សប្ដាហ៍ទី១៣ ព្រះខ័នរាជស្វាយរៀង U18 រំពឹងបន្ដរកបាន៣ពិន្ទុបន្ថែមទៀត

ការ​ប្រកួត​ជើង​ឯក​ស្វាយរៀងខាប់​រដូវកាល​ទី​៦ ​វគ្គ​សន្សំ​ពិន្ទុ​ក្នុង​ពូល​ឈាន​ដល់​សប្តាហ៍​ទី​១៣ ដោយ​ក្រុម​យុវជន​ព្រះខ័នរាជស្វាយរៀង U18 សម្លឹង​ឃើញឱកាស​រកបាន៣ពិន្ទុក្នុងការជំនួបជាមួយក្រុមសុាំម៉ូរ៉ៃភូមិតាកឹង។

ឆ្លងកាត់ការប្រកួត៣លើកក្នុងពូល«ជ» ក្រុមព្រះខ័នរាជស្វាយរៀង U18 ធ្វើបានយ៉ាងល្អ ក្រោយឈ្នះទាំង៣ប្រកួតមាន៩ពិន្ទុឈរលេខ១ក្នុងពូល ជាពិសេសស៊ុតបញ្ចូលទីសរុបបាន១៣គ្រាប់ និងរបូតតែមួយគ្រាប់១ប៉ុណ្ណោះ។ ចំណែក​ក្រុមសុាំម៉ូរ៉ៃភូមិតាកឹង កំពុងឈរនៅលេខ៤ ក្រោយប្រកួត៣លើក ស្មើ១ ចាញ់២ មាន១ពិន្ទុ។ មើលតាមស្ថិតិការប្រកួតកន្លងមក ចំពោះក្រុមព្រះខ័នរាជស្វាយរៀង U18 ទំនង​ជា​មិនពិបាក​ក្នុងការស្វែងរកជោគជ័យជម្នះសប្ដាហ៍នេះ។

ការប្រកួត ថ្ងៃសៅរ៍ ទី២៣ ខែមីនា មាន៣គូ ទី​លាន​វិទ្យាល័យ ស្វាយរំពារ

• សសយក ស្រុកចន្រ្ទា vs សសយក បាទី នាវេលាម៉ោង៨ព្រឹក
• បក្សីស្វាយរៀង vs នគរបាលច្រកទ្វារព្រំដែនបាវិត នាវេលាម៉ោង១:៣០​នាទី​រសៀល
• CRS SPORT vs យុវជនជីភូ FC នាវេលាម៉ោង៣:៣០​​នាទីរសៀល

ការប្រកួត ថ្ងៃអាទិត្យ ទី២៤ ខែមីនា មាន២គូ ទី​លាន​វិទ្យាល័យ ស្វាយរំពារ

• ព្រះខ័នរាជស្វាយរៀង U18 vs សុាំម៉ូរ៉ៃភូមិតាកឹង នាវេលាម៉ោង៨ព្រឹក
• សកល.ស្វាយរៀង vs សសយក ស្រុកកំពង់រោទិ៍ នាវេលាម៉ោង១:៣០នាទី​​រសៀល

អត្ថបទ៖ ផា រតនា