កីឡា
រឿង សុភ័ណ្ឌ ប្រកាសក្រុមគុនខ្មែរស្ម័គ្រចិត្តលេងបាល់ទាត់ដើម្បីសប្បុរសជានិច្ច បើត្រូវការ
កីឡាករប្រដាល់គុនខ្មែរ រឿង សុភ័ណ្ឌ បានប្រកាសពីក្រុមកីឡាករគុនខ្មែរស្ម័គ្រចិត្តលេងបាល់ទាត់ដើម្បីកិច្ចការសប្បុរសធម៌ជានិច្ច ប្រសិនបើស្ថាប័ន អង្គភាព ឬសប្បុរសជនណាត្រូវការពួកគាត់ចូលរួមលេង។
ក្រោយចប់ការប្រកួតបាល់ទាត់សប្បុរសធម៌ក្រោមមូលបទ «រួមគ្នាដើម្បីសប្បុរសធម៌ និងប្រយុទ្ធប្រឆាំងគ្រឿង ញៀន និងដើម្បីប្រមូលថវិកាជួយដល់មន្ទីរពេទ្យគន្ធបុប្ផា» កាលពីយប់ថ្ងៃទី១ ខែឧសភា ឆ្នាំ២០២៤ នៅពហុកីឡដ្ឋានជាតិអូឡាំពិក កីឡាករ រឿង សុភ័ណ្ឌ បាននិយាយថា ៖«អ្វីដែលខ្ញុំចង់និយាយដំបូងគេគឺ សូមអរគុណដល់សម្តេចតេជោ ហ៊ុន សែន ដែលបានផ្តួចផ្តើមឲ្យកើតមានកម្មវិធីសប្បុរសធម៌នេះឡើង។ សម្តេចតេជោជាគ្រូក្រុមបាល់ទាត់តារាកម្ពុជា និយាយទៅសម្តេចតេជោជាគ្រូយើងទាំងអស់គ្នា។ ខ្ញុំសប្បាយចិត្តមែនទែនដែលសម្តេចបានបង្កើតកម្មវិធីនេះឡើងដើម្បីឲ្យគុនខ្មែរបានចូលរួមធ្វើកិច្ចការសប្បុរសធម៌ ហើយក៏សូមអរគុណដល់ពុកម៉ែបងប្អូនដែលបានចំណាយពេលវេលាចូលរួមគាំទ្រយ៉ាងច្រើនកុះករ»។
រឿង សុភ័ណ្ឌ បានឮផ្ទាល់ត្រចៀកពីប្រសាសន៍របស់សម្តេចតេជោ ហ៊ុន សែន ដែលបានធ្វើឲ្យរូបគេ ក៏ដូចជាក្រុមកីឡាករគុនខ្មែរមានអារម្មណ៍មានកម្លាំងចិត្ត។
កីឡាករបានរម្លឹកថា ៖«សម្តេចតេជោមានប្រសាសន៍ថា ក្រុមកីឡាករគុនខ្មែរទាត់ដូចអាជីព។ ថ្វីបើក្រុមខ្ញុំចាញ់មែន ប៉ុន្តែសម្តេចតេជោបានលើកទឹកចិត្ត ដោយមានប្រសាសន៍ គុនខ្មែរទាត់ប្រហែលអាជីពហើយ។ សម្តេចមានប្រសាសន៍បែបនេះ ក្រុមខ្ញុំសប្បាយចិត្តមែនទែន»។
ជាពិសេសទៀតនោះ រឿង សុភ័ណ្ឌ បានបន្ថែមថា ៖«ចង់ណាស់ ខ្ញុំចង់ឲ្យមានព្រឹត្តិការណ៍សប្បុរសធម៌បន្ថែមទៀត។ សម្រាប់ក្រុមកីឡាករប្រដាល់គុនខ្មែរ ខាងស្ថាប័នណា សប្បុរសជនណា បើចង់ឲ្យក្រុមខ្ញុំលេងបាល់ទាត់ដើម្បីសប្បុរសធម៌គឺក្រុមគុនខ្មែរស្ម័គ្រចិត្តជានិច្ច ប៉ុន្តែសូមបញ្ជាក់ថា សម្រាប់តែកិច្ចការសប្បុរសធម៌ប៉ុណ្ណោះ»។
នេះជាលើកទី២ហើយដែលក្រុមកីឡាករគុនខ្មែរប្រកួតបាល់ទាត់មិត្តភាពសប្បុរសធម៌ជាមួយក្រុមបាល់ទាត់តារាកម្ពុជា ប៉ុន្តែកាលលើកទី១ការប្រកួតលក្ខណៈទ្រង់ទ្រាយតូប៉ុណ្ណោះ។ សម្រាប់លើកនេះមានការអញ្ជើញចូលរួមពីថ្នាក់ដឹកនាំ និងសប្បុរសជនជាច្រើនបានបរិច្ចាគថវិការហូតទទួលបានជាង៥លានដុល្លារអាមេរិក៕
អត្ថបទ៖ វីរបុត្រ
ផ្លូវថ្មើរជើងសប្ដាហ៍នេះ មានរបាំត្រឡោក និង ល្ខោនយីកេ
សម្ដេច ស ខេង ស្នើអាជ្ញាធរទប់ស្កាត់អំពើឆបោកតាមប្រព័ន្ធអនឡាញ ដើម្បីកុំឲ្យពលរដ្ឋខាតបង់ទ្រព្យដោយសារឧក្រិដ្ឋជន
ក្រសួងដែលមិនបានកំណត់តំណែងជាក់លាក់សម្រាប់រើសមន្ត្រីនឹងមិនអនុញ្ញាតឱ្យរើសថែមទេ
នាយករដ្ឋមន្ត្រីបញ្ជាឱ្យរៀបចំប្រព័ន្ធតាមដាន និងវាយតម្លៃតាមក្រសួងស្ថាប័ន
នាយករដ្ឋមន្ត្រីឱ្យក្រសួងមុខងារសាធារណៈដឹកនាំដោះស្រាយការជាន់មុខងាររបស់ស្ថាប័នរដ្ឋ
-
ព័ត៌មានអន្ដរជាតិ១ ថ្ងៃ agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៣ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៥ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៥ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៦ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម១ ថ្ងៃ agoការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម១៣ ម៉ោង agoជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ