កីឡា
ថ្ងៃអនាគត សហព័ន្ធបាល់ទះនឹងកំណត់កម្ពស់ចាប់ពី១.៩០ម៉ែត្រឡើងសម្រាប់ជម្រើសជាតិ
នៅថ្ងៃអនាគត សហព័ន្ធកីឡាបាល់ទះកម្ពុជាអាចនឹងកំណត់កម្ពស់កីឡាករចាប់ពី១.៩០ម៉ែត្រឡើងទៅសម្រាប់ការជ្រើសរើសក្រុមកីឡាករបាល់ទះជម្រើសជាតិកម្ពុជាដើម្បីប្រកួតព្រឹត្តិការណ័អន្តរជាតិនានា។
លោក អាំង សិរីពិសិដ្ឋ អនុប្រធាន និងជាអគ្គលេខាធិការសហព័ន្ធកីឡាបាល់ទះកម្ពុជាមានប្រសាសន៍ក្នុងបទសម្ភាសកន្លងមកថា កីឡាករបាល់ទះកម្ពុជាទាំងនៅរាជធានី និងតាមបណ្តាខេត្តនានាសុទ្ធតែមានទេពកោសល្យ ប៉ុន្តែអ្វីដែលខ្វះខាតគឺកាយសម្បទា។ ការប្រកួតក្នុងពានរង្វាន់អន្តរជាតិមិនមែនត្រូវការត្រឹមតែសមត្ថភាព ទេពកោសល្យប៉ុណ្ណោះទេ ប៉ុន្តែត្រូវមានអំណោយផ្នែកកាយសម្បទាថែមទៀតទើបអាចប្រកួតប្រជែងជាមួយគេបាន។
លោក សិរីពិសិដ្ឋ បានលើកឡើងថា ៖«យើងដឹងហើយ ប្រភេទកីឡាបាល់ទះនេះទាមទារកាយសម្បទាជាចម្បងមួយ។ ក្នុងករណី យើងមានសមត្ថភាពខ្លាំងបែបណាក៏ដោយ ប៉ុន្តែកម្ពស់របស់យើងទាបជាងគេគឺក្រោម១.៨៥ម៉ែត្រ ពិបាកនឹងប្រកួតប្រជែងជាមួយគេណាស់ ពីព្រោះភាគច្រើនកីឡាកររបស់គេទាបបំផុតក៏ជាង១.៩០ម៉ែត្រដែរ»។
«អីចឹង យើងចាំបាច់ឲ្យអត្តពលិកជំនាន់ក្រោយរបស់យើងត្រូវមានកម្ពស់ខ្ពស់គឺមិនអាចក្រោម១.៩០ម៉ែត្របានទេសម្រាប់ថ្ងៃអនាគត។ អាចនឹងមានលាយតូចតូច ពាក់ព័ន្ធនឹងកម្ពស់១.៨៥ម៉ែត្រជាដើម ប៉ុន្តែត្រូវមានទេពកោសល្យនៃការលោតហោចណាស់បាន៣.៤០ម៉ែត្រ ឬ៣.៥០ម៉ែត្រ ឬក៏៣.៥០ម៉ែត្រជាងទើបអាចជ្រើសរើស»។ លោកបានសង្កត់ធ្ងន់។
ផ្អែកលើបញ្ជីចាស់ផ្លូវការក្នុងព្រឹត្តិការណ៍កីឡាស៊ីហ្គេម លើកទី៣២ ឆ្នាំ២០២៣ ក្រុមបាល់ទះជម្រើសជាតិកម្ពុជាដែលទទួលបានមេដាយប្រាក់ជាលើកដំបូងចាប់តាំងពីចប់សង្គ្រាមមកគឺមានកីឡាករកម្ពស់ជាង២ម៉ែត្រម្នាក់ កីឡាករមានកម្ពស់ជាង១.៩០ម៉ែត្រ៧នាក់ និងកីឡាករមានកម្ពស់ជាង១.៨០ម៉ែត្រ៧នាក់។
គិតត្រឹមដើមខែឧសភា ឆ្នាំ២០២៤នេះ សហព័ន្ធកីឡាបាល់ទះកម្ពុជាកំពុងជ្រើសរើស និងប្រមូលផ្តុំក្រុមបាល់ទះជម្រើសជាតិកម្ពុជាអាយុក្រោម២០ឆ្នាំ និងក្រុមធំដើម្បីហ្វឹកហាត់ត្រៀមប្រកួតជម្រុះបាល់ទះជើងឯកអាស៊ីអាយុក្រោម២០ឆ្នាំ (2024 Asian U20 Volleyball Championship), ជើងឯកលីគបាល់ទះអាស៊ាន (SEA V. League) និងពានរង្វាន់អន្តរជាតិផ្សេង ទៀតមុនពេលកីឡាស៊ីហ្គេម ឆ្នាំ២០២៥ នៅប្រទេសថៃមកដល់។
កីឡាបាល់ទះកម្ពុជារីកចម្រើនគួរឲ្យកត់សំគាល់ក្នុងរយៈពេលបីបួនឆ្នាំចុងក្រោយនេះ បន្ទាប់ពីសហព័ន្ធបានផ្លាស់ប្តូរថ្នាក់ដឹកនាំរហូតបានឈ្នះមេដាយសំរិទ្ធកីឡាស៊ីហ្គេម ឆ្នាំ២០២១ (លើកមក២០២២) និងឈ្នះមេដាយប្រាក់កីឡាស៊ីហ្គេម ឆ្នាំ២០២៣ ជាលើកដំបូង គិតចាប់តាំងពីពីឆ្នាំ១៩៧៥មក។ សហព័ន្ធកីឡាបាល់ទះកម្ពុជាបានសហការជាមួយបណ្តាមួយចំនួន បានបង្កើនលីគបាល់ទះកំពូលកម្ពុជា និងពានរង្វាន់ផ្សេងៗទៀត ស្របពេលទទួលបានការចាប់អារម្មណ៍គាំទ្រកាន់តែខ្លាំងពីមហាជន៕
អត្ថបទ៖ វីរបុត្រ
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ
កសិករចិញ្ចឹមគោបាយជិត ៣០០ក្បាល ផ្ដាំកសិករផ្សេងឱ្យងាកមកចិញ្ចឹមគោប្រភេទនេះ ព្រោះងាយស្រួលចិញ្ចឹម
១៧ ខេត្តក្នុងចំណោម ២៥ រាជធានីខេត្ត បញ្ចប់ចុះតាមដានការអនុវត្តយានយន្តកែច្នៃខុសលក្ខណៈបច្ចេកទេស
អ៊ីស្រាអែលសម្លាប់មនុស្សជិត ៩០០នាក់ ចាប់តាំងពីលែងអនុវត្តបទឈប់បាញ់នៅតំបន់ហ្គាហ្សា
វេទិកា JASTIP របស់ជប៉ុននឹងជួយកម្ពស់វិស័យវិទ្យាសាស្ត្រ បច្ចេកវិទ្យា និងនវានុវត្តន៍នៅកម្ពុជា
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
ការខូចខាតបឋម ព្រោះគ្រោះរញ្ជួយដីដ៏ខ្លាំងក្លាដែលវាយប្រហារអាស៊ីអាគ្នេយ៍
នាយករដ្ឋមន្ត្រីថៃ ដាក់ចេញបទបញ្ជាបន្ទាន់ដើម្បីគ្រប់គ្រង់គ្រោះរញ្ជួយដី
របាយការណ៍ចុងក្រោយបំផុតអំពីការបំផ្លិចបំផ្លាញ និងរងគ្រោះ ព្រោះការរញ្ជួយដីនៅអាស៊ីអាគ្នេយ៍
-
ព័ត៌មានអន្ដរជាតិ២០ ម៉ោង agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៤ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ១ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ agoតើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?
-
សន្តិសុខសង្គម១៩ ម៉ោង agoការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ