កីឡា

៨ក្រុមប្រកួតជើងឯក Soccer Saturday រួមចំណែកអភិវឌ្ឍបាល់ទាត់កម្ពុជា

បានផុស

១០ ខែ មុន

នៅ

ថ្ងៃព្រហស្បតិ៍ ២៥ មេសា ២០២៤

ដោយ

ក្រុមអភិវឌ្ឍបាល់ទាត់ Elite Soccer Coaching Cambodia នឹងរៀបចំការប្រកួតបាល់ទាត់មិនអាជីព Elite Soccer Saturday នៅថ្ងៃសៅរ៍ ទី២៧ ខែមេសា ឆ្នាំ២០២៤ ដើម្បីរួមចំណែកអភិវឌ្ឍបាល់ទាត់នៅក្នុងប្រទេសកម្ពុជា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Christonpher Grant អ្នករៀបចំកម្មវិធីបានឲ្យដឹងថា រយៈពេលជាង១០ឆ្នាំកន្លងទៅនេះ ក្រុមការងារ Elite Soccer បានរួមចំណែកយ៉ាងសំខាន់សម្រាប់មូលដ្ឋានគ្រឹះ និងការរៀបប្រកួតបាល់ទាត់ស្ម័គ្រចិត្តប្រកបដោយច្បាប់ត្រឹមត្រូវ។ គោលបំណងចម្បងនៃបង្កើតព្រឹត្តិការណ៍បាល់ទាត់នេះឡើងគឺផ្តល់ឱកាសឲ្យកីឡាករ ក៏ដូចជាយុវជនចូលរួមលេងបាល់ទាត់ក្នុងការប្រកួតប្រជែងត្រឹមត្រូវតាមច្បាប់។

សម្រាប់ព្រឹត្តិការណ៍ប្រកួត Soccer Saturday គ្រោងនឹងរៀបចំ៤លើកក្នុងឆ្នាំ២០២៤។ លើកទី១ នឹងធ្វើនៅថ្ងៃសៅរ៍ ទី២៧ ខែមេសា ឆ្នាំ២០២៤ ដែលមានក្រុម៨ចូលរួមប្រកួត។ ក្រុមទាំងអស់ត្រូវបានបែងចែកជា២ពូល ក្នុង១ពូលមាន៤ក្រុម។ បន្ទាប់ពីចប់ការប្រកួតសន្សំពិន្ទុក្នុងពូល ក្រុមលេខ១ និងលេខ២ឡើងនៃពូលនីមួយៗឡើងទៅកាន់វគ្គពាក់កណ្តាលផ្តាច់ព្រ័ត្រ។

ក្រុមឈ្នះនៅវគ្គពាក់កណ្តាលផ្តាច់ព្រ័ត្រនឹងឡើងទៅវគ្គផ្តាច់ព្រ័ត្រ ខណៈក្រុមចាញ់ត្រូវប្រកួតដណ្តើមយកចំណាត់ថ្នាក់លេខ៣។ ក្រុមជើងឯកនឹងទទួលបានប្រាក់រង្វាន់ ពានរង្វាន់ មេដាយ និងរង្វាន់ផ្សេងៗទៀត។

ពូល A