ចុងសប្ដាហ៍នេះស្វាយរៀងខាប់វគ្គ១៦ក្រុមចាប់ផ្ដើមការប្រកួត

ការ​ប្រកួត​ជើង​ឯក​ស្វាយរៀងខាប់​រដូវកាល​ទី​៦ ឆ្នាំ​២០២៣-២៤ ឈាន​ដល់​វគ្គ​១៦​ក្រុម​ចុង​ក្រោយ​ដែល​ជា​វគ្គ​ចាញ់​ធ្លាក់ ឈ្នះ​ឡើង បន្ទាប់​ពី​បញ្ចប់​ការ​ប្រកួត​​វគ្គសន្សំពិន្ទុក្នុងពូល​កាល​ពី​ពីរ​សប្តាហ៍​មុន។

ក្រោយការចាប់ឆ្នោតនៅរសៀលថ្ងៃអាទិត្យ ទី២៤ ខែមីនា ជាលទ្ធផល ការប្រកួតវគ្គ១៦ក្រុមចុងក្រយ​ត្រូវ​ប្រើ​ពេល​២សប្ដាហ៍ ដោយ​១សប្ដាហ៍មាន​ការ​ប្រកួត​៤គូ។ សប្តាហ៍ទី​១​ ក្រុម​ខ្លាំង​មិន​ទាន់​ស្គាល់​បរាជ័យ​កាល​វគ្គ​សន្សំ​ពិន្ទុ​ក្នុង​ពូល ព្រះ​ខ័ន​រាជ​ស្វាយរៀង U18 ប្រកួត​ជា​មួយ ពូប្រុស លីងគួយ នៅ​ថ្ងៃ​សៅរ៍ ទី​៦ ខែ​មេសា ហើយ​ក្រុម​ស្នងការដ្ឋាន​នគរ​បាល​ខេត្ត​ស្វាយរៀង ប្រកួត​ជា​មួយ កាំភ្លើងធំ។

នៅ​ថ្ងៃ​​អាទិត្យ ទី​៧ ខែ​មេសា ក្រុម​សៀងហៃរីហ្សត អេហ្វស៊ី ប្រកួត​ជា​មួយ​ ក្រុម​យុវជន​ឃុំ​សម្បត្តិ​មាន​ជ័័យ ហើយ​ក្រុមនគរ​បាល​ច្រកទ្វារព្រំដែន​បាវិត ប្រកួត​ជា​មួយ ដារ៉ូពិទូ សុខសាន្ត។

កាលវិភាគប្រកួតសប្ដាហ៍ទី១ វគ្គ១៦ក្រុមចុងក្រោយ
ថ្ងៃសៅរ៍ ទី៦ ខែមេសា ឆ្នាំ២០២៤

• ព្រះខ័នរាជស្វាយរៀង U18 vs ពូប្រុស លីងគួយ វេលាម៉ោង ១:៣០ រសៀល
• ស្នងការដ្ឋាននគរបាលខេត្តស្វាយរៀង vs កាំភ្លើងធំ វេលាម៉ោង ៣:៣០ រសៀល

ថ្ងៃអាទិត្យ ទី៧ ខែមេសា ឆ្នាំ២០២៤

• សៀងហៃរីស្សត FC vs យុវជនឃុំសម្បត្តិមានជ័យ វេលាម៉ោង ១:៣០ រសៀល
• នគរបាលច្រកទ្វារព្រំដែនបាវិត vs ដារ៉ូពិទូ សុខសាន្ត វេលាម៉ោង ៣:៣០ រសៀល

អត្ថបទ៖ ផា រតនា