កីឡា
អ្នកប៉ះសេ កែវ ស្រេងលីហួរ ប្រាប់ក្ដីស្រមៃធំចង់សម្រេចឆ្នាំនេះ
កីឡាករ កែវ ស្រេងលីហួរ ជាអ្នកប៉ះសេរបស់ក្រុមបាល់ទះក្រសួងមហាផ្ទៃ កំពុងបង្ហាញទម្រង់លេងគួរឲ្យចាប់អារម្មណ៍ដែលធ្វើឲ្យអ្នកគាំទ្រសរសើរពីសមត្ថភាពរបស់យុវជនរូបនេះ។

ស្ថិតក្នុងវ័យទើប១៩ឆ្នាំ កែវ ស្រេងលីហួរ ទទួលបានឱកាសក្នុងការបង្ហាញខ្លួនឲ្យក្រុមបាល់ទះយុវជនក្រសួងមហាផ្ទៃ។ កម្ពស់១.៩១ម៉ែត្រ រូបនេះបានចាប់ផ្ដើមលេងបាល់ទះក្រៅផ្លូវការតាំងពីឆ្នាំ២០១៩ ប៉ុន្តែនៅឆ្នាំ២០២១ រូបគេបានបង្ហាញខ្លួនជាផ្លូវការជាមួយក្រុមបាល់ទះក្រសួងមហាផ្ទៃក្នុងក្រុមយុវជន ក្នុងព្រឹត្តិការណ៍ពានរង្វាន់អាយអេសអាយផាប។ បន្ទាប់មករូបគេបានចូលរួមប្រកួតពានរង្វាន់ World Police & Fire Games 2023, ពានរង្វាន់សម្តេចក្រឡាហោម ស ខេង លីគបាល់ទះកំពូលកម្ពុជា និងពានរង្វាន់ Special Volleyball Cup។

ក្នុងតំណែងជាអ្នកប៉ះសេ កីឡាករ កែវ ស្រេងលីហួរ តែងតែតាមដាន និងរៀនសូត្រពីរៀមច្បងឆ្នើមគឺ សួន ចាន់ណារ៉ូ ជាអតីតកីឡាករឆ្នើមក្នុងក្រុមជម្រើសជាតិ និងបច្ចុប្បន្នជាកីឡាករក្នុងក្រុមបាល់ទះវិសាខា។ សម្រាប់ក្ដីស្រមៃធំបំផុតរបស់ ស្រេងលីហួរ ក្នុងឆ្នាំនេះគឺចង់ជាប់ក្នុងក្រុមបាល់ទះជម្រើសជាតិកម្ពុជាអាយុក្រោម២០ឆ្នាំដែលនឹងចូលរួមប្រកួតបាល់ទះជម្រុះជើងឯកអាស៊ី ឆ្នាំ២០២៤ ជាមួយវៀតណាម នៅប្រទេសថៃ។
ក្នុងបទសម្ភាសជាមួយសារព័ត៌មាន«កម្ពុជាថ្មី» កីឡាករ កែវ ស្រេងលីហួរ បាននិយាយថា ៖«ក្ដីស្រមៃតែងតែមាន ប៉ុន្តែអាស្រ័យលើខ្លួនយើងថាប្រឹងហ្វឹកហាត់ឬមិនប្រឹងហ្វឹកហាត់។ ខ្ញុំចង់សម្រេចក្ដីស្រមៃតែមួយទេគឺខ្ញុំចង់ជាប់ក្នុងក្រុមជម្រើសជាតិកម្ពុជាក្នុងឆ្នាំនេះ។ ខ្ញុំក៏បានចូលរួមធ្វើតេស្តក្នុងក្រុមជម្រើសជាតិអាយុក្រោម២០ឆ្នាំ ប៉ុន្តែចំពោះលទ្ធផលមិនបានប្រកាសនៅឡើយ»។

ថ្វីបើ លទ្ធផលធ្វើតេស្ដក្នុងក្រុមជម្រើសជាតិអាយុក្រោម២០ឆ្នាំ មិនទាន់ចេញជាផ្លូវការ ប៉ុន្ដែ កែវ ស្រេងលីហួរ នៅតែរំពឹងថា ខ្លួនអាចមានឱកាសជាប់។ ជាពិសេសរូបគេកំពុងខិតខំប្រឹងប្រែងក្នុងការអភិវឌ្ឍខ្លួន ដើម្បីមានលទ្ធភាពជាប់ក្នុងជម្រើសជាតិក្រុមធំ សម្រាប់ព្រឹត្តិការណ៍កីឡាសុីហ្គេម ឆ្នាំ២០២៥ នៅប្រទេសថៃ។
ទោះវ័យក្មេងមែន ប៉ុន្តែអ្នកប៉ះសេ កែវ ស្រេងលីហួរ មានបទពិសោធច្រើនក្នុងបង្ហាញខ្លួនលើទីលាន។ រូបគេធ្លាប់ជួយឲ្យក្រុមបាល់ទះក្រសួងមហាផ្ទៃទទួលបានចំណាត់លេខ៣ពានរង្វាន់អាយអេសអាយផាប និងឈ្នះមេដាយមាស នៅក្នុងព្រឹត្តិការណ៍ World Police & Fire Games 2023 នៅប្រទេសកាណាដា, ឈ្នះពានរង្វាន់សម្តេចក្រឡាហោម ស ខេង ឆ្នាំ២០២៣ ពេលនោះរូបគេជាប់ឈ្មោះជាកីឡាករប៉ះសេល្អបំផុតក្នុងព្រឹត្តិការណ៍៕

អត្ថបទ៖ ផា រតនា

-
ព័ត៌មានអន្ដរជាតិ៦ ម៉ោង ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម១ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ៣ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានជាតិ១៦ ម៉ោង ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
កីឡា១ សប្តាហ៍ ago
កញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៤ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ២ ថ្ងៃ ago
តើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?