កីឡា

វិសាខាប្រកាសវិលត្រឡប់មកវិញហើយ

បានផុស

៩ ខែ មុន

នៅ

ថ្ងៃចន្ទ ២៥ មីនា ២០២៤

ដោយ

ក្លិបបាល់ទាត់វិសាខាបានប្រកាសពីការប្រកួតបន្ទាប់របស់ខ្លួនជាមួយក្រសួងការពារជាតិ នៅថ្ងៃទី៣១ ខែមីនា ឆ្នាំ២០២៤ ដូច្នេះមានន័យថា ក្លិបបានសម្រេចចិត្តវិលត្រឡប់មកកាន់ការប្រកួតវិញហើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ចាប់តាំងពីប្រកាសដកខ្លួនចេញពីការប្រកួតលីគទី១ លីគទី២ និងពានរង្វាន់សម្តេចតេជោ ហ៊ុន សែន កាលពីថ្ងៃទី៨ ខែមីនាមក ទាំងសហព័ន្ធកីឡាបាល់ទាត់កម្ពុជា និងក្លិបវិសាខាមិនទាន់មានការប្រកាសជាផ្លូវការពីការវិលត្រឡប់មកវិញឡើយ សូម្បីក្រោយពេលធ្វើសន្និសីទសារព័ត៌មានកាលពីថ្ងៃទី១៦ ខែមីនា ឆ្នាំ២០២៤។

ទោះបីជាបីជាយ៉ាងណា សហព័ន្ធកីឡាបាល់ទាត់កម្ពុជាបានដាក់ពិន័យវិសាខាឲ្យចាញ់ព្រះខ័នរាជស្វាយរៀង ៣-០ សម្រាប់ការប្រកួតសប្តាហ៍ទី២៤នៃលីគកំពូលកម្ពុជា និងចាញ់សៀមរាបអេហ្វស៊ី ៣-០ សម្រាប់ការប្រកួតលីគទី២។ ជាមួយគ្នានេះក៏មានការពិន័យជាប្រាក់៤លានរៀល និងសងការខូចខាតសម្រាប់ការរៀបចំការប្រកួតទាំងពីរ។

នៅព្រឹកថ្ងៃទី២៥ ខែមីនា ឆ្នាំ២០២៤ វិសាខា បានប្រកាសពីកម្មវិធីប្រកួតបន្ទាប់ជាមួយក្រសួងការពារជាតិ នៅថ្ងៃទី៣១ ខែមីនា ឆ្នាំ២០២៤ ដែលត្រូវជាការប្រកួតសប្តាហ៍ទី២៥ នៃលីគកំពូលកម្ពុជា៕