារព័ត៌មានក្រោយការប្រកួត Kuroda បានប្រាប់ថា រូបគេបានរបួសដៃតាំងពីការប្រកួតវគ្គ៨នាក់ ប៉ុន្តែបានតស៊ូព្យាយាមរហូតទទួលបានជោគជ័យ៕

អត្ថបទ៖ ផា រតនា