កីឡា
កាន់តែល្អ! ឈឿង ល្វៃ ចេញប្រកួតខ្សែក្រវាត់២នៅក្រៅប្រទេសខែក្រោយ
កីឡាករគុនខ្មែរ ឈឿង ល្វៃ ទទួលបានឱកាសចេញប្រកួតដណ្តើមខ្សែក្រវាត់អន្តរជាតិ២ខ្សែនៅពីរប្រទេសផ្សេងគ្នានាខែក្រោយនេះ បន្ទាប់ពីទទួលបានជោគជ័យនៅទីក្រុងហុងកុងកាលពីខែមីនា ឆ្នាំ២០២៤។
ការប្រកួតដណ្តើមខ្សែក្រវាត់នៅប្រទេសបារាំង
ឈឿង ល្វៃ ត្រូវប្រឈមនឹងជើងខ្លាំងបារាំង Omar Samb សម្រាប់ការប្រកួតដណ្តើមខ្សែក្រវាត់គុនខ្មែរពិភពលោក (Kun Khmer World Champion) ទម្ងន់៧២គីឡូក្រាម វេលាម៉ោង៩យប់ ថ្ងៃទី២ ខែមិថុនា ឆ្នាំ២០២៤ នៅទីក្រុង Bordeaux ប្រទេសបារាំង ផ្សាយបន្តផ្ទាល់តាមរយៈ BTV។
វាជាការប្រកួតមួយដែលនឹងតឹងតែងខ្លាំងសម្រាប់អ្នកលេងគុនខ្មែរនៅពេលជួបកីឡាករបារាំង Omar Samb ដែលល្បីខ្លាំងជាច្រើនឆ្នាំមកហើយ។ កីឡាករបារាំងរូបនេះបានប្រកាសចង់ជួប ឈឿង ល្វៃ នៅពេលរូបគេមកប្រកួតនៅប្រទេសកម្ពុជាកាលពីមីនា។
នៅចាំបានថា កាលពីខែមីនា ឆ្នាំ២០២៤ ជើងខ្លាំង Omar Samb ត្រូវបានរៀបចំឲ្យប៉ះ រឿង សុភ័ណ្ឌ ប៉ុន្តែដោយសារកីឡាករកម្ពុជាមានបញ្ហាសុខភាព រូបគេក៏ត្រូវបានផ្គូផ្គងឲ្យជួបកីឡាករបរទេសនៅលើទឹកដីកម្ពុជា។ នៅពេលនោះ រូបគេបានប្រកួតតំណាងឲ្យគុនខ្មែរដោយបានផ្តួលកីឡាករតួកគី Adem Kabak ក្នុងទឹកទី១។
Omar Samb ជាកីឡាករប្រដាល់សេរីបារាំងដែលមានបទពិសោធច្រើន ក្នុងនោះរូបគេធ្លាប់ឈ្នះម្ចាស់ខ្សែក្រវាត់កម្រិតពិភពលោក២លើក និងម្ចាស់ខ្សែក្រវាត់ថ្នាក់ជាតិបារាំង។ រូបគេធ្លាប់ឈ្នះពិន្ទុ កែវ រំចង់ កាលពីឆ្នាំ២០១៩ និងចាញ់ពិន្ទុ ម៉ឺន សុភា កាលពីឆ្នាំ២០១៧។ រហូតដល់ពេលនេះ រូបគេនៅតែរក្សាបានភាពខ្លាំងរបស់ខ្លួននៅលើសង្វៀន។
គូនេះប្រាកដជាគួរឲ្យចាប់អារម្មណ៍ខ្លាំង ពីបើនិយាយពីកាយសម្បទាប្រហាក់ប្រហែលគ្នា ប៉ុន្តែ Omar Samb មានបទពិសោធច្រើនជាង ឈឿង ល្វៃ ហើយជាម្ចាស់ទឹកដីថែមទៀតសម្រាប់ការប្រកួតនេះ។
ការប្រកួតដណ្តើមខ្សែក្រវាត់នៅទីក្រុងហុងកុង
បន្ទាប់ពីភារកិច្ចដ៏ធ្ងន់នៅលើទឹកដីបារាំង ឈឿង ល្វៃ ត្រូវបន្តហោះទៅទឹកដីហុងកុងថែមទៀតដើម្បីប្រកួតជាមួយកីឡាករអ៉ីតាលី Luca Lombardo សម្រាប់ការដណ្តើមខ្សែក្រវាត់ពិភពលោក I-1 World Super-4 Championship នៅថ្ងៃទី២៥ ខែមិថុនា ឆ្នាំ២០២៤។
ជំនួបនេះក៏កាន់តែលំបាកសម្រាប់អ្នកលេងគុនខ្មែរដែលត្រូវប្រឈមនឹងកីឡាករអ៉ីតាលីចាស់វស្សា និងមានបទពិសោធច្រើន។ កីឡាករ Luca Lombardo ធ្លាប់បកួត៨០ដងគឺឈ្នះ៦៥ដង ចាញ់១៣ដង និងស្មើ២ដង។ រូបគេបានប្រឡូកសង្វៀនធំៗច្រើននៅតាមបណ្តាប្រទេសផ្សេងៗ។ ការប្រកួតចុងក្រោយកាលពីខែមុននេះ រូបគេបានប្រកួតឈ្នះកីឡាករថៃ Wanchana នៅសង្វៀនធំ Rajadamnern និងធ្លាប់ប្រកួតនៅសង្វៀនធំ ONE Championship កាលពីឆ្នាំ២០២៣។
ឈឿង ល្វៃ បានធ្វើឲ្យសង្វៀន I-1 Championship របស់ទីក្រុងហុងកុងទទួលបានការចាប់អារម្មណ៍ខ្លាំងនៅពេលបានក្លាយជាម្ចាស់ខ្សែក្រវាត់ម៉ារ៉ាតុងកម្រិតពិភពលោក World Super-4 Championship បន្ទាប់ពីបានយកឈ្នះដៃគូ២នាក់ជាប់គ្នានៅយប់ថ្ងៃទី១២ ខែមីនា ឆ្នាំ២០២៤ នៅទីក្រុងហុងកុង ប្រទេសចិន។
ការធ្វើឲ្យសង្វៀននេះកាន់តែល្បីទើបបានធ្វើឲ្យម្ចាស់សង្វៀនផ្តល់ឱកាសឲ្យ ឈឿង ល្វៃ ជាបន្តទៀត ហើយក៏មានកីឡាករដែលធ្លាប់ប្រកួតនៅ I-1 Championship បានមកប្រកួតនៅកម្ពុជាថែមទៀត៕
អត្ថបទ៖ វីរបុត្រ
ស្នងការខេត្តបន្ទាយមានជ័យ ៖ បុណ្យចូលឆ្នាំថ្មីខាងមុននេះ ហាមច្រកទឹកក្នុងថង់ គប់ដាក់គ្នា
Update! សង្ស័យផ្ដើមពីផ្ទុះធុងហ្គាស ទើបឆេះឃ្លាំងរោងចក្រ៣ រាលដាលដល់ផ្ទះពលរដ្ឋ០៤ខ្នង
ព្រឹត្តិការណ៍ “សង្ក្រាន្តវត្តភ្នំ” ៣ថ្ងៃមានរៀបចំកម្មវិធីបែបប្រពៃណីជាតិ និងកម្មវិធី កម្សាន្តសប្បាយជាច្រើន
អ្នកវិភាគ និងអ្នកឃ្លាំមើល៖ នាយករដ្ឋមន្ត្រីកម្ពុជាតែងផ្ដល់អាទិភាពខ្ពស់ ចំពោះសុខទុក្ខប្រជាពលរដ្ឋ
លោក Munoz និយាយពីកីឡាករចំណូលថ្មី ក្រោយរកបាន Hat-trick
-
ព័ត៌មានអន្ដរជាតិ៤ ថ្ងៃ agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៩ ម៉ោង agoនិស្សិតពេទ្យដ៏ស្រស់ស្អាតជិតទទួលសញ្ញាបត្រ ស្លាប់ជាមួយសមាជិកគ្រួសារក្នុងអគាររលំដោយរញ្ជួយដី
-
ព័ត៌មានជាតិ៩ ម៉ោង agoក្រោយមរណភាពបងប្រុស ទើបសម្ដេចតេជោ ដឹងថា កូនស្រីម្នាក់របស់ឯកឧត្តម ហ៊ុន សាន គ្មានផ្ទះផ្ទាល់ខ្លួននៅ
-
សន្តិសុខសង្គម៦ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ១ សប្តាហ៍ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ៥ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ១ សប្តាហ៍ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
សន្តិសុខសង្គម១ ថ្ងៃ agoនគរបាលឡោមព័ទ្ធខុនដូមួយកន្លែងទាំងយប់ ឃាត់ជនបរទេសប្រុសស្រីជាង ១០០នាក់