កីឡា

Dave Leduc ប្រាប់ថា នឹងប្រកាសដំណឹងល្អឆាប់ៗនៅកម្ពុជា

បានផុស

៣ ខែ មុន

នៅ

ថ្ងៃអង្គារ ១៩ មីនា ២០២៤

ដោយ

កីឡាករកាណាដា-មីយ៉ាន់ម៉ា Dave Leduc បានធ្វើដំណើរមកដល់ប្រទេសកម្ពុជាប្រមាណ៥ថ្ងៃហើយ ប៉ុន្តែរូបគេមិនទាន់បង្ហាញឲ្យដឹងពីការងារអ្វីដែលគេកំពុងធ្វើនៅកម្ពុជានោះទេ។ អ្វីដែលអ្នកគាំទ្រចាប់អារម្មណ៍ជាបឋមគឺពាក់អាវធំដែលមានរូបភាពកីឡាករកម្ពុជា ព្រំ សំណាង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅរសៀលថ្ងៃទី១៩ ខែមីនា ឆ្នាំ២០២៤ Dave Leduc បានប្រាប់ថា រូបគេបានមកដល់ប្រទេសកម្ពុជាដ៏ស្រស់ស្អាត។ រូបគេតែងតែសប្បាយចិត្តនៅពេលឃើញអ្នកគាំទ្រនៅខ្មែរដែលចូលចិត្ត។ រូបគេទទួលបានការសរសើរយ៉ាងច្រើនពីឈុតអាវធំដែលមានរូបភាពជនរងគ្រោះចុងក្រោយរបស់ខ្លួននៅលើអាវ។

កីឡាករដែលបានប្រកាសចូលនិវត្តន៍កាលពីចុងឆ្នាំ២០២៣បាននិយាយថា ៖«ខ្ញុំបានឮថា មានអ្នកសារព័ត៌មានជាង១០០នាក់បានកំពុងរង់ចាំខ្ញុំយ៉ាងយូរនៅព្រលានយន្តហោះ ប៉ុន្តែត្រូវចាកចេញទៅវិញ។ ខ្ញុំសុំទោសដែលធ្វើឲ្យអ្នករង់ចាំ ពីព្រោះ ជើងហោះហើររបស់ខ្ញុំត្រូវបានពន្យារពេល។ ខ្ញុំនឹងជ្រើសរើសកន្លែងប្រជុំមួយ រួចអញ្ជើញអ្នកទាំងអស់គ្នាសម្រាប់ការប្រកាសពិសេសក្នុងពេលឆាប់ៗនេះ»។

តាមសំណេររបស់ Leduc ដែលបានលើកឡងថា រូបភាពនៅលើអាវធំគឺជាជនរងគ្រោះចុងក្រោយរបស់ខ្លួនគឺជាកីឡាករ ព្រំ សំណាង ដែលបានប្រកួតស្មើគ្នាកាលពីខែវិច្ឆិកា ឆ្នាំ២០២៣។ នៅពេលនោះ រូបគេបានវាយឲ្យអាជ្ញាកណ្កាលរាប់ ព្រំ សំណាង ម្តង ប៉ុន្តែដោយសារច្បាប់ប្រកួតគ្មានអ្នកសន្លប់គឺស្មើគ្នា។

ក្រោយពេលប្រកួតជាមួយ ព្រុំ សំណាង កីឡាករមីយ៉ាន់ម៉ារូបនេះបានទៅលេងប្រាសាទអង្គរវត្ត ហើយក្រោយមករូបគេបានប្រកាសពីការចង់ទិញផ្ទះផ្ទាល់ខ្លួននៅកម្ពុជា និងគ្រោងបើកអាជីវកម្មរកស៊ីនៅប្រទេសកម្ពុជាទៀតផង។ ទើបតែប៉ុន្មានថ្ងៃមុន រូបគេបានធ្វើដំណើរមកប្រទេសកម្ពុជាជាលើកទី២៕