កីឡា
អ្នកជំនាញជិះកង់អន្តរជាតិនឹងមកវាយតម្លៃទៀត ក្រោយបើកវគ្គគ្រូបង្វឹកជិះកង់ចប់
សហព័ន្ធកីឡាទោចក្រយានកម្ពុជាបានបិទបញ្ចប់វគ្គបណ្តុះបណ្តាលគ្រូបង្វឹកកីឡាទោចក្រយាន្តដែលមានសិក្ខាកាម១៧រូប បន្ទាប់ពីបើកតាំងពីថ្ងៃទី២៣ ខែមេសា ឆ្នាំ២០២៤ ដែលមានគ្រូឧទ្ទេសជំនាញជិះកង់២រូបមកពីសហព័ន្ធកីឡាទោចក្រយានអន្តរជាតិ។
លោក Brian Nugent Anthony ជាគ្រូឧទ្ទេស១រូបក្នុងចំណោម២រូបរបស់សហព័ន្ធកីឡាទោចក្រយានអន្តរជាតិ (Union Cyclist International) សម្រាប់វគ្គបណ្តុះបណ្តាលគ្រូបង្វឹកកីឡាទោចក្រយាន ក្រោមគម្រោងសាមគ្គីអូឡាំពិក ស្តីពីការអភិវឌ្ឍប្រព័ន្ធកីឡាជាតិ សម្រាប់កីឡាទោចក្រយាន។ នៅក្នុងពិធីបិទ លោកបានបង្ហាញអារម្មណ៍រីករាយ និងកក់ក្តៅដែលបានមកចែករំលែកបទពិសោធ ចំណេះដឹង និងជំនាញ ដល់សិក្ខាកាម ដើម្បីជំរុញវិស័យកីឡាជិះកង់នៅកម្ពុជាឲ្យរីកចម្រើន។
លោក Brian មានប្រសាសន៍ថា ៖«ខ្ញុំមានភាពកក់ក្តៅដែលបានចែករំលែកបទពិសោធ ចំណេះ ជំនាញសម្រាប់សហព័ន្ធដែលមានចក្ខុវិស័យវែងឆ្ងាយសម្រាប់ការត្រៀមខ្លួនចូលរួមប្រកួតអន្តរជាតិនានាដូចជាកីឡាស៊ីហ្គេម។ ជាពិសេសកីឡាយុវជនអាស៊ីដែលកម្ពុជាធ្វើម្ចាស់ផ្ទះនៅឆ្នាំ២០២៩។ ការពង្រឹងសមត្ថភាពគ្រូបង្វឹកនៅពេលនេះគឺជារឿងចាំបាច់ និងជាមូលដ្ឋានគ្រឹះដ៏សំខាន់សម្រាប់ការបណ្តុះបណ្តាលកីឡាករ កីឡាការិនីឲ្យមានសមត្ថភាពខ្ពស់ត្រៀមប្រកួតលើឆាកអន្តរជាតិ»។
«ខ្ញុំសង្ឃឹមថា សិក្ខាកាមនឹងយកចំណេះជំនាញទាំងនេះទៅអនុវត្តជាក់ស្តែង។ ខ្ញុំមិនឈប់ត្រឹមតែការចែករំលែកនៅពេលនេះទេ ប៉ុន្តែខ្ញុំនឹងត្រឡប់មកវិញក្នុងរយៈពេលប្រហែលជា៦ខែទៀត។ ខ្ញុំនឹងតាមដាន ពិនិត្យមើលថាតើគុណផលរីកចម្រើនកម្រិតណា»។ លោក Brian បានសង្កត់ធ្ងន់។
វគ្គបណ្តុះបណ្តាលគ្រូបង្វឹកកីឡាទោចក្រយាននេះត្រូវបានផ្តល់លិខិតបញ្ជាក់ការសិក្សា២ផ្សេងគ្នាគឺលិខិតបញ្ជាក់ពីការសិក្សាដោយជោគជ័យ និងលិខិតវាយតម្លៃជាក់ច្បាស់ពីកម្រិតសមត្ថភាពរបស់សិក្ខាកាមម្នាក់ៗ។ ក្នុងចំណោមសិក្ខាកាម១៧រូបគឺបានជាប់កម្រិត១ចំនួន ៣០% និងជាប់កម្រិត២ ចំនួន៧០% ដែលវាយតម្លៃផ្ទាល់ដោយលោក Brian Nugent Anthony។
ពិធីបិទវគ្គបណ្តុះបណ្តាលគ្រូបង្វឹកកីឡាទោចក្រយាន កាលពីរសៀលថ្ងៃទី២៩ ខែមេសា ឆ្នាំ២០២៤ នៅទីស្តីការគណៈកម្មាធិការជាតិអូឡាំពិកកម្ពុជាមានការអញ្ជើញចូលរួមពីលោក វ៉ាត់ ចំរើន រដ្ឋលេខាធិការក្រសួងអប់រំ យុវជន និងកីឡា និងជាអគ្គលេខាធិការគណៈកម្មាធិការជាតិអូឡាំពិកកម្ពុជា និងលោក កឹម សុខុន រដ្ឋលេខាធិការក្រសួងពាណិជ្ជកម្ម និងជាអនុប្រធានសហព័ន្ធកីឡាទោចក្រយានកម្ពុជា៕
អត្ថបទ៖ វីរបុត្រ
មន្ត្រីជាន់ខ្ពស់ អំពាវនាវកម្មករ-និយោជិត បង្កើនការប្រុងប្រយ័ត្នខ្ពស់ពេលធ្វើដំណើរ ដើម្បីចៀសវាងគ្រោះថ្នាក់ជាយថាហេតុ
ហេតុអ្វីកីឡាករគុនខ្មែរប្រកួតក្រៅប្រទេសមិនសូវជោគជ័យ?
សេះត្រូវមានលក្ខខណ្ឌបែបនេះទើបជ្រើសរើសទៅប្រណាំងនៅសង្ក្រាន្តសៀមរាប
ជីវប្រវត្តិឯកឧត្តម ហ៊ុន សាន ជាបងប្រុសលះបង់ការសិក្សាខ្លួនឯង ដើម្បីឱ្យប្អូនៗបានរៀន
មន្ទីរពេទ្យបង្អែកបាកាន ទទួលបានជ័យលាភីលេខ១ អង្គភាពផ្តល់សេវាសាធារណៈគំរូ
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
មន្ទីរសុខាភិបាលភ្នំពេញ ឱ្យម្ចាស់ហ្វេសប៊ុក Mommy Natural លុបវីដេអូដែលថា លេបប្រមាត់ទាកាប៉ាស្រស់ល្អសម្រាប់អ្នកកាត់ប្រមាត់
នាយករដ្ឋមន្ត្រី៣រូបក្នុងត្រកូល «ស៊ីណាវ៉ាត្រា» មានវាសនាខ្ពស់រួចផុតពីការទម្លាក់អំណាចដោយសភា ប៉ុន្តែ២រូបឆ្លងមិនផុតរដ្ឋប្រហារ
មេសន្តិសុខជាតិប៉ូឡូញ៖ បើរុស្ស៊ីវាយ ខ្លួនអាចទប់ជាប់បានត្រឹម២សប្តាហ៍ប៉ុណ្ណោះ
ហ្សេលេនស្គី ថា ពូទីន នឹងស្លាប់ឆាប់ៗ
-
ព័ត៌មានអន្ដរជាតិ៣ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ៣ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
កីឡា៧ ថ្ងៃ agoកញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
សន្តិសុខសង្គម១ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៤ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានជាតិ៤ ម៉ោង agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានអន្ដរជាតិ២ ថ្ងៃ agoតើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?
-
ព័ត៌មានជាតិ៧ ថ្ងៃ agoគណបក្សថ្មីមួយទៀត ត្រូវបានក្រសួងមហាផ្ទៃ សម្រេចចុះបញ្ជីឱ្យធ្វើសកម្មភាពនយោបាយ