កីឡា

ឥណ្ឌូណេស៊ីសម្លឹងឃើញឱកាសឡើងវគ្គផ្ដាច់ព្រ័ត្រ AFC U23 ដំបូងយប់នេះ

បានផុស

៩ ខែ មុន

នៅ

ថ្ងៃចន្ទ ២៩ មេសា ២០២៤

ដោយ

ក្រុមបាល់ទាត់ជម្រើសជាតិឥណ្ឌូណេស៊ីអាយុក្រោម២៣ឆ្នាំនឹងប្រកួតជាមួយក្រុមជម្រើសជាតិអ៊ូបេគីស្ថាន វគ្គពាក់កណ្ដាលផ្ដាច់ព្រ័ត្រ ពានរង្វាន់ AFC U23 Asian Cup វេលាម៉ោង៩យប់ ថ្ងៃទី២៩ ខែមេសា ឆ្នាំ២០២៤។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ឥណ្ឌូណេស៊ីជាក្រុមតែមួយគត់ក្នុងតំបន់អាស៊ាន ដែលបានឡើងមកដល់វគ្គពាក់កណ្ដាលផ្ដាច់ព្រ័ត្រពានរង្វាន់យុវជនទ្វីបអាស៊ីអាយុក្រោម២៣ឆ្នាំ។ ការប្រកួតឆ្នាំនេះជាប្រវត្តិសាស្រ្ដថ្មីរបស់ឥណ្ឌូណេស៊ី ដែលបានឡើងមកដល់វគ្គ៨ក្រុមចុងក្រោយ និងបានដល់វគ្គពាក់កណ្ដាលផ្ដាច់ព្រ័ត្រថែមទៀត។ ការប្រកួតយប់នេះជាឱកាសថ្មីមួយទៀត សម្រាប់ក្នុងតំបន់អាស៊ានក្នុងការឡើងទៅវគ្គផ្ដាច់ព្រ័ត្រ ប្រសិនបើពួកគេយកឈ្នះក្រុមអ៊ូបេគីស្ថាន។

ប្រវត្តិជួបគ្នា២លើករបស់ក្រុមយុវជនអាយុក្រោម២៣ឆ្នាំទាំងពីរគឺក្រុមអ៊ូបេគីស្ថានឈ្នះទាំង២លើក ដូច្នេះឥណ្ឌូណេស៊ីត្រូវធ្វើការធ្ងន់ដើម្បីឈានដល់វគ្គផ្ដាច់ព្រ័ត្រ។ និយាយពីការប្រកួត៥លើកចុងរបស់ក្រុមអ៊ូបេគីស្ថានពួកគេធ្វើបានយ៉ាងល្អ ក្រោយឈ្នះទាំង៥លើក ខណៈឥណ្ឌូណេស៊ី ឈ្នះ៣ ចាញ់១ និងស្មើ១។

ឆ្នាំនេះ ឥណ្ឌូណេស៊ីកំពុងមានទំនុកចិត្តខ្ពស់និងការតាំងចិត្តខ្លាំង ក្រោយពួកគេទម្លាក់ក្រុមខ្លាំងកូរ៉េខាងត្បូងក្នុងវគ្គ៨ក្រុមចុងក្រោយ។

ប្រសិនបើឥណ្ឌូណេស៊ីបានឡើងទៅដល់វគ្គផ្ដាច់ព្រ័ត្រពានរង្វាន់ AFC U23 Asian Cup នោះពួកគេនឹងក្លាយជាក្រុមទី២ក្នុងតំបន់អាស៊ាន បានឡើងទៅវគ្គផ្ដាច់ព្រ័ត្រ បន្ទាប់ពីវៀតណាមធ្លាប់បានឡើងកាលពីឆ្នាំ២០១៨។ នៅពេលនោះ វៀតណាមទទួលបានត្រឹមចំណាត់ថ្នាក់លេខ២ ក្រោយចាញ់ក្រុមអ៊ូបេគីស្ថាន។

អ៊ូបេគីស្ថានធ្លាប់ឈ្នះពានរង្វាន់ AFC U23 Asian Cup ១លើក និងឈ្នះជើងឯករង១លើក ដូច្នេះទាំងបទពិសោធទាំងគុណភាពកីឡាករនាពេលបច្ចុប្បន្នមានប្រៀបជាងក្រុមឥណ្ឌូណេស៊ី៕