កីឡា
Pep និយាយថា មិនសោកស្ដាយចំពោះការធ្លាក់ចេញពី UCL
ក្រុម Manchester City បានធ្លាក់ត្រឹមវគ្គ៨ក្រុមចុងក្រោយពានរង្វាន់ UEFA Champions League បន្ទាប់ពីចាញ់ក្រុម Real Madrid ដោយការទាត់ប៉េណាល់ទី១១ម៉ែត្រកាត់សេចក្ដី ក្នុងលទ្ធផល ៤-៣ បន្ទាប់ពីស្មើគ្នា ៤-៤ ក្នុងការប្រកួតទាំង២ជើង។
ទោះបី Man City មិនបានឡើងទៅកាន់វគ្គពាក់កណ្តាលផ្តាច់ព្រ័ត្រ ប៉ុន្តែលោក Pep Guardiola ជាគ្រូបង្វឹកនៅតែកោតសរសើរកូនក្រុមរបស់លោក។ ជាពិសេសលោកមិនបានសោកស្ដាយចំពោះការចាញ់ Real Madrid ដោយសារការប្រកួត៩០នាទីនៅក្នុងកីឡដ្ឋាន Etihad ក្រុមរបស់លោកបានគ្រប់គ្រងការប្រកួតយ៉ាងល្អ ជាពិសេសបានបង្កើតឱកាសស៊ុតជាច្រើនលើក។
លោក Pep Guardiola បាននិយាយថា ៖«ខ្ញុំពិតជាចង់ឈ្នះ ប៉ុន្តែសូមអបអរសាទរ Real Madrid ដែលលេងការពារយ៉ាងល្អជាមួយនឹងសាមគ្គីភាពដ៏អស្ចារ្យ។ យើងបានធ្វើអ្វីគ្រប់បែបយ៉ាងហើយ ដូច្នេះខ្ញុំមិនសោកស្តាយអ្វីឡើយ។ យើងបានលេងយ៉ាងល្អគ្រប់តំបន់ ប៉ុន្តែសំណាងមិនល្អ យើងមិនអាចឈ្នះ»។
«ខ្ញុំត្រូវតែនិយាយអរគុណដល់កីឡាករទាំងអស់ចេញពីបេះដូង ពីព្រោះពួកគាត់បង្ហាញទម្រង់លេងយ៉ាងល្អ។ បាល់ទាត់គឺយើងគិតតែពីជ័យជម្នះ ហើយយើងធ្វើមិនបានល្អគ្រប់គ្រាន់ដូចអ្វីដែលយើងរំពឹងទុក»។

Man City បង្កើតឱកាស៣៣លើក ចំគោលដៅ៩លើក គ្រប់គ្រងបាល់៦៨% បញ្ជូនបាល់បាន៩២០លើក និងទាត់បាល់ជ្រុង១៨លើក។ ក្រុមភ្ញៀវ Real Madrid បង្កើតឱកាសស៊ុត៨លើក ចំគោលដៅ៣លើក គ្រប់គ្រងបាល់៣២% បញ្ជូនបាល់៣៥៧លើក និងទាត់បាល់ជ្រុង១លើក។
លោក Pep Guardiola បានបន្ថែមថា ៖«ពេលខ្លះអ្នកអាចឈ្នះដោយសារការទាត់បាល់១១ម៉ែត្រកាត់សេចក្ដី ហើយពេលខ្លះអ្នកមិនអាចឈ្នះទេ។ ប៉ុន្តែក្នុងការប្រកួតនេះ យើងមិនបានច្នៃឱកាសដែលយើងមានទេ ទោះបីជាយើងលេងល្អ»៕
ប្រែសម្រួល៖ ផា រតនា
ប្រភព៖ Mirror

-
ព័ត៌មានអន្ដរជាតិ៦ ម៉ោង ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ៣ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានជាតិ១៦ ម៉ោង ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
កីឡា១ សប្តាហ៍ ago
កញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៤ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ២ ថ្ងៃ ago
តើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?