កីឡា
អ្នកគាំទ្រចូលទស្សនា ព្រះខ័នរាជស្វាយរៀង ប៉ះ បឹងកេត ល្ងាចនេះមានឱកាសឈ្នះរង្វាន់ម៉ូតូ
ការប្រកួតរវាងព្រះខ័នរាជស្វាយរៀង និង បឹងកេត ម៉ោង៦ល្ងាចនេះ ជើងទី២ វគ្គពាក់កណ្តាលផ្តាច់ព្រ័ត្រ ពានរង្វាន់សម្តេចតេជោ ហ៊ុន សែន លើកទី១៧ រដូវកាល២០២៣-២០២៤ មានរង្វាន់ម៉ូតូ១គ្រឿង និងអាវយឹត១០រង្វាន់សម្រាប់អ្នកគាំទ្រ។
ការប្រកួតជើងទី២នេះ ព្រះខ័នរាជស្វាយរៀងកាន់តែកក់ក្ដៅ ដោយសារការប្រកួតក្នុងទឹកដីខ្លួនឯង និងបន្ទាប់ពីជើងទី១ ពួកគេទទួលបានជ័យជម្នះ ៣-១ នៅពហុកីឡដ្ឋានជាតិអូឡាំពិក។ ព្រះខ័នរាជស្វាយរៀងសម្លឹងឃើញឱកាសឈ្នះពានរង្វាន់ធំ២ក្នុងមួយរដូវកាល ខណៈនៅលីគកំពូលកម្ពុជា ពួកគេកំពុងឈានមុខក្នុងតារាងពិន្ទុ។
ប្រវត្ថិជួបគ្នា៥លើកចុងក្រោយរបស់ក្រុមទាំង២៖
-បឹងកេត ១-៣ ព្រះខ័នរាជស្វាយរៀង (ពានរង្វាន់សម្ដេចតេជោ)
-ព្រះខ័នរាជស្វាយរៀង ៣-៣ បឹងកេត (លីគកំពូលកម្ពុជា)
-បឹងកេត ១-៣ ព្រះខ័នរាជស្វាយរៀង (លីគកំពូលកម្ពុជា)
-ព្រះខ័នរាជស្វាយរៀង ២-១ បឹងកេត (លីគកំពូលកម្ពុជា)
-បឹងកេត ២-១ ព្រះខ័នរាជស្វាយរៀង (លីគកំពូលកម្ពុជា)
មើលស្ថិតិ៥លើកចុងក្រោយរបស់ក្រុមទាំងពីរ ព្រះខ័នរាជស្វាយរៀងធ្វើបានល្អជាង។ ការប្រកួតរង្វាន់សម្ដេចតេជោ ហ៊ុន សែន រដូវកាលនេះ អនុញ្ញាតឲ្យប្រើកីឡាករបរទេស ដូច្នេះអាវុធសំខាន់របស់ព្រះខ័នរាជស្វាយរៀង ដែលជាម៉ាសុីនរកគ្រាប់បាល់ Marcus Haber រួមដៃគ្នាជាមួយគ្នាកីឡាករ Nick Taylor និង Gabriel Silva គឺពិតជាគ្រោះថ្នាក់សម្រាប់បឹងកេត។
រដូវកាលនេះ បឹងកេត បានអស់ឱកាសប្រជែងជើងឯកលីគកំពូលកម្ពុជាហើយ ប៉ុន្តែពួកគេបានកក់កៅអីក្នុងតំបន់ Top 4 ដើម្បីប្រកួតក្នុងជុំទី៤។ ការប្រកួតល្ងាចនេះ បឹងកេតត្រួវធ្វើការធ្ងន់មែនទែនដើម្បីរកគ្រាប់បាល់ឲ្យបានច្រើនសម្រាប់ឱកាសឡើងទៅវគ្គផ្តាច់ព្រ័ត្រ។
កាន់តែពិសេសទៀត សម្រាប់អ្នកគាំទ្រដែលបានទិញសំបុត្រចូលទស្សនានឹងមានឱកាសឈ្នះរង្វាន់ពីការចាប់ឆ្នោតផ្សងសំណាងដើម្បីអបអរសាទរបុណ្យចូលឆ្នាំថ្មី ប្រពៃណីជាតិខ្មែរ។ រង្វាន់មានម៉ូតូ១គ្រឿង និងអាវយឺតព្រះខ័នរាជស្វាយរៀងរដូវកាលនេះ១០រង្វាន់។
កម្មវិធីប្រកួត វគ្គពាក់កណ្ដាលផ្ដាច់ព្រ័ត្រ ថ្ងៃទី១០ ខែមេសា
-ព្រះខ័នរាជស្វាយរៀង vs បឹងកេត (ជើងទី១ បឹងកេត ១-៣ ព្រះខ័នស្វាយរៀងស្វាយរៀង)
-ភ្នំពេញក្រោន vs វិសាខា (ជើងទី១ វិសាខា ២-២ ភ្នំពេញក្រោន)
អត្ថបទ៖ ផា រតនា
ក្រុមហ៊ុនបច្ចេកវិទ្យាទំនើបចិន ប្ដេជ្ញាជំរុញកម្មវិធីសិក្សា TVET កម្ពុជា ឱ្យស្របតាមស្តង់ដារសិក្សានៃប្រទេសចិន និងអាល្លឺម៉ង់
មន្ត្រីក្រសួងសេដ្ឋកិច្ច ៖ ម្ចាស់អាជីវកម្ម ដែលប្រឈមហានិភ័យ ត្រូវមានធានារ៉ាប់រងសម្រាប់អាជីវកម្មខ្លួន
តើគ្រោះរញ្ជួយដីកើតនៅមីយ៉ាន់ម៉ាប៉ះពាល់និងជះឥទ្ធិពលដល់ណាខ្លះ?
អ្នកនាំពាក្យ៖ បុគ្គលិកដែលរត់ចេញពីអគារខ្ពស់ៗ ព្រោះខ្លាចករណីរញ្ជួយដីពេលនេះត្រឡប់ចូលអគារវិញធម្មតា
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
ព័ត៌មានអន្ដរជាតិ៦ ម៉ោង agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ៣ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានជាតិ១៧ ម៉ោង agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
កីឡា១ សប្តាហ៍ agoកញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៤ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ២ ថ្ងៃ agoតើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?