កីឡា

Havertz នឹងក្លាយជាអ្នកគាំទ្រ Spurs ពេញទំហឹងក្នុងសប្ដាហ៍នេះ

បានផុស

៨ ខែ មុន

នៅ

ថ្ងៃចន្ទ ១៣ ឧសភា ២០២៤

ដោយ

កីឡាករ Kai Havertz របស់ក្រុមកាំភ្លើងធំ Arsenal នឹងគាំទ្រក្រុម Tottenham Hotspurs ក្នុងជំនួបទល់ជាមួយក្រុម Manchester City ក្នុងសប្ដាហ៍នេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទាំងអ្នកគាំទ្រក្រុម Arsenal និងកីឡាករពិតណាស់នឹងក្លាយជាអ្នកគាំទ្រក្រុម Spurs ក្នុងសប្ដាហ៍នេះ ខណៈពួកគេត្រូវការឲ្យក្រុមមួយនេះយកឈ្នះក្រុម Man City ដើម្បីឱកាសក្លាយជាម្ចាស់ជើងឯកលីគកំពូលអង់គ្លេសរដូវកាលនេះ។

Arsenal កំពុងឈរលេខ១បណ្ដោះអាសន្ន(៨៦ពិន្ទុ) មាន១ពិន្ទុនាំមុខ Manchester City (៨៥ពិន្ទុ) កំពុងឈរនៅលេខ២ ប៉ុន្តែពួកគេនៅសល់១ប្រកួតទៀតប៉ុណ្ណោះ ខណៈក្រុម Man City នៅសល់២ប្រកួតទៀត។ ជំនួបរវាងក្រុម Man City និង Hotspurs អាចចាត់ទុកជាហ្គេមមរណៈសម្រាប់ក្រុមទាំងពីរដើម្បីឱកាសក្លាយជាជើងឯក។ មូលហេតុនេះហើយបានជាអ្នកគាំទ្រ Arsenal ជាពិសេសកីឡាករ Kai Havertz ក្លាយជាអ្នកគាំទ្រក្រុម Spurs។

កីឡាករ Kai Havertz បាននិយាយថា ៖«ខ្ញុំក្លាយជាអ្នកគាំទ្រដ៏ធំបំផុតរបស់ Tottenham ដែលមិនធ្លាប់មាននៅថ្ងៃអង្គារ៍នេះ។ យើងទាំងអស់គ្នានឹងក្លាយជាអ្នកគាំទ្រ Spurs»។

Arsenal ខកខានក្នុងការលើកពានរង្វាន់ Premier league អស់រយៈ២០ឆ្នាំហើយ បន្ទាប់ពីបានឈ្នះពានរង្វាន់នេះចុងក្រោយនៅឆ្នាំ២០០៤។ រដូវកាលនេះឱកាសសម្រាប់ពួកគេមានសង្ឃឹមតិចតួចណាស់ ដោយសារ Man City កំពុងធ្វើបានយ៉ាងល្អដូចគ្នាក្នុងនាមជាម្ចាស់ជើងឯកឆ្នាំចាស់។

បើនិយាយពីការប្រកួតនៅលីគកំពូលៗនៅតំបន់អឺរ៉ុបគឺសុទ្ធតែរកឃើញម្ចាស់ជើងប្រចាំលីគនីមួយៗហើយ ទោះបីការប្រកួតមិនទាន់បញ្ចប់ជាផ្លូវការ ប៉ុន្តែសម្រាប់លីគកំពូលអង់គ្លេសក្នុងរដូវកាលនេះត្រូវរងចាំមើលដល់សប្ដាហ៍ទី៣៨ ដែលជាសប្ដាហ៍ចុងក្រោយ៕