កីឡា
ម្ចាស់ខ្សែក្រវាត់ឃីកបុកសីង ONE Flyweight ថាអាចជួបអ្នកណាក៏បានមិនបញ្ហា
Ilias “Tweety” Ennahachi ដែលជាម្ចាស់ខ្សែក្រវាត់ឃីកបុកសីងពិភពលោក ONE Flyweight មានភាពជឿជាក់ថា គេមានសមត្ថភាពគ្រប់គ្រាន់អាចជួបគូប្រជែងខ្លាំងៗកម្រិតណាក៏បាននៅក្នុងទម្ងន់ Flyweight នៅថ្ងៃខាងមុខ។
Ennahachi បានថ្លែងយ៉ាងដូច្នេះ៖«ខ្ញុំដឹងថា មានកីឡាករជាច្រើនចង់វ៉ៃជាមួយខ្ញុំ ព្រោះខ្ញុំជាជើងឯកស្រាប់ទៅហើយ។ នេះជារឿងធម្មតាមួយ។ បើសិន Rodtang ចង់សាកល្បងនឹងខ្ញុំ ក៏ខ្ញុំចាំទទួលស្វាគមន៍។ ខ្ញុំត្រៀមរួចរាល់ដើម្បីជួបកីឡាកររូបណាក៏បានក្នុងករណីដែល ONE Championship ចាប់គូ ឬ ផ្ដល់ឱកាសដល់ខ្ញុំ»។
ការថ្លែងយ៉ាងដូច្នេះ មុនម្ចាស់ខ្សែក្រវាត់មកពីហូឡង់ឡើងការពារខ្សែក្រវាត់លើកទី២របស់ខ្លួនទល់នឹងកីឡាករកំពូលមកពីថៃ “The Kicking Machine” Superlek Kiatmoo9 នៅព្រឹត្តិការណ៍ ONE: FISTS OF FURY នាថ្ងៃសុក្រទី ២៦ ខែកុម្ភៈ ចុងសប្ដាហ៍នេះ នៅកីឡដ្ឋាន Singapore Indoor Stadium ប្រទេសសិង្ហបុរី។ Superlek ជាម្ចាស់ជើងឯក Lumpinee Stadium Muay Thai World Champion ពីរសម័យកាល និងទទួលជ័យជម្នះ៤លើកជាប់គ្នានៅកម្មវិធី ONE Super Series ក្នុងនោះក៏ឈ្នះម្ដងក្នុងការប្រកួតឃីកបុងសីង ទៀតផង។
“Tweety” បង្ហាញការតាំងចិត្តដូច្នេះ ៖«ខ្ញុំចង់បង្ហាញដល់មនុស្សរាល់គ្នាថាជាជើងឯកពិតប្រាកដ ព្រោះខ្ញុំអាចការពារ [ខ្សែក្រវាត់បាន] និងស្ថិតក្នុងលំដាប់កំពូល។ ខ្ញុំនឹងធ្វើអ្វីៗគ្រប់យ៉ាងដើម្បីការពារខ្សែក្រវាត់ និងវ៉ៃដើម្បីរក្សាខ្សែក្រវាត់របស់ខ្ញុំ។ ខ្ញុំចង់បង្ហាញថា ខ្ញុំស្ថិតនៅលេខ១ក្នុងប្រទេសទម្ងន់នេះ»។ កីឡាកររហស្សនាម “Tweety” ចង់រក្សាខ្លួននៅទម្ងន់ flyweight និងមិនខ្វល់ថាជួបអ្នកណានោះទេ ទោះម្ចាស់ខ្សែក្រវាត់មួយថៃ ONE Flyweight កីឡាករ Rodtang “The Iron Man” Jitmuangnon ក៏ដោយ។ ក្រោយដណ្ដើមខ្សែក្រវាត់ ពី Petchdam “The Baby Shark” Petchyindee Academy កាលខែ សីហា ឆ្នាំ ២០១៩ កីឡាករកូនកាត់ហូឡង់-ម៉ារ៉ុក ឡើងការពារខ្សែក្រវាត់បានសម្រេចលើកដំបូងទល់នឹង “Metal Storm” Wang Wenfeng ក្នុងរយៈពេល ៣ ខែបន្ទាប់នៅសង្វៀន ONE: AGE OF DRAGONS និងជាជំនួបលើកទី៣ទល់នឹងកីឡាករចិនរូបនេះ។
គួរដឹងថា Ennahachi មានកំណត់ត្រាឈ្នះរហូតដល់ ៣៦ លើក និងចាញ់ ៣លើកប៉ុណ្ណោះក្នុងអាជីពគិតត្រឹមពេលនេះ។ គេជឿថា ភាពឆ្លាតវ៉ៃរបស់ខ្លួនជាផលចំណេញដ៏ធំ និងអាចរក្សាខ្សែក្រវាត់ទម្ងន់ Flyweight បានយូរអង្វែងទៅមុខទៀត៕
តារាខ្មែរណាខ្លះ ដែលស្ថិតនៅប្រទេសថៃពេលកំពុងជួបគ្រោះរញ្ជួយដី?
ប្រទះឃើញសពអណ្តែតទឹក ទើរនៅគល់ស្ពានទន្លេមេគង្គក្រចេះ
ករណីនៅផ្លូវល្បឿនលឿន សមត្ថកិច្ច ថា ផ្ដើមពីករណីឆក់ តែជនសង្ស័យម្នាក់ដើម្បីគេចខ្លួន ក៏ភ្ជង់យកឡានពលរដ្ឋទៅ
កម្ពុជាមិនទាន់មានចម្លើយពីការចូល BRICS ទេ
ឌីជេ ក្តិប បំផុសអ្នកសិល្បៈជួយសង្រ្កាន្តតាមវិទ្យាល័យដោយពុំគិតប្រាក់កម្រៃ
-
ព័ត៌មានអន្ដរជាតិ១ ថ្ងៃ agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ១ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម២៤ ម៉ោង agoការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម៥ ម៉ោង agoជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ